نبض الحيـاة〰️

_



اللَّهُــمَّ صَلِّ وَسَـــلِّمْ وَبَارِڪ على نَبِيِّنَـــا مُحمَّد ﷺ


#جمعة_مباركة

بين ضلوعنا الوطن العزيز❤️

باسمك الظافر ينمو
فى ضمير الشعب....إيماناً وبشرى
وعلى الغابة والصحراء ..يلتف وشاحاً
وبأيدينا توهجت ضياءاً وسلاحاً
وتسلحنا بإكتوبر ....لن نرجع شبراً

سندق الصخر..حتى يخرج الصخر لنا زرعاً وخضرة
ونرود المجد حتى يحفظ الدهر لنا إسماً وذكرى
بأسمك الأخضر يا اكتوبر الأرض تغنى
الحقول اشتعلت قمحاً ووعداً وتمنى
والكنوز انفتحت فى باطن الأرض تنادى...
باسمك الشعب انتصر
حائط السجن انكسر
والقيود انسدلت..جدلة عرس..فى الأيادى

كان أكتوبر فى أمتنا منذ الأزل
كان خلف الصدر والأحزان يحيا
صامداً منتصراً..حتى إذا الصبح أطل
أشعل التاريخ ناراً وأشتعل

كان اكتوبر فى قبضتنا الأولى مع المك النمر
كان أسياف العُشَر...ومع الماظ البطل
وبجنب القرشي..حين دعاه القرشي..حتى انتصر
بأسمك الأخضر يا اكتوبر الأرض تغنى..

#كلمات الشاعر محمد المكي إبراهيم

#اكتوبر21 ✌️🔥

_



آللَّهُــمَّ صَلِّ وَسَـــلِّمْ وَبَارِڪ على نَبِيِّنَـــا مُحمَّد ﷺ


#جمعة_مباركة

ﺍﻟﻈﺮﻭﻑ ﻣﺮﺍﺍﺍﺕ ﺑﺘﻘﺴﻰ؛
ﻭﺗﺤﺮﻣﻚ ﻣﻦ ﺍﻣﻨﻴﺎﺍﺍﺍﺍﺗﻚ ..
ﻭﺍﻟﻈﺮﻭﻑ ﻫﻲ ﺫﺍﺗﻪ ﺣﻜﻤﻪ؛
ﺟﺎﺍﺍﻳﻪ ﻣﻦ ﺭﺑﻚ ﻭﺣﺎﺍﺍﺗﻚ ..
ﺍﺑﻘﻰ ﻭﺍﻋﻲ ﻭﺍﺭﺿﻲ ﺑﻴﻬﺎ؛
ﻭﻣﺎ ﺗﻘﻮﻝ ﺍﻟﺮﺯﻕ ﻓﺎﺍﺍﺍﺍﺗﻚ ..
ﻣﺎﻓﻲ ﺯﻭﻝ ﺑﻴﻔﻮﺕ ﻗﺴﻤﺘﻮ؛
ﺍﺭﺿﻰ ﺑﺎﻟﻤﻜﺘﻮﺑﻪ ﺟﺎﺍﺍﺗﻚ ..
ﻭﺍﻟﻌﻤﺮ ﻳﺎ ﺯﻭﻭﻭﻝ ﻣﺴﻄﺮ؛
ﻣﺎ ﺑﺘﻌﺮﻑ ﻛﻢ ﺣﻴﺎﺍﺍﺍﺍﺗﻚ ..
ﺍﺑﻘﻰ ﻋﺎﻳﺶ ﺿﻴﻒ ﻣﻜﺮﻡ؛
ﻭﺍﺑﻘﻰ ﺟﺎﻫﺰ ﺣﻴﻦ ﻣﻤﺎﺍﺗﻚ ..
ﻭﺍﻟﻌﻤﺮ ﻣﺎﺍﺍﺍﺍ ﺩﺍﻡ ﻫﻮ ﻟﺴﻪ؛
ﺗﺎﺍﺍﺍﺍﺍﻧﻲ ﺟﺪﺩ ﺍﻣﻨﻴﺎﺍﺍﺍﺗﻚ ..
ﻭﺍﺑﻘﻰ ﻣﻦ ﺍﻟﻤﻮﻟﻰ ﺍﻗﺮﺏ؛
ﻭﻣﺮﻩ ﺍﻋﺮﻑ ﻭﺍﺟﺒﺎﺍﺍﺍﺍﺗﻚ ..
ﻳﺎﺧﻲ ﻋﻮﻭﻭﺩ ﻣﺮﻩ ﻧﻔﺴﻚ؛
ﺍﻧﻮ ﻣﺎﺍﺍﺍ ﺗﻔﻮﺕ ﺻﻼﺍﺍﺍﺗﻚ ..
ﻳﻮﻡ ﺭﺣﻴﻠﻚ ﺗﺒﻘﻰ ﺯﺍﺍﺍﺍﺩﻙ؛
ﻭﻫﻲ ﺍﻟﺒﺘﻨﻔﻊ ﻳﻮﻡ ﻭﻓﺎﺍﺗﻚ ..
ﻭﻟﻤﺎ ﺗﻐﻠﻂ ﺗﻮﻭﻭﺏ ﻭﺳﺎﻣﺢ؛
ﺭﺑﻲ ﺑﻐﻔﺮ ﺳﻴﺌﺎﺍﺍﺍﺍﺍﺍﺗﻚ
#....

وفى يوم الجمعة ...
ترتفع الأيادي يرتفع النداء ...
يا من إسمه دواء وذكره شفاء
يا سريع الرضا ،
استجب لمن لا يملك إلا الدعاء...👐

"فن الحرب سون تزو باللغة العربية"

الكتاب باللغة الإنجليزية للحابب يطلع "ستيفن بريسفيلد"

" لا يلتقي الرائعون في بداية العمر ابدًا ، لا يلتقي الرائعون الا بعد رحلة طويلة من التعب .. ولا يحدث الحُب الحقيقي الا متاخرًا ، يحدث بين قلبين عاشا في حياة مختلفة وكان مستحيلًا ان يلتقيا .. لهذا لا شيء يصف فرحة كُل شخص عثر علىٰ نصفه الاخر ."

المقال للرائع #دوشكا استمتعوا 🌸

إذا تعاملت مع أولويات حياتك كهاوي، عايز يشتغل بمزاج، وفي حدود راحته، وفي أوقات فراغه، ولما ما يلقا موضوع، حتظل طول عمرك هاوي.
- لما تحدد هدف قدامك، إتعامل معاه كمحترف، يعني حتشتغل على هدفك كل يوم، سواء ما عندك مزاج، أو زواج عمّتك، أو مسافر في البلد وقاعد ضيف، كل يوم لازم يكون عندك حد أدنى من الزمن المخصص للتقدم خطوة على الأقل في مشروعك، كلمة في كتابك، معلومة في تخصصك.. بدون أعذار، بدون مبررات، بدون مزاج حتى.

وأخيراً، القرأوا الكتاب حيلاحظوا إني اختصرت المفاهيم شديد، مضطر طبعاً، و بنصح الجميع، بالذات أصحاب الحرف والطموحات الإبداعية، يقرأوا الكتاب بالإنجليزي لو أمكن، ولو صعب، الترجمة العربية أيضاً متوفرة رغم بعض الأخطاء التي لا تؤثر بأي شكل على الفائدة العامة.
ما بالساهل بقول "دا كتاب غيّر حيّاتي".. لكنّه فعل.

#دوشكا.

ملخص كتاب + ونسة طويلة شوية ❤️.

أكيد كلنا سمعنا بالكتاب التاريخي "فن الحرب - The art of war" للصيني " سون تزو" ، الكتاب دا تقريباً أقدم وأكبر مرجع للإستراتيجيات العسكرية.
بس في كتاب آخر، بعنوان مقتبس عن هذا الكتاب، وأقل شهرة منه بعنوان "حرب الفن - The War of Art" للكاتب والروائي الأمريكي الرهيب "ستيفن بريسفيلد".
بريسفيلد بيتكلم في الكتاب دا عن أسوأ عدو للإنسان كما أسماه، عن الصوت السلبي البيقول ليك لما تطمح لحاجة: إنت ما عندك قيمة، إنت ما حتنجح.. إنت ما بتستاهل النجاح اصلاً..
الصوت الجواك، البيحاول يشغل عقلك كل ما يصفو ويبدأ يأخذ خطوات حقيقية في مشاريعك البتحلم بيها.
عايز تقرأ عشان الإمتحانات قرّبت؟ الصوت دا حيقول ليك يللا ننزل مسلسل جديد.. بديت تكتب في كتابك (ودا الموضوع البيهم بريسفيلد في التناول) الصوت حيقول ليك يللا ندخل فيسبوك..
واجهتك عقبة سببها إنت نفسك؟ حيقول ليك المشكلة في تخلّي الناس عنّك.. حيعيّشك في دور الضحية ويقنّعك تب من خيراً في الدنيا دي..
صوت عايز يصرف نظرك ويشتّت انتباهك عن أي خطوة حتوديك قدام.. صوت عايزك تعيش في هامش الحياة، ياخ لو لقا طريقة ممكن يودّيك عديل 🔪😂

من الحاجات المدهشة الذكرها بريسفيلد، إننا بنفتكر دا صوتنا الداخلي ودي أفكارنا، بس هو في الواقع، ليس كذلك.. بريسفيلد بيعتبره صوت عالمي Universal و إنساني، موجود فطرياً بداخل كل إنسان، وبنفس الصورة، مع اختلاف في درجة علوّ الصوت من عقل لآخر، وانّه من المكوّنات الأساسية للنفس الإنسانية، كابح ومثبّط وموازن للطموح والإبداع اللانهائيين للإنسان، وكان ضروري جداً لتقدّم الإنسانية واستقرارها.
مفيد تطورياً، بس المشكلة إنو بيقنعك بالإستقرار حتى في اللحظات اللتي يتوجّب فيها الإبحار! .. وبيخلي السنين تعدّي من حولك وانت واقف بتتفرج زي بوابة عبد القيوم، وغارق في أحلامك البتمنحك رضا وهمي عن الذات..
بريسفيلد سمّى الصوت دا: المقاومة - Resistance
الكُتّاب والشعراء مثلاً بيسموه Writer's Block - بالعربي بتبقا قافلة معاهم.. ما بيقدروا يفكروا ولا يكتبوا.. ونفس الحال عند الرسامين والممتحنين والعندهم مشاريع.. الخ.. بتقفل بس.
الواحد حرفياً بيبقا ما قادر يتقدم، بيقاوم في النجاح، وكلما زادت أهمية المشروع القدامو بالنسبة لحياته، بتلقا المقاومة أشد، وتبديد الوقت أكبر.. بتحس كأنك.. خايف عديل من النجاح! وبتضر في نفسك.. وبتبدد في موهبتك وعمرك..

هل دي النهاية يعني؟ لا طبعاً..
تخيّل يا عزيزي المقاومة اللعينة دي نفسها قادرة تبقا أقوى نقاط قوتك لو فهمتها، وميّزتها، وعرفت جذورها جواك.. وسيطرت عليها.

كالآتي:
- بداية: لو سألت نفسك عن أكتر مشاريع أو واجبات بتظهر عندك المقاومة، حتطلع بلستة من الحاجات البتهمّك بالجد!
كتاب شايل فكرتو في راسك ليك سبعة سنين وكل ما تقول تبدأ، تنشغل بالتخطيط والمواضيع الجانبية؟ ..
ثغرة مفروض تسدها في سيرتك الذاتية او امتحان زمالة بتأجّل فيهم من سنين باعذار مختلفة؟ .
معرض فني؟ مشروع هندسي؟..
لو عرفت انت بتقاوم في شنو.. حتعرف أولويّاتك في الحياة مفروض تبقا شنو، ودي أول خطوة في الحل. تحديد الأولويات.

ثانياً: أكبر أعراض المقاومة ممكن تتلخص في ٤ نقاط، الإعتماد على الدعم الخارجي، تبرير العجز، التخطيط والتحضير الزائدين عن الحد (كآلية اجتناب) ، وأحلام اليقظة الزائدة عن الحد.
- فخلّي نفسك هي الداعم الأول والأساسي لروحك المعنوية، ما تبرر لنفسك التسويف، لا بالحالة النفسية ولا وضع البيت ولا غيرو.. وأجبر نفسك تعمل المطلوب منّها بدون مزاج..
- حتى لو مشروعك فنّي/كتابي مثلاً، وانت مؤمن بأسطورة الإلهام، خليك عارف انو الإلهام الحقيقي ما بيجيك وانت متوقف عن العمل، بيجيك أثناء الإنهماك فيه، بتبدأ تشتغل بدون افكار جيدة، مرة واتنين وتلانة، وفجأة بتخطر ليك الفكرة العظيمة. الإلهام هو الطرق على الباب حتى يفتح.!
- ما تحضّر وتخطط كتير، ما لازم تكون في غرفة أحلامك، في الجو المثالي، في هدوء تام، عشان تبدأ عمل على مشروعك، في عمليات جراحية بتتم في غرف الطوارئ وعربات الإسعاف، فخف على نفسك ودرّب عقلك على الخشونة والتأقلم مع أي جو.
- مافي زول ربّى عضلات بإنه يتخيل نفسو بيرفع في أثقال، وكذلك، مافي أي مشروع في حياتك حيكتمل بمجرد التفكير..
بل والعكس، التفكير هو أسوأ أعداءك إذا كان بديل للعمل.
- حتبقا كاتب بالكتابة، وليس بالتفكير في الكتابة، حتبقا رسّام لما تمسك الريشة، مش بتخيّل مشوارك الفنّي، حتلقا وظيفة أحلامك لما ترقّي سيرتك الذاتية لمستواها.. ببساطة.

ثالثاً: في طريقتين لأداء أي مشروع في الدنيا دي، مهما كان بسيط أو معقّد، طريقة الهواة، وطريقة المحترفين.

_


لا يفوتني أيضاً أن أذكركم بالرجوع للمنشورات الأولى في القناة ... يوم التدشين ... سأرفق لكم رابط أول منشور في هذه القناة .. دعونا نرجع لتلك المنشورات لنعزي أنفسنا وإياكم بروعة هذه المنشورات .. في الرابط أسفل المنشور 👇..

في مثل هذا اليوم المبارك تم تدشين النشر بهذه القناة ... تم التدشين بحماس لم يسبق له مثيل وسط كوكبة متميزه من الآدمنز ..

تمر علينا هذه الذكرى ونحن في ظل ظرف استثنائي تمر به القناة ... خمول لا يناسب فترة الحماس آنفة الذكر ... وأنا أكتب هذه العبارات في محاولة لإيجاد تعزيه مناسبه أعزي بها نفسي وإياكم متابعينا الأعزاء ..

أخترت هذه التاريخ تحديداً للتذكير بالحماس المهم و الضروري الذي مرت به القناة .. ولإعلان بداية جديده بحماس أكبر ..

إعتذار واجب لكل المتابعين/ات الذين ما زالوا متمسكين وصابرين على قناتهم وما بدلوا تبديلا فلولا صبر حضراتكم لكانت هذه القناه في طي النسيان الأبدي .. أنا فخور بكم يا ساده..

لا أجد كلمات إعتذار وافيه في حق حضراتكم ولكن أرجو التفهم وإلتماس العذر ..

وأنا إذ أقول هذه الكلمات لا يفوتني أن أعلنها أمامكم أنني سأقود حملة تجديد في هذه القناة هذه التجديد سيكون شاملاً بكل تأكيد .. وستعود قناتكم التي تحبون كما تتمنون وأكثر..


#جمعه_مباركه 🌸
#محبكم_إبراهيم_محمدعلي

‏-
‏قال ﷺ: "خير الدعاء دعاء يوم عرفة، وخير ما قلت أنا والنبيّون من قبلي: لا إله إلا الله وحده لا شريك له، له الملك، وله الحمد، وهو على كل شيء قدير"

جهّزوا أمانيكم و دعواتكم، استعدوا ليومٍ عظيم، وربٍ كريم يسمع الدعـاء ويفتح أبواب السمـاء ⛅🌾✨.'

‏ـ
أتمنى أن تحدث لنا في هذا اليوم أشياءًا في غاية اللُّطف والبهجة تسكنُّ قلوبنا بكل حُبّ وتسير معنا إلى فِـراشنا في نهاية اليوم ونحن مُبتسمين ومُطمئنين لا أكثر ❤.

-

‏في كُل أحوالي ، أنا مُمتنة لله كثيرًا ، حد اللا إِنـتهاء ❤☁️.

ﺣﺎﺟﻪ ﻓﻴﻚ
ﺗﻘﻄﻊ ﻧﻔﺲ ﺧﻴﻞ ﺍﻟﻘﺼﺎﺋﺪ
ﺗﺸﺪﻩ ﺍﺟﺮﺍﺱ ﺍﻟﻤﻌﺎﺑﺪ
ﺗﻮﻫﺘﻨﻲ .. ﺗﻌﺒﺘﻨﻲ .. ﺟﻨﻨﺘﻨﻲ
ﺟﻨﻨﺖ ﺣﺮﻑ ﺍﻟﻜﻼﻡ
ﻭﺑﺮﺿﻮ ﺍﺩﺗﻨﻲ ﺍﻟﺴﻼﻡ
ﺣﺎﺟﻪ ﻓﻲ ﺷﺮﻑ ﺍﻟﻤﺪﺍﻳﻦ
ﻭﻓﻲ ﻏﺮﻑ ﻛﻞ ﺍﻟﺴﻔﺎﻳﻦ
ﺟﻮﻩ ﻓﻲ ﻋﻤﻖ ﺍﻟﻤﻨﺎﺟﻢ ﻭﺍﻟﻌﻴﻮﻥ
ﺣﺎﺟﻪ ﺯﻱ ﻣﺎ ﺗﻜﻮﻥ ﻣﺤﻠﻖ ﻓﻲ ﺍﻟﻌﻮﺍﺻﻒ
ﻓﺠﺄﺓ ﺗﻬﺒﻂ ﻓﻲ ﺍﻟﺴﻜﻮﻥ
ﺣﺎﺟﺔ ﺯﻱ ﻧﻘﺮ ﺍﻻﺻﺎﺑﻊ
ﻟﻤﺎ ﺗﺮﺗﺎﺡ ﻟﻠﻤﻮﺳﻴﻘﻲ
ﺣﺎﺟﻪ ﺯﻱ ﺍﺧﺒﺎﺭ ﺗﻨﺎﻏﻢ ﻣﻦ ﺟﺮﻳﺪﺓ
ﺣﺎﺟﻪ ﺯﻱ ﻭﺗﺮ ﺍﻟﻤﻮﺍﻧﺊ
ﻟﻤﺎ ﻳﺼﺪﺡ ﻟﻲ ﺳﻔﻴﻨﺔ
ﺣﺎﺟﻪ ﻓﻴـﻚ ﻻ ﺑﺘﻨﺘـــﺪﺉ
ﻻ ﺑﺘﻨﺘــــﻬﻲ
ﺧﻠﺘﻨﻲ ﺍﺭﺟﻊ ﻟﻠﻘﻠﻢ
ﻭﺍﺗﺤﺪﻱ ﺑﺎﻟﺤﺮﻑ ﺍﻻﻟﻢ
ﻭﺍﺿﺤﻚ ﻣﻊ ﺍﻟﺰﻣﻦ ﺍﻟﻌﺮﻳﺾ
ﻭﺍﻧﺴﻒ ﻣﺘﺎﺭﻳﺲ ﺍﻟﻄﺮﻳﻖ
ﻭﺍﻋﺮﻑ ﻣﺘﻴﻦ ﺍﺑﻘﻲ ﺍﻟﻤﻄﺮ
ﻭﺍﻓﻬﻢ ﻣﺘﻴﻦ ﺍﺻﺒــــﺢ ﺣـﺮﻳﻖ

شقاوة شافع👦:::::::::

العمر : سبع سنوات✋✌ ..
الامنية : رائد فضاء....
موضوع حصة الانشاء 📚..
اكتب عن البيت 🏡..

قام كتب ::
البيت حلو لأننا بنلعب فيهو
لعبات كتيره🏀🚴⚽ وننوم😴 ونحضر التلفزيون💻
لاكين ماحلو لانو بعد مرات بدقونا 🔨👊 ... خاصة أمى والله
بتدق جنس دق👌👿😡⚡ ..
امبارح دقت امجد أخوى
الصغير👶 لانو شرب العصير حق الضيفان 🍹👈👩👳..
لكن هو ماشربو براهو✋ المره قالت ليه تعال هاك 😐..
عشان هو كان بعاين
فى الكبايه 👈👀🍹..
قام قرطعو كلو😁 ..
اول مامرقو الضيفان طوالي🎎👈🚪
دقوهو لمن بكي🙈😭 ..
وامى قالت ليهو فضحتنا🙊😠 ..

ابوى زعل شديد😕🙇 وقال ليها
تانى ماتدقيهو✋😾 ..
قامت أمى قالت ليهو بدقو👿
وبدقك انت ذاتك 👳👊..
اللييييييله😱😨😰 ..
والله أمى دى شكاله خلاص😩 ... أبوى ذاتو بخاف منها😥 ..

وهي طوالى بتفتش فى
جيب جلابتو👔 ..
وهو ذاتو بخت القروش فى الشرابات👏 قايلنى انا ماعارف ..
انا عاااارف😉 ..
قبضتو مره قام صر لى😾 ... وسكانى👈🏃 ..
وقال لى كان كلمت امك
بكتلك 🔫🔪💣.. قمت كلمتها ..😜

البيت مرات بسخن عشان
الكهربا بتقطع🔥💡 وابوى يقول
احسن ذاتو لانو الجمرة قددت جيوبنا وحرقتنا 😒..

فى البيت عندنا دولاب كبير😋 وشنطه 💼..
في البيت مره جونا ناس خالتى👩👨 وجابو معاهم برتكان🍊🍊🍊 ..
أمى ختتو فى الدولاب لكن انا شفتها😝 وشلت واحده كبييييره😆 .. مشيت بيها تحت السرير😏 ..

فى البيت مره جانا راجل 👳قال داير قروش💵 ..
أبوى قال لي :قول ليهو أبوى
مافي🙅 ..
مشيت قلت ليهو أبوى قال ليك
هو مافي😂 ..
قام ضحك وادانى جنيه💰 وقال لي قول لي أبوك عم خدر سيد الدكان جا ولقاك قاعد😄😄 .. وقول ليهو كمان ادانى جنيه
عشان انت ولد شاطر وما بتكضب👍 ..! لمن كلمت أبوى قال خدر ده جن ولاشنو😳 ..

البيت حلو ومفرش😊 ..
وناس أمى قالو عرس جيرانا
كان مبشتن👰👨👎 وماعشوهم🍕🍔🍟🍗 ..
لكن انا شفتها بتاكل😙 وانا ذاتى أدتنى 😀..
أمى دى كضابه خلاص😏 ..
ولما شافتنى بسمع فى الكلام وهى بتحكي لى خالتو👄👈👂 ..
قامت قالت لى خالتى ديل ماجيرانا ديل😋 ...
ديل اريتم جيران الهنا 😊..
ديل ناس هنايه ديك 😙..
وقامت غمزت بي عينا كده
لي خالتى😜😉 ..
وقالت ليها احمممم القطر
فيهو مفتش 🚅👮..
هم قايلنى عوير😐 ..
المفتش ده يعنى انا عشان ما اعرف الكلام😑 ..
لكن انا عاااارفو😛 كلو وهم قاصدين جيرانا ديل ناس هناي داك😀 .........
الاستاذ احتار واداهو عشرين من عشرة
😂😂😂😂