#دوبیتی_لریتَشی وَن دِ کِلــــِم وقتی هنا کرد
خیالش مین دلم شوری و پا کرد
تَمـــوم ساز و کارِ دولــتم بـــُرد
مِنـی ارتش و یِهگِـل کودتا کـــِرد
###$
تو که بازی , زمو وات یا د بازی
زمین و آسمو وات یا د بازی
هِه گِه افتی وِ سرچوپی چنونی
کِه مرده قورسو وات یا د بازی
###$
وِ گُردَت خَرمِنی می بافَه باَفه
وِ سینهَت پازِنو هان دِ مِرافَه
مِنی نقاش سیت کِردَه قلم ریز
نه کَم داری دِ خویی نه اضافه
###$
تو خو بِرمِت قیامت کِردَه بَرپا
خَمِش طَعنه زِنَه وِ طاقِ کسرا
مِنی مانی رُخِت کِردَه قلم ریز
که هر خالِش و نیکی ها وِ سر جا
#رحمـان_مـریدی_بیرانوند @boosondobeyti