چفـي طـيـح وإبـقــى يـا دم
لـسـه زيـنــب بـيـك تـنـشــم
مـا أنِـزفـك....إلا أَنَـشـفـك
مـن عـطـرهـا...مـن عـطـرهـا
ــــــــــــــــــــــــــــــــــــــ
چـفـي تـوگع مـو مـهم ... يـا وجـه مـا بـيـه ثـلـم
لـو بقيـت وياي سـاعه ... مـا تـظـل بالـطـف زلـم
كـافي مـو راح الـوكت ... عـالسَـطـر شو كيفت
عيب ارد لحسين أﮔـله ... لـسه باقـي وما مـتت
كافـي طيـح وهاي نخلـه وهـي فرصـه
المـا يطيـح لعين اخوي بسيـفي اگصـه
وهــو هــذا الإسـمــه كــافــل
مـا يـطـيـح وجـســمـه كـامـل
بـاقي اعرفـك....إلا أَنَـشـفـك
مـن عـطـرهـا...مـن عـطـرهـا
ــــــــــــــــــــــــــــــــــــــ
چــنــت حار ولـن دفو ... عـفـيه يـا چفي وكفو
إي طحت هـذا الأريده ... إلـمـن اتـگـلـي الـعـفو
بـعـــد اريــــد أكــثـر بــرد ... يا سهم عيني استعد
عيوني ذني اثنين اخذهن ...وخلي بس جودي يرد
كلـشي انطي وخل يرد جودي بـسلامه
جودي مــو ملـكي مـلك ريـج الـيـتامـه
وانـت يـا جــود امـشــي لـيـهـا
وخــــورس الـنــار الـتـجـيـهـا
وحتى اكلـفـك....إلا أَنَـشـفـك
مـن عـطـرهـا...مـن عـطـرهـا
ــــــــــــــــــــــــــــــــــــــ
دمـي حـدك لـلـجـرح ... منـه تطـلـع مـا يصح
إلا من عطر العـقـيله ... كـل كُـريــاتك تــشـح
وﮔـلي لـو عود اگدرت ... وانت من عدها صرت
الله مـن دمـها خـذالي ... وانـت بعــروﮔـﻲ درت
انـت دم بـس بالاسم يـا دمـي تـدري
والاصل بعروﮔﻲ زينب اختي تجـري
أنــه غــيـــر البـشــــر كـلـهـا
الــلــه خـــالـقـــنــي لأجـلـهـا
بهذا ظـرفـك....إلا أَنَـشـفـك
مـن عـطـرهـا...مـن عـطـرهـا
ــــــــــــــــــــــــــــــــــــــ
انـت يـا مـــاي الـنـهــر ... طـبـعك اتـنـام بـحفر
وانه لو حتى اوگع أنه ... باقي ذاك أنـه الگـمــر
وانـت بـيـمـن تـفـنـخـر ... والـلـه لو عندك فكـر
ما تركت حسين ضامي ... ورايح اتروي الشـمر
انـت مـن يـعرگ جـبـيـنـك نـهر تعرگ
وأنـه من يعرگ جـبـيني الدنـيا تغرگ
وأنــه مــتـفــضـــل اجــيــتــــك
جـسـتـك وعـلـيــتــه صـيــتـــك
وحتى اغـرفـك....إلا أَنَـشـفـك
مـن عـطـرهـا...مـن عـطـرهـا
ــــــــــــــــــــــــــــــــــــــ
إي يـبعد عيوني ذن ... يا هــوه ومــاي اوطــن
خويه بالظلمه تعالي ... وگعدي شبعيـني شجن
خـويـه مـدي أيـدﭺ إلـي ... أنه احس بيچ وعلي
اتصرفي وما چني ميّت ... عـايـش انه اتخـيـلي
خل نِرد الماضي والـگعده الحنـيـنـه
ولـوّ بالـگعده نـقـص شــبگـة إديـنـه
والـسـهـــم وصـتّــه عــيــنــي
يـضـــم روحـه مـن تـجـيـنــي
وﮔتـله حتـفـك....إلا أَنَـشـفـك
مـن عـطـرهـا...مـن عـطـرهـا
ــــــــــــــــــــــــــــــــــــــ
أعــرف اجـدامـچ رزن ... لكن أيـرجفـه الحـزن
وادري تتعطلين خويه ... مـن تـعــثـريـن بـأبن
هنانه زينـب تـســتمع ... وجـاوبـت صوت ودمع
أعثر بـأولادي كـلـهــم ... بـس اجــيلك والضـلـع
يمـك أنه وهذا حالــك وانــت يـمـي
هِـزني مثل الـگنطره وفززلي حلمي
ﮔـلهـا خـويـه المـوت أخـذنـي
هـــو بــس عــنـــﭻ بِـعَــدنــي
وﮔـتله ﭽـفـك....إلا أَنَـشـفـك
مـن عـطـرهـا...مـن عـطـرهـا
أحمد البصراوي
✍#نسالكم_الدعاء #نسالكم_الدعاء