✔️از جلیل صفربیگی همه شعر فارسی شنیده‌اند و شاید کمتر مخاطب عامی به یاد داشته باشد که او شعر کُردی هم کار کرده باشد اما واقعیت این است که او رباعی‌ها و غزل‌های کُردی ناب بسیاری سروده است و رد تجربه و پختگی سال‌های بسیاری که صرف سرودن کرده در شعرهای کردی‌اش نمایان است.
حضور استاد جلیل صفربیگی در شعر کُردی فرصتی مغتنم است برای زبان و ادب کُردی، خاصه کُردی جنوبی.
شعر نابی از او را می‌خوانیم و خوانش آن را با صدای شاعر می‌شنویم.
🔸قەسیده‌ێ ئەنار
🔸جه‌لیل سه‌فه‌ربه‌یگی (واران)
دە باخ سینگ ت هاتمە ئەنار وە دەس
هزار دار ڕێ ئەڵ م بەسینە دار وە دەس
مەگەر ک کەوهەفی عشق قۊتیانەو بێ
ک چوار دەور دڵم پڕ بۊە دە مار وە دەس
دو پەل وە نام یکەو هاتنەو تکەو بۊنە
چمان ک گرتگە گیس ت ذوالفقار وە دەس
گومیم ئیمە دە نام شەو خەس گیست
کلیل ڕووژ نیە دە دەس شەوار وە دەس
دەنگ سکوتە یەگ دیاێگە گووش م بێ ت
هزار تارتەنەک هانە ئێرە تار وە دەس
خەم ت کرد چەنێ عاشقەیل ت بێکار
چە کار دا وە دەس مەردمەیل کار وە دس
وە دڵ نەوازی ئەگەر نەرد عشق بازەندەی
نەکەیت وەرد کەسێ بێخودی قومار وە دەس
نیەوێگ ئێ گرنگ عشقە وە دنان هەم واز
دە کار ئێمە گرنگ خەێگ رووزگار وە دەس
بژیگ یا بمرێ دی سڵا نیە وە دەسێ
دە عشق هۊچگە نەێرێگ ئختێار وە دەس
وەهار نیاێگ وە یەێ گول وەڵی دە عشق ت
گوڵێ دە نام دڵم وشکیا وەهار وە دەس
گوڵێ ک زیەم نەۊە گیانێ گوڵاو خەس نەێرێ
فداێ عەتر و عەبیر گوڵەیل خار وە دەس
تڵسم ئڕا ت درس کەن دە ڕێ وە دەر بووەنەت
دە ڕووژگار بکە گیس خوەت هەشار وە دەس
خدا دنان ئڕە چە داگەسەێ نیەزانم م
کەسێ ک ئاو گرێ ئێقە دە ئەنار وە دەس
سەر ڕێەڵ دڵ ئیمە گرێگ قەێلێگە
هە جۊر داغرە عشقت شەنگ و قەتار وە دەس
دەسێ دە ژێر سەرێ هێز نا قەلارم کرد
کەمەند زوڵف ک هەس دی نیەکەن شکار وە دەس
دوچار دیمە وە زوڵف و چەم و وە خاڵ و دەم
م نەیمە تا یەمە کەس ئیقە بوو دوچار وە دەس
دە ئێ زەمانە ک دڵ دووگ دەس وە دەس وە دروو
هونەر بێە خەرج و دڵ یار خوەت بێار وە دەس
دڕەو دوون دە تەناف خدا ئەگەر دە بهێشت
ت هەم بگر وە دڵ قورس زوڵف یار وە دەس
دەست بنە دە دەسم کوور کە حەسۊدەیلم
بخە دەست دە ملم باوگێان درار وە دەس
دەسێ بکیشە سەر دڵ هرووفێەو بمرێ
فەقەت تنی ک سەگ هار کەی مەهار وە دەس
بناڵ بوڵبوڵ شەێدا ک باخ ها وە دەس
بڕێ قڵاێ سیافکر قیڕ قاڕ وە دەس
دە باخ یار نەگرتیمنە ئەنار وە دەس
دە دەس چگیم و نەگرتیم زوڵف یار وە دەس
هزار دانگە ئێ تەسپیە ک ها ئیمە
شمارە کەیم خەم و ڕەنج بێ شومار وە دەس
دە دەێشت عومر دخواسم ک کل بووم راحەت
زەمانە هات ورەو پیریم بنار وە دەس
خەمت ورانگە ڕیشگ دە نام ڕاس دڵم
دە ڕێشگەو نیەدرارێگ کەس چنار وە دەس
دەسێ دە نام دەسم نا بکەێگ ئارامم
دجارە کردگە گیان م بێقەرار وە دەس
هزار شێخ وە عشق ت دەرس نائەولا
دە خانقاە دراتن وە دەر ستار وە دەس
م وێسووم ک وە بازار عشق هاوردن
ئڕا سەنین م کەس ناتگە سەنار وە دەس
خڵێف زوڵف بیە دەور یەک بکەێ حەڵقە
بوەس وە دور مل ئیمە یادگار وە دەس
دە شەو نەکفتە قەپ ئیمە جز دوار وە دەس
دە دەس چگیم و نەگرتیم زوڵف یار وە دەس
برگرفته از :
@varanmeedya#جلیل_صفربیگی(واران)
@darwachdariche
