#BUGUN TUG‘ILGAN KUN Akademik Nodirbek Yusufbekov 85 yoshda 📌 Kimyo texnologiyasi, analitik va ilmiy asbobsozlik hamda kimyoviy texnologiya jarayonlari va ishlab chiqarishni avtomatlashtirish ilmiy maktabi asoschisi, akademik Yusupbekov Nodirbek Rustambekovich 1940-yil 7-yanvarda Toshkent shahrida o‘zbek ziyolilari oilasida tug‘ilgan. Otasi – Yusupbekov Rustambek (Rustambek domla), 1907-yilda o‘zbek tilini o‘rganish uslubiyatini yaratgan hamda “Ta’limi avval” alifbosi va “Ta’limi soniy” o‘qish kitoblarini yozgan. Onasi – Yusupova Habiba, yuksak davlat mukofoti – Lenin ordeniga sazovor bo‘lgan birinchi o‘zbek ayollaridan. O‘zbekistonda xizmat ko‘rsatgan o‘qituvchi, qahramon ona. Ilmiy faoliyati yo‘nalishlari: ✅ kimyoviy ishlab chiqarishning samarali jarayonlari va qurilmalari; ✅ murakkab texnologik jarayonlar va ishlab chiqarishlarni avtomatlashtirish va optimallashtirish; ✅ nazorat-o‘lchash asboblarini yaratish va tadqiq etish. 📎 Atoqli olim O‘zbekiston Respublikasida xizmat ko‘rsatgan fan arbobi, fan va texnika sohasida Abu Rayhon Beruniy nomidagi Davlat mukofoti laureati, “O‘zbekiston Respublikasining Mustaqilligiga 25 yil” va “Mehnat faxriysi” ko‘krak nishonlari, “Mehnat shuhrati” ordeni sohibi. Akademik Nodirbek Yusufbekovni bugungi tavallud ayyomi bilan O‘zbekiston Respublikasi Fanlar akademiyasi jamoasi nomidan muborakbod etamiz. Sihat-salomatlik, uzoq umr, ilm atalmish bu mashaqqatli yo‘lda yana uzoq yillar sobitqadamlik bilan mamlakatimiz ilm-fani rivojida o‘z hissalarini qo‘shishda, yoshlarga ilm ziyosini taratishda charchamasliklarini tilab qolamiz! BIZNI KUZATIB BORING https://t.center/ANRUz