پایگاه خبری دلفان نیوز

‍ #تویمِ خم

خدا تویمِ خم آشتی ار گلکِره دل

تونی خو شُویمَه مینیَه شنگکِره خم

ئَه در مال ای خدا تا کِئ بلالکِم

دلِم ئَر قِه مَجَر چیئم تو گِری دَم



ولله تاسیامَه دِیَر اخکه مَلالکِم

نِمم گپ تو چیه راسی نِموشی

موشی نَه کی باوَر کِه ای دروتَه

مِه شیرِم ار یَه کِه اَه بو مَجوشی



دِلِ پیروشَه پیروشَم نِمُوینی

وِژِت داتَسَه تُون کویچَه علی چَپ

تو کِه لیوَه نیی چوی مِه اَرا تو

دِلم گَن جوری آشتِت اَر تَپَه تپ



مِه جَر بیرمَر کِراس ژن پاکِ ایلِم

بچو تا خط وِشا اِلحا کَرَم بو

کِه باری بُونمَه سَر بازوم مِه گیسِت

کِه چیئم بد کور کَرِ کُل پیکَرِم بو



مِه گیسَل تو جِناخِم بو کِه تا مِه

هَر اِ ویرِت نَچِم بومَه خَریوَه

یِه رو سیلِم نِهِی بوشی یَه کی بی ؟

اَسَه سِیل گیسَلِت بَم وَ گریوَه



مِه پرتالت گِلا دَم ژیر سَریم بو

شوئَل تا صُوی خیالِت همدمم بو

مِه توزِ نیشتی اَر دُم شون کِراسِت

جمعِیر کَم تاگَه سُرمَه جفت چیئَمِم بو



ایسَه وِشتَه مَزانی و خیرَتِت دِیَر

دِلاتِر نای هونَه پالِم پَتی کِی

و ویرِت بو هَمی لالکَه و گریوَه

بیلا بِن دار بویی چوی خُروَتی نِی



#مهدی_کیانی_برخوردارنشین

@mehdikianibarkhordari