شدة لوفاة( استشهاد ) السيدة فاطمة المعصومه عليها السلام ـــــــــــــــــــــــــــــــــــ تعنيت طوس لشوفتك والدرب ملزوم حرموني شوفت طلعتك يا خوية الگوم ـــــــــــــــــــــــــــــــــــــــــ فرگنا يا خوية العدو ولطوس بعداك وحرمني من عطفك عَلي وشوفت محياك والشوگ جاباني الك وبرجوه لقياك طشر شملنا المعتدي اعله اخواني ايحوم ✍🏻العلوية أم منتظر جمال الدين &"&"&"&"&"& عفت المدينه وجيت ملهوفه لجنابك حسبالي اشوفنك يل مطوُل غيابك مهظومة روحي من رحت مسدود بابك والروح مهدومه هدم والگلب مالوم رمــ✍🏼ــاد الخيام &"&"&"&"&"& طشر شملنه ومارحم بينه الظالم ضلت بحسره شوفتك يبن العوالم وسفه غدر بيه المرض والحال يالم ياخوي فارگنه الدهر والموت محتوم ✍️ام حسين الحسني &"&"&"&"&"& ياخويه فرگنه الدهر ما بعد نلتم گربت منيتي ياعلي ضل گلبي بالهــــم ردتك تشيل جنازتي كتلوني باالســــم بدرب المنيه رادتك ماشافت النوم ام وليــــ✍️ـد الموسوي &"&"&"&"&"& شبحيت عيني اعله الدرب  والدمع غدران ردتك تجيني ياعـــلي وتــــحضر اچفان بيدك تشيل انت النــــعش ويه ال عدنان ماتدري معصومه گضت ومفارگه اليوم ام عـــ✍🏻ـــلي البابلي &"&"&"&"&"& اتعنيت الك يبن الفحل يا خويه اناطر مثل العقيلة امن انسبيت ابيوم عاشر هجمت علينا اهل الرده وما النا ناصر هالمنظر أذاني ومتت من كثر الهموم زيـ✍🏻ـنب الـواسـطي ـــــــــــــــــــــــــــــــــــ ((( رابط راثيات العتره ))) تـــمـ بعون الله تعالى ـــت باقـــ✍ـــلام خادمات اهل البيت ع (((رأّبِطّةّ رثّأّء أّلَعٌتّرهِ))) بتاریخ /2/ ربيع الثاني 1444هـ🌙 لانجيز حذف الاسماء 🙏🏻🙏🏻نسالكم الدعاء🙏🏻🙏🏻 قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره https://t.center/DmoaaAlhwraa