( لسان حال سيدتي زينب) ___ آنه زينب يالتناشدني عله زينب وين راحت بالسبي خويه للشام الضعن جدالمسير ونوگ هزل بيهه يحدي الاجنبي شلون ياعباس اطلع وانت اخوي وتدري خدر الكون كله بمعصبي گوم طفي الشمس خلي الدنيا ليل وخل ظلام الليل للخدر عبي چنت من امشي الهوه عني يميل يخاف من عباس يلمس جانبي آنه بت المرتضى وبت البتول وبين هذا وذيچ انه بت النبي آنه زينب وانت عباس الكفيل ترضه ياعباس زينب تنسبي شلون اروح ميسره وعباس اخوي يعني خدر الكون رايح ينسبي آنه زينب والدهر وداني وين للخرابه وبيهه گلي اتاهبي آنه چنت الكون من انخه يطيح يخاف يزعل كافلي من معاتبي آنه بت حيدر فخر للمكرمات طالبيه وانت اخوي الطالبي ادري چفينك غدن جرفين ماي تجري بالروح وتخمد لاهبي ___ ابو اسحاق الفحام