Xunta pola Defensa de la Llingua Asturiana

Hai una minoría intolerante, pero con poder y presencia nos medios, que desprecia la llucha polos derechos llingüísticos y arreniega de la llingua del pueblu. La mayoría de la sociedá asturiana ta arguyosa del so patrimoniu llingüísticu y ve con bonos güeyos la #oficialidá

L'asturianu nun llegó a la estación de La Pola, pero tampoco la toponimia oficial, que paez que pal Gobiernu asturianu equí nun rixe.

Decretu 74/2005, de 7 de xunetu de 2005... papel moyao.

#Oficialidá

#manilletres24 #oficialidá #yovoi

El siguiente artista que va echanos un gabitu n'acabando la manifestación pola oficialidá del próximu sábadu, 4 de mayu, va ser Ún de Grao. Yá ye amigu nuestru porque xubió más veces a los escenarios de la XDLA. Esti artista moscón, que participó nuna montonera de grupos, como Cuchu, Corzobeyos, Duerna, La Bandina’l Bache, Degañan’s o Dobra tien una carrera en solitario que se pue siguir nel so LP «Ún de Grao» (2016) y en «Pelo segao» (2021).
Con cada cantar, José Martínez Álvarez (Grau, 1978) ta dexando claro les posibilidades d’actualización de l’asturianada y de cualquier palu de la música tradicional, sabiendo averalos a otres influencies contemporánees. Va demostránoslo’l sábadu.
Semeya: Romen Grana.
#4mayu #manilletres24 #oficialidá #yovoi

Yá s'acolumbra la Selmana de les Lletres Asturianes y, como cada añu dende 1987, convocamos a la ciudadanía a reivindicar unos derechos llingüísticos que nos nieguen.

Anguaño la XDLA fai 40 años, cuatro décades trabayando pa caltener encesa la llucha pola oficialidá.

Apuntái: el sábadu 4 de mayu aguardámosvos n'Uviéu.

#Oficialidá

Nes etapes del La Vuelta n'Asturies tamién tuvo #colcorazónperdelantre la #oficialidá

Mañana vamos #colcorazonperdelantre a La Villa, nel Festival Internacional de la Gaita (FIG), pa que saques la semeya col corazón pidiendo la #oficialidá #Villaviciosa

Esti miércoles y xueves vamos #colcorazonperdelantre a onde La Cuesta'l Cholo en Xixón, pa que saques la semeya col corazón pidiendo la #oficialidá

Esti domingu 20 vamos #colcorazonperdelantre al mercáu de Grau. Búscanos na cai Manuel Pedregal. La Xunta va tar pela mañana, de diez a dos, pa que saques la semeya col corazón pidiendo la #oficialidá.

Esti llunes 14 vamos #colcorazonperdelantre a Candás. La Xunta va tar de seis a diez de la tarde na cai Valdés Pumarino pa que saques la semeya col corazón pidiendo la #oficialidá.

Mañana, al final de la mani, amás de sentir a los artistes qu'anunciemos estos díes, tamién vais poder mercar chapes y estes bolses de tela tán guapes col corazón d'#oficialidá.

Nel #DíadelesLletresAsturianes, nós queremos 10: O-F-I-C-I-A-L-I-D-Á.

Mañana, a les 12, vémonos na Cai Uría d'Uviéu.
#Oficialidá con toles lletres.

¡Muncho cambió la música n’asturianu pa lo más pequeño de la casa! N’acabando la manifestación pola #oficialidá del sábadu, vamos poder comprobalo porque llamemos a Alicia Álvarez pa que nos toque un par de cantares. Pa la ocasión va venir acompañada del músicu ayerán David Varela y paez que de dalgunos otros artistes más mozos... La creadora xixonesa, voz y guitarra de Pauline en la playa, colos sos llibros-discu “Pulgarina” (2016) y “Kikirikikí” (2020) ta abriendo caminos nuevos a la música pa públicu familiar. D’ella y de David Guardado foi la idea del proyectu “Bestiariu”, con trés discos yá onde músicos de tolos estilos interpreten temes compuestos a costafecha pa tola familia. Precisamente, nestos discos foron apaeciendo cantares que depués s’incluyeron en “Kikirikikí”. Como tien dicho Alicia, pop “delicáu, tienru y lluminosu”.

Ensin apellíos, ensin condiciones, ensin rebaxes, ensin aplazamientos.
#Oficialidá: nun nos conformamos con menos.

Falar güei de la soberanía d'Asturies cuando la so clas política en 40 años nun foi quién a da-y un estatus dignu al so patrimoniu llingüísticu, estatus que sí tienen una montonera de comunidaes, resulta ofensible. El Gobiernu podía tomar nota d'esa soberanía d'hai 200 años y aplicala nel presente.

#Oficialidá #25mayu

Esti sábadu, pa poner el ramu a la manifestación pola oficialidá, Algaire va dar un conciertín na Plaza de la Escandalera #oficialidá #LletresAsturianes

Y esti vasu, ¿cómo lu veis? Habrá qu'ayudar a enllenalu, ¿nun vos paez?

#Oficialidá #LletresAsturianes

¿Cómo veis la cosa? ¿Qué sois, de les persones que ven el vasu mediu enllenu o de les que lu ven mediu vaciu?
#Oficialidá #LletresAsturianes

LA XDLA LLAMA A LA MOVILIZACIÓN POLA OFICIALIDÁ DE LES LLINGÜES D'ASTURIES

La concentración va ser esti xueves 3 de febreru, a les 19:30h, na Xunta Xeneral n'Uviéu

Tamos viviendo una etapa fundamental nes negociaciones pa que los partíos favorables a la oficialidá alcuerden la reforma estatutaria que por fin reconoza los mesmos derechos a tola ciudadanía, fale la llingua que fale. Esti reconocimientu pudo facese muncho primero: na llexislatura anterior o va cuarenta años, pero nun hubo la valentía nin la responsabilidá política necesaries pa ponenos al altor de les demás comunidaes con llingües propies diferentes del castellanu.

Nun podemos perder más tiempu. El movimientu de reivindicación llingüística yá demostró munches veces na cai qu'esa reclamación ciudadana sigue tando ehí, ensin resolver depués de décades. Ye inaceptable que los partíos políticos asturianos entá nun atoparen el momentu pa poner remediu a esi déficit democráticu. Y esi momentu tien que ser agora.

Vamos arrodiar la Xunta Xeneral con una "O" d'oficialidá formada poles banderes qu'enllenaron les cais d'Uviéu nes últimes movilizaciones masives. Y vamos facelo pa recorda-yos a los nuestros diputaos y diputaes que los derechos de les persones falantes d'asturianu y de gallego-asturianu nun son aplazables o recortables. Querémoslos yá. Aquellos partíos que crean na igualdá y na ampliación de derechos tienen que llegar a un alcuerdu ensin más demoranza. Los que queden fuera d'esi alcuerdu o voten en contra van demostrar que tán nel llau de los qu'apuesten pola esclusión y la intolerencia.

Trai la bandera de la oficialidá y súmate a la defensa de los nuestros derechos.

#Oficialidá #O

Actualizamos los puntos de venta de les banderes de la #oficialidá:
Uviéu: L'Esperteyu Chigre Folk
Xixón: La Revoltosa, libros y café, Café Trisquel Chigre y Sidrería Canteli.
Candás: La Barrica 13
La Pola Siero: Cuévano
Nava: La Naveta
L’Infiestu: Cerveceria La traviesa
L’Entregu: La Semiente
Mieres: La Llocura Llibrería-Café
Ribeseya: Chigre Corquiéu
Avilés: El Cafetón
Cangas: Ḷḷibrería Treito y Narcea Gourmet
#oficialidá #oficialidáYÁ #oficialidáAGORA #O