📜قصيدة لمولاتنا الزهراء "عليها السلام" صم چفه النذل ... والزهرة طگاها حيل وعالضلع والعين صاباها ـــــــــــــــــــــــــــــــــــــ من گد الضرب طاحت الموجوعه وبـــــــسابع سمه ونتها مسموعه ضربـــات العدو عالضلع مطبوعه وأعلـــه اجنينها امن الدمه بچاها ـــــــــــــــــــــــــــــــــــــ اتهون السطرة بس الصار شيهونه علــتها الچبيرة علي يــگيـــدونه گولوا ابيا ذنب محسن تسگطونه هــــالـــمــوقف يهد الحيل وذاها زيـ✍🏻ـنـب الـواسـطي ـــــــــــــــــــــــــــــــــــــ عافت كل وجعها وعافت السطره ونيران الگلب تســــــتعر متوجره من شافت عــلي مگيود بالحسره للــــباري ورسوله زاد شكواها ـــــــــــــــــــــــــــــــــــــ تشكي للاله اشســـوت الارجاس خلوه ابن عمي اتصيح يا هالناس بهذا الوكت كونه  حاضر العباس سقيفة ساعده   اويه الگاع ساواها ام عــــ✍🏻ــــلي البابلي ـــــــــــــــــــــــــــــــــــــ هوت عالگاع  وسفه الزهرة مطروحه واليـذكر مصـابـــچ تختــــنگ رووحـه تـوج اهـل السقيـــفه كلشي  اتلــــوحه يــا نـــــار الحـقد عـــالضـــلع طــفاها ـــــــــــــــــــــــــــــــــــــ كـلمن شعـل نار أحـــترگ بالداريــــــن يضـدون الــــــذي ينتـمي لـــــم حسين لجـلها  ماتكــف دمـــوعنه  مــن العين الـچ رايــــة المــوالي الـــيوم شـــــالاها ام وليـ✍🏻ـد الموسوي ـــــــــــــــــــــــــــــــــــــ تمت بعون الله وتوفيقه بأقلام الخادمات ام عــ✍🏻ــــلي البابلي ام وليـ✍🏻ـد الموسوي زيـ✍🏻ـنـب الـواسـطي لانجيز حذف الأسماء نسألكم الدعاء https://t.center/DmoaaAlhwraa