📜قصيدة لمولاتنا الزهراء "عليها السلام" كإني بلسان حال مولانا أمير المؤمنين علي "عليه السلام" ضــاع ادواچ يازهرة وتلوجين عليلة ومارحم وي حالج البين ــــــــــــــــ💔ــــــــــــــــ ضـــــاع أدواچ وايس يا طبيبچ يالرحتي أمن ادينا ومن يجيبچ يـــنهــد حـيلي من اسمع نحيبچ يا زهــــرة حياتي وثمر الِــســنين ــــــــــــــــ💔ــــــــــــــــ شــــــلي بالعمر بعدج والايام سودة اتصير بعيوني والأيتام متعــودة اعله چفچ لازم اتنام مـتّي مرة وحدة ومتنه مرتين ــــــــــــــــ💔ــــــــــــــــ مــــتنه ابيــوم حمـــلتي للــگبور ضل حسين يبجي وگلبه مكسور دفـــنـتج والگلب ضل الچ ناطور مـا نـحـمل فـرگتج صعبة تدرين ــــــــــــــــ💔ــــــــــــــــ مانحمل فرگتج ياضوه الدار عفتــــــينه نون ازغار واكبار مو من عادتچ گوليلي شصار عني وعن بنينچ هيچ تبطين ــــــــــــــــ💔ــــــــــــــــ طولتي بغيابــــچ يالــــحنــينه ولو خطار بـــس مـــــره  تجينه علي ضايع تره وضاعت سنينه وگلبه من القهر مفطور نصين ــــــــــــــــ💔ــــــــــــــــ ردي لدارچ  و بردي  دليـــــلي بساعة غيبتچ مانمـــــت ليلي من ون الفڪد خــلصته حيلي لضل ابچي العمر حتى اعمي العين ــــــــــــــــ💔ــــــــــــــــ تمت بعون الله وتوفيقه بأقلام الخادمات ✍🏻أم علي البابلي ✍🏻زينب الواسطي لا نجيز حذف الاسماء نسألكم الدعاء https://t.center/DmoaaAlhwraa