#قصائد_وفاة_الرسول_الاعظم_(_ص_)_١٤٤٤_هـ
#مـۄسسـﮫ_مــﻥــبـريۄن_للالـﺢــان#الناشر_احمد_الـــزوار_c على محمد واويلاه
🥀شيب وشباب اليوم تنعاه
🏴 ـــــــــــــــــــــــــــــــــــــــــــــ
الزهراء عليه السلام تكلم والدها
ياهو اليفهم افراكك واسولفله
اخذوك وصعوبة جرحك بسهله
وصلت اليوم ما متوقعه اوصله
بويه محمد
يا هو اليفهم افراكك وايتعب عليك اعيون
بعدك بويه بل تخسيل وربعك راحو ايقسمون
حبيب الله منو يعقل عليه الناس ما يبجون
عافوا موسى الي ايغسلك ونصبو عل الخلك فرعون
يل شيبك براسي بين افركاك
ميته بس جسد يمشي انه بلياك
كوم وعني حيدر يل ابو سئله
____
رحت والروح بغيابك انه بطولي افتشها
اطلعت لمن رحت انته بلا ما ادري ما خذها
امين ابدي شسولفلك يل فاطمه مدللها
الزهره من يشح الماي اكيد بشحته يكتلها
لاتفهمني شي فاهمته من امي
بيت ادموع بخدودي بنه همي
لا تتوقع انسه اجروحي واتخله
____
بصحوت شوك لا مو موت هيج الروح مختنكه
بويه الكاعد بعينك صعبه اتقنعه بل الفركه
تعال ومر عليه اغيوم عليك الروح محتركه
طحت عل فركه بجروحي وجان العلو منل الملكه
لادير الوجه دير الحضن ليه
سويه انروح هوا الضالي اشويه
اليفارك ابو ابيا اصبر اتكله
__
طعم الذكره ماسخ حيل اذا متغمسه بدمعه
مثل تايه بصحره بليل ومطرت من شعل شمعه
يبويه ابغيبتك عندي موش هواي بس سبعه
كسر دمعه سهر اهات حسرة وشوك والوجعه
اشما احجيلك اعله الفركه ما وفي
اليفارك ابو يا سالفه اتكفي
ما تحمل شمس عينه الغفه بضله
___
الحجي البروحي يابويه احاول اوصفه بصوره
مثل نهر امدينه ايصب بس للئسف مهجروه
رضيت ابوجهي اعوفنك بس ابكلبي مجروره
يل حاملني بغيابك حملتك واني مكسوره
بغيابك باب واتراب وجمر يهجم
الرعيد ايشك يغالي اشما غيوم اتلم
وجرحي اشما مضه اعليه الزمن يحله
الشاعر براء العبيدي
ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1▪️مؤسسة منبريون لنشر القصائد 2
@ahmed_alziwar2▪️مؤسسة منبريون للمقامات3
@ahmed_alziwar3▪️مؤسسة منبريون للنعي4
@ahmed_alziwar55(كروب مؤسسة منبريون)
الكروب الاول
👇https://t.me/+tVfRCNCfpmJlMGRiالكروب الثاني
👇https://t.me/+tVGiZHdfNq81ZGYy▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA