قصيده للامام الحسن العسكري ع
الوزن السريع
الطور جسام ياضنوتي
ــــــــــــــــــــــــــــــــــــــــــــــــــــــ
للعسكري خل نون،، نبجي،، نبجي بدمع هالي
السم مرد جبدته،،،، ونو يا شيعته
نبجي،،، نبجي بدمع هالي
ـــــــــــــــــــــــــــــــــــــــــــــــــــــــ
خلي نعازي ابنه المـــــــــنتظر
گلبه اعـله ابوه اليوم يسعر جمر
يصرخ يويلي تيتمت من زغر،
لفكده اجيب منين انه الصــــبر
شلون اضل بالنزل وحدي،، والحزن يبرالي
يلعفتني ورحت،،، بيه مافكرت
نبجي نبجي بدمع هالي
ــــــــــــــــــــــــــــــــــــــ
يسمك الظالم بيك ابد مارحم
وبگليبي بويه صوباه الســـهم
خلاني بس بالهظم بس بالالم
يلشوفتك. صارت اليــــه حلم
بيدي اشيل النعش صعبه وحال الشمع حالي
ذوباني الهجر،،،،،، ياسنيني التمر
نبجي،،، نبجي بدمع هالي
ـــــــــــــــــــــــــــــــــــــــــــــــــــ
بيدي اهيل اتراب فوگ الجسد
وحدي اضلن يالابو بلا ضـــــمد
تمنيت اني وياك نفس اللـــحد
ادري اليموت ويندفن مايرد
كلساعه ينزف جرح،،،، انظر بيتك بقى خالي
اركض لمنبرك،،،،، وابقى مناطرك
نبجي نبجي بدمع هالي
ـــــــــــــــــــــــــــــــــ
المعتمد هاليـوم لابنك فــــجع
بعدك جرحها لروحي گلبي صدع
تهمل اعيوني الك دم مو دمـع
دمعي على اخدودي يغالي طبع
نارك فلا تنطفي بويه مستعره يلــــــــوالي
لابقى طول العمر،،،،،، دمعي مني نثر
نبجي نبجي بدمع هالي
ــــــــــــــــــــــــــــــــــــــــــــــــــ
نيران بيه وضــاگ مني النفس
والاشد واصعب بالمصايب احس
يافگده عاد اهموم اهلي امس
كسر الضلع والطبره ويه الرفس
كل الالم والوجـــــــع عاده من اول وتالي
زيدت لوعتي،،،،،،،، انعادت امصيبتي
نبجي نبجي بدمع هالي
ــــــــــــــــــــــــــــــــــــــــــــــــ
خادمكم ابقى انه. طـــــول الدهر
اكتب وارثي وانعى اضل للحشر
تحضروني اريدن لون حان الامـر
لمن اموت واندفن بالگبــــــــــــــــر
بيوم اليجيني الوعد وتدنه من عندي اجالي
بغربني ووحشتي،،،،، واسكنت ونتي
نبجي نبجي بدمع هالي
ـــــــــــــــــــــــــــــــــــــــــــــــــــــــ
تمت وبعون الله ورسوله بقلمي انا
ام عـــــــــــ
✍🏻ــــــــلي البابلي لااجيز شرعا حذف الاسم،،، نسالكم الدعاء
https://t.center/DmoaaAlhwraa