( للمجتمعين في الرياض على مائدة أشلاء أطفالنا )
خلوا الفوايد لكم يا طالبين الفوايد
ويا نعنباها مواقف للمصالح رهينه
قال اليماني رعى الله يا زمان الشدايد
منك عرفنا الاصيله ف العرب والهجينه
عامين تمحيص ما خلت على العين زايد
والفرز لا زال جاري بين لبنه وطينه
يا ما سقط ناس كنا نحسب إنهم سنايد
ويا ما برز قوم منهم ما ملا الشخص عينه
عبيد سلمان حمّا يا الرتب والشهايد
والعار وش بايزيل العار يا حاملينه
تجارب الوقت واظروف السنين النكايد
فيها ظهر ما خفا ماضي الزمان وسنينه
من خان شعبه تخلّى عن جميع العوايد
والمرتزق ما يهمه بيع عرضه ودينه
للمال جندي وإذا جت للجرائم محايد
والحقد يطمس على قلب المنافق وعينه
تضليل طابوره الخامس يعد المصايد
في ما يبث القلاقل وانعدام السكينه
وأمام وعي المواطن ما تفيد المكايد
مهما يحاول دعاة الشر وأهل الضغينه
نوصل على الموت ما ناكل فتات الموايد
تهاون الشخص في حسم القضايا يهينه
وما دام والله مع اهل الحق حامي وقائد
قل للعدو داخل الميدان بيني وبينه
#بقلم_الشاعر_محمد_أحمد_مفلح #اليمن_مقبرة_الغزاة تيليجرام
http://telegram.me/Zoamel112