بوسون دوبیتی (رحمان مریدی بیرانوند)

#دوبیتی_لری از#احمد_زینی_وند واستقبال #استاد_رحمان_مریدی ازشعرایشون👇👇👇


مە واتو پِونی نارم ، چوارشە
تونیسی دوس وغمخوارم ، چوارشە


همە دونن فراریم دە دست
دەتو ولا د  بیزارم  ، چوارشە


#احمد_زینی_وند


🍀🍀🍀🍀🍀🍀

م وا تو ژار و بیمارم ، چوارشه
غصه وا تو بیه کارم ، چوارشه

م وا تو دی ولات بی کسی چی
گُلی زخمی دِ دس خارم ، چوارشه


#استاد_رحمان_مریدی

✅ #دوبیتی_لری

اگر پَلمِ تونِن گیرِم دِرو نی
گِری اَر بی تو نی ویرم دِرو نی

چِنو گیرَه هناسم وِ هناست
کِه بی تو اَر بوئِم میرِم درو نی


#رحمان_مریدی_بیرانوند

✅#دوبیتی_لری

هِه کِه  ژاری و کارئ وِ دَسِت نی
خَوَر دِ بَلگ و بار و سا خَسِت نی

کسئ حالِت نِپُرسَه ، اوسِه فَهمی
کِه کَس کَس نیسی و کَس هم کَسِت نی


#رحمـان_مـریدی_بیرانوند

#دوبیتی_لری_بالاگریوه
دو چَش داری مِنی دو چَشمَه پاکِن
دو گیسِت اِژدِها ری شو ضِحاکِن


وِ یَک وَنَه ، دِ سَر تا پا چِنونی
کِه هر چی کُر جهالَه سیت هلاکِن


#رحمـان_مـریدی_بیرانوند
@boosondobeyti

#دوبیتی_لری

تَشی وَن دِ کِلــــِم وقتی هنا کرد
خیالش مین دلم شوری و پا کرد

تَمـــوم ساز و کارِ دولــتم بـــُرد
مِنـی ارتش و یِه‌گِـل کودتا کـــِرد

###$
‍ تو که بازی , زمو وات یا د بازی
زمین و آسمو وات یا د بازی

هِه گِه افتی وِ سرچوپی چنونی
کِه مرده قورسو وات یا د بازی

###$

وِ گُردَت خَرمِنی می بافَه باَفه
وِ سینهَ‌ت پازِنو هان دِ مِرافَه


مِنی نقاش سیت کِردَه قلم ریز
نه کَم داری دِ خویی نه اضافه

###$
تو خو بِرمِت قیامت کِردَه بَرپا
خَمِش طَعنه زِنَه وِ طاقِ کسرا

مِنی مانی رُخِت کِردَه قلم ریز
که هر خالِش و نیکی ها وِ سر جا

#رحمـان_مـریدی_بیرانوند


@boosondobeyti