قصائد لجميع الشعراء ملحنه

#قصائد_استشهاد_اللامام_العسكري_ع

#هوسات

الليله اشلون ليله الليله وحشه الليله

دفن بيده الامام ورجع منهد حيله

اه مدري شلون ملكه اتلاكه ويا العيله

تلطم وتنوح الواليهه

والمهدي اهوه ايصبر بيهه
🔹🔹 🔹 🔹🔹
يصبرهه الامام ودمعه يتجاره

راح ايغيب عنهه وينتظر ثاره

امه اشلون راح اتأمن ابداره

والأرجاس اتحوم اعليهه

والمهدي اهوه ايصبر بيهه
🔹🔹 🔹 🔹🔹
راحت وين نرجس عنهه لمن غاب

ماظلت ابيت امحاوطته اذياب

لبن الكمر راحت وبن داحي الباب

مثل ام عون تكفل بيهه

والمهدي اهوه ايصبر بيهه
🔹🔹 🔹 🔹🔹
#الشكرلله خادم الزهراء ع ملا علي
🔹🔹 🔹 🔹🔹
#نسالكم_الدعاء🇮🇶🤲✔️✔️

#قصائد_استشهاد_اللامام_ العسكري_ع


اعلى العسكري المسموم

تجري الدموع ادموم

يا الامام المنتظر///يا الامام المنتظر
🔹🔹 🔹 🔹🔹

العسكري غمض عيونه ومدد ايديه

وانت تدري اعداك همه امسمميه

لا لترحم بيه كلمن مارحم بيه

خلي سيفك صاعقه وتنزل عليه

يبن الشطر مرحب

كول وفعل والرب

يا الامام المنتظر///يا الامام المنتظر
🔹🔹 🔹 🔹🔹

عاش كل عمره ابمعسكرهم وحيد

ياملك مسجون بسجون العبيد

اليوم لاتصفك يمهدي ايد على ايد

خلي سيفك يرتوي ابدم جم وريد

خل يهوس هوسه

انه عصت موسى

يا الامام المنتظر///يا الامام المنتظر
🔹🔹 🔹 🔹🔹

كل بني العباس وكفهم قصاص

ماكو منجه اليوم الهم لا خلاص

الماتموت ابسيفك تموت ابرصاص

ابهاي حشد الله يمولاي اختصاص

ابفتوت السستاني

ماترك سفياني

يا الامام المنتظر///يا الامام المنتظر
🔹🔹 🔹 🔹🔹

يلغبت مولاي جايمته ترد

خلي سامره تسولف عالحشد

ولد كامت شيعتك تخلف ولد

صارو اعظام ابحلوك اهل الحقد

ننتضر ها طلعتك

فدوه الك كل شيعتك

يا الامام المنتظر///يا الامام المنتظر
🔹🔹 🔹 🔹🔹

من نشاهد بيهه كبه اجبيره

ابد مانبقه يمهدي ابحيره

ما يهمنه الظا لم وتفجيره

تبقه سا مره باهلها اميره

الكبه ومنايرهه هاي

تومي للرايح وجاي

يا الامام المنتظر///يا الامام المنتظر
🔹🔹 🔹 🔹🔹

#الشكرلله خادم الزهراء ع ملا علي
#نسالكم_الدعاء 🇮🇶🤲✔️✔️