Poytaxt
Toshkentda qo‘sha-qo‘sha city‘lar qad rostlab, nafaqat toshkentliklar, poytaxt mehmonlarining ham ko‘zini quvontirayotganda Sergelidagi
omonat ko‘prikning tarmoqlarda tarqalishi ko‘zga chiqqan chipqondek bo‘ldi-da. Toshkentning sobiq hokimi
Jahongir Ortiqxo‘jayev ushbu manzarani ko‘rganida bormi,
Toshkentning 1994-yildagi Dubaydan ham o‘zib ketgani haqidagi fikridan ehtimol, qaytgan bo‘lardi.
To‘g‘ri-da, Dubayni ortda qoldirgan shaharda, tag‘inam
loy kechib yurgan bolalar manzarasi uni bu fikridan aniq qaytarardi.
“Yangi O‘zbekiston” massivlari yonginasidagi bunday manzara katta ehtimol bilan sobiq shahar hokimini xuddiki, “Yangi qo‘shnilar”dan yangi xonadon sotib olgan odamlar kabi ranjitgan bo‘lardi.
Sergeli hokimi Elbek Shukurov ham vaziyatga jim qarab turmadi, albatta. Muammo tarmoqlarda tarqalib, bo‘y ko‘rsatgach,
“Daryo”ga qo‘ng‘iroq qilib, allaqachon muammoni hal etishga kirishganini, hatto hududda asfaltlash ishlari
boshlanganini aytdi. Hokim bo‘lsa, shunday bo‘lsa-da. Muammo bormi, tezda hal qilsa, xuddi Sirdaryoning yangi hokimi Erkinjon Turdimov kabi hududni rivojlantirish uchun “Kerak bo‘lsa borlig‘imni beraman”,
deb amaliy ishlarni ko‘rsatsa nur ustiga a’lo nur bo‘lardi-da.
@daryo_live
