#BUGUN TUG‘ILGAN KUN
Akademik Azimboy Sadullayev
✅ Atoqli matematik olim, akademik Azimboy Sadullayev
1947-yil 9-yanvarda Xorazm viloyati Shovot tumanida ishchi-dehqon oilasida tavallud topdi.
❗️O‘zbekistonda matematik tadqiqotlarning yangi yo‘nalishi – kompleks potensiallar nazariyasini shakllanishi va hozirgi kunda bu yo‘nalishda jahonga taniqli ilmiy maktabning tashkil bo‘lishi hamda jadal rivojlanishi bevosita akademik A.S.Sadullaev nomi bilan bog‘liq.
📎 A.S.Sadullaevning kompleks potensiallar nazariyasini yaratishga yo‘naltirilgan fundamental ilmiy tadqiqotlari ham nazariy, ham amaliy ahamiyatga ega bo‘lib, jahon matematika jamoatchiligi tomonidan tan olingan va uni ushbu yo‘nalish bo‘yicha jahonga taniqli tadqiqotchilar qatoriga olib chiqqan.
📌 Shu bilan birga olim yuqori malakali mutaxassislarning shakllanishiga katta hissa qo‘shmoqda, uning bevosita rahbarligida
6 ta fan doktori va 20 dan ortiq fan nomzodlari tayyorlangan.
✍🏻 Akademik A.Sadullaev
3 ta monografiya va 6 ta darsliklar hamda respublika va xorijiy ilmiy jurnallarda nashr qilingan 200 dan ortiq ilmiy asarlar muallifidir.
⚡️O‘zbekistonda matematika fanini rivojlantirishga qo‘shgan ulkan hissasi, yuqori malakali mutaxassislar tayyorlashdagi xizmatlari uchun olim davlatimiz tomonidan munosib taqdirlandi.
1990-yilda O‘zbekistan Respublikasi Faxriy yorlig‘i, 2000-yilda “O‘zbekiston belgisi” ko‘krak nishoni, 2020-yilda esa “Mehnat shuhrati” ordeni bilan mukofotlangan.
Akademik Azimboy Sadullayevni tug’ilgan kuni bilan O‘zbekiston Respublikasi Fanlar akademiyasi jamoasi nomidan tabriklaymiz. Ularga uzoq umr, sihat-salomatlik, ilm-fan ravnaqi yo‘lida uzoq yillar o‘z hissalarini qo‘shishda, yoshlarga ilm ziyosini taratishda charchamasliklarini tilab qolamiz! BIZNI KUZATIB BORING https://t.center/ANRUz
