Xunta pola Defensa de la Llingua Asturiana
Канал
187
подписчиков
107
фото
5
видео
20
ссылок
К первому сообщению
Ещё
Otru músicu que va acompañanos pa poner el ramu a la manifestación pola oficialidá del próximu sábadu, 4 de mayu, n'Uviéu, va ser Fruela 757: una de les propuestes más orixinales de la música’l país.
Nel so repertoriu suenen ReggaeToná, HipFolk, Drumbás, ElecTrad… Ello ye, música popular asturiana amestada a soníos internacionales de la música urbana del sieglu XXI, como’l hiphop, el reggaeton o la electrónica.
El productor xixonés Javi Suárez creó esti proyectu en 2008, y hasta la fecha tien publicaos en plataformes dixitales 9 llanzamientos, amás de sesiones en directo. Dellos de los sos últimos discos son Misa, Llariegu, Foli, Banduyu y Güe.
Amás, yá tuvo con nós pinchando dempués de la manifestación va 3 años, participó nel X Alcuentru de Músiques Asturianes en Xixón y ta incluyíu nel discu del Anuariu de la Música Asturiana 2021.
Nel so repertoriu suenen ReggaeToná, HipFolk, Drumbás, ElecTrad… Ello ye, música popular asturiana amestada a soníos internacionales de la música urbana del sieglu XXI, como’l hiphop, el reggaeton o la electrónica.
El productor xixonés Javi Suárez creó esti proyectu en 2008, y hasta la fecha tien publicaos en plataformes dixitales 9 llanzamientos, amás de sesiones en directo. Dellos de los sos últimos discos son Misa, Llariegu, Foli, Banduyu y Güe.
Amás, yá tuvo con nós pinchando dempués de la manifestación va 3 años, participó nel X Alcuentru de Músiques Asturianes en Xixón y ta incluyíu nel discu del Anuariu de la Música Asturiana 2021.
El siguiente artista que va echanos un gabitu n'acabando la manifestación pola oficialidá del próximu sábadu, 4 de mayu, va ser Ún de Grao. Yá ye amigu nuestru porque xubió más veces a los escenarios de la XDLA. Esti artista moscón, que participó nuna montonera de grupos, como Cuchu, Corzobeyos, Duerna, La Bandina’l Bache, Degañan’s o Dobra tien una carrera en solitario que se pue siguir nel so LP «Ún de Grao» (2016) y en «Pelo segao» (2021).
Con cada cantar, José Martínez Álvarez (Grau, 1978) ta dexando claro les posibilidades d’actualización de l’asturianada y de cualquier palu de la música tradicional, sabiendo averalos a otres influencies contemporánees. Va demostránoslo’l sábadu.
Semeya: Romen Grana.
#4mayu #manilletres24 #oficialidá #yovoi
Con cada cantar, José Martínez Álvarez (Grau, 1978) ta dexando claro les posibilidades d’actualización de l’asturianada y de cualquier palu de la música tradicional, sabiendo averalos a otres influencies contemporánees. Va demostránoslo’l sábadu.
Semeya: Romen Grana.
#4mayu #manilletres24 #oficialidá #yovoi
El sábadu 4, n'acabando la manifestación, vamos tener unos cuantos amigos y amigues que van poner el ramu músical. Pensando nel públicu familiar, pidímos-y a Alicia Álvarez que viniera a tocanos un par de cantares. Voz y guitarra de Pauline en la playa y autora de los llibros-discu “Pulgarina” (2016) y “Kikirikikí” (2020), con David Guardado discurrió'l proyectu “Bestiariu”, con trés discos onde músicos de tolos estilos interpreten temes compuestos pa tola familia. Apuntáilo na axenda. 😉
Siguen llegándonos denuncies que demuestren que nun se ta respetando la llegalidá na señalización de carreteres y que l'Alministración ta recuperando formes que yá nun son oficiales. Ye'l casu de La Venta, na AS-211, qu'acaben de señalizar como "La Venta/Ventanueva". Otro tanto pasó na AS-15, que punxeron un absurdu (y illegal) "Las Frauguas/Las Fraguas".
MÁS DENUNCIES TOPONIMIA
El respetu a la toponimia oficial ta convirtiéndose nuna tómbola. L'últimu exemplu ye'l cartel anunciador de la Vuelta Ciclista a Asturies, onde apaecen los llugares de salida y llegada de les etapes. La capital del conceyu de L.lena, La Pola, apaez con una forma billingüe inexistente, nun se respeten les formes oficiales de Benia y Ribadesella/Ribeseya, y mecen estos nomes de llugares col nome d'un conceyu, La Ribera.
Y la tilde d'Uviéu bailla llibre a los sos deleres...
El respetu a la toponimia oficial ta convirtiéndose nuna tómbola. L'últimu exemplu ye'l cartel anunciador de la Vuelta Ciclista a Asturies, onde apaecen los llugares de salida y llegada de les etapes. La capital del conceyu de L.lena, La Pola, apaez con una forma billingüe inexistente, nun se respeten les formes oficiales de Benia y Ribadesella/Ribeseya, y mecen estos nomes de llugares col nome d'un conceyu, La Ribera.
Y la tilde d'Uviéu bailla llibre a los sos deleres...
Yá s'acolumbra la Selmana de les Lletres Asturianes y, como cada añu dende 1987, convocamos a la ciudadanía a reivindicar unos derechos llingüísticos que nos nieguen.
Anguaño la XDLA fai 40 años, cuatro décades trabayando pa caltener encesa la llucha pola oficialidá.
Apuntái: el sábadu 4 de mayu aguardámosvos n'Uviéu.
#Oficialidá
Anguaño la XDLA fai 40 años, cuatro décades trabayando pa caltener encesa la llucha pola oficialidá.
Apuntái: el sábadu 4 de mayu aguardámosvos n'Uviéu.
#Oficialidá
DE LES DECLARACIONES A LOS FECHOS
El 20 febreru pasáu presentóse la llamada Declaración de Bimenes aprovechando la reunión del Conseyu de la Rede de Normalización Llingüística y col apoyu de toles persones presentes, incluyíu'l presidente Barbón. Unos díes depués, la Xunta Xeneral aprobó una declaración col mesmu conteníu. Nengún pero se-y pue poner al testu en cuestión al tratar la convivencia natural ente les llingües d'Asturies, señalar la importancia d'acciones de normalización que garanticen oportunidaes y desenvolvimientu, concebir la diversidá como una oportunidá, llamar al diálogu y al consensu y afitar la necesidá de la declaración d'oficialidá.
La nuestra sorpresa vien polos actores del documentu mesmu: en Bimenes, alcaldes y presidente; y na Xunta Xeneral, diputaos y diputaes que, teniendo la responsabilidá d'aplicar y desenvolver tolos puntos de la declaración, nun tán faciendo la parte que-yos correspuende. Les polítiques de normalización nun esisten nos más de los conceyos firmantes y, non solo eso, sinón que nun cumplen la llegalidá n'aspectos como l'usu de la toponimia oficial o na atención a la ciudadanía; nin siquiera tienen les webs municipales n'asturianu o en gallego-asturianu, colo fácil que ye teneles disponiendo como disponen de servicios de normalización llingüística. De la mesma manera, na Xunta Xeneral vemos cómo s'aprueba un testu con unes disposiciones que nun se cumplen y solicítase la oficialidá n'abstracto cuando esa mesma representación de la ciudadanía tien les ferramientes necesaries pa impulsar una reforma estatutaria que lleve alantre la oficialidá.
Por eso, queremos facer un llamáu a la responsabilidá y la seriedá de la nuestra clas política. Yá pasó de sobra'l tiempu de les declaraciones. Ye la hora de pasar de les palabres a los fechos. Ye la hora d'impulsar el reconocimientu de los derechos y la igualdá xurídica que namás pue dar el marcu llegal de la oficialidá.
El 20 febreru pasáu presentóse la llamada Declaración de Bimenes aprovechando la reunión del Conseyu de la Rede de Normalización Llingüística y col apoyu de toles persones presentes, incluyíu'l presidente Barbón. Unos díes depués, la Xunta Xeneral aprobó una declaración col mesmu conteníu. Nengún pero se-y pue poner al testu en cuestión al tratar la convivencia natural ente les llingües d'Asturies, señalar la importancia d'acciones de normalización que garanticen oportunidaes y desenvolvimientu, concebir la diversidá como una oportunidá, llamar al diálogu y al consensu y afitar la necesidá de la declaración d'oficialidá.
La nuestra sorpresa vien polos actores del documentu mesmu: en Bimenes, alcaldes y presidente; y na Xunta Xeneral, diputaos y diputaes que, teniendo la responsabilidá d'aplicar y desenvolver tolos puntos de la declaración, nun tán faciendo la parte que-yos correspuende. Les polítiques de normalización nun esisten nos más de los conceyos firmantes y, non solo eso, sinón que nun cumplen la llegalidá n'aspectos como l'usu de la toponimia oficial o na atención a la ciudadanía; nin siquiera tienen les webs municipales n'asturianu o en gallego-asturianu, colo fácil que ye teneles disponiendo como disponen de servicios de normalización llingüística. De la mesma manera, na Xunta Xeneral vemos cómo s'aprueba un testu con unes disposiciones que nun se cumplen y solicítase la oficialidá n'abstracto cuando esa mesma representación de la ciudadanía tien les ferramientes necesaries pa impulsar una reforma estatutaria que lleve alantre la oficialidá.
Por eso, queremos facer un llamáu a la responsabilidá y la seriedá de la nuestra clas política. Yá pasó de sobra'l tiempu de les declaraciones. Ye la hora de pasar de les palabres a los fechos. Ye la hora d'impulsar el reconocimientu de los derechos y la igualdá xurídica que namás pue dar el marcu llegal de la oficialidá.
Güei, hai 40 años, fundóse la Xunta pola Defensa de la Llingua Asturiana pa reclamar el mesmu estatus xurídicu que teníen daquella les demás llingües del Estáu: la oficialidá.
Cuatro décades son munchos y munches militantes trabayando desinteresadamente na esplicación y na reivindicación: clases, formación, xornaes, campañes, manifiestos, comunicaos, informes, discos, llibros, conciertos, concentraciones, manifestaciones...
Mentanto, la clas política gobernante, cuando cola belixerancia, cuando cola indiferencia, cuando con palabres guapes, nun foi quién a dar respuesta a un derechu democráticu básicu.
Y equí sigue la Xunta. Siempre na reivindicación, ensin casase con naide, falando claro y esixendo los derechos que nos correspuenden dende hai 40 años.
Cuatro décades son munchos y munches militantes trabayando desinteresadamente na esplicación y na reivindicación: clases, formación, xornaes, campañes, manifiestos, comunicaos, informes, discos, llibros, conciertos, concentraciones, manifestaciones...
Mentanto, la clas política gobernante, cuando cola belixerancia, cuando cola indiferencia, cuando con palabres guapes, nun foi quién a dar respuesta a un derechu democráticu básicu.
Y equí sigue la Xunta. Siempre na reivindicación, ensin casase con naide, falando claro y esixendo los derechos que nos correspuenden dende hai 40 años.
Contra les agresiones, La Xunta pola Defensa de la Llingua Asturiana, tamién col euskera.
Bonos díes, en nome de la Xunta pola Defensa de la Llingua Asturiana, lo primero quiero agradecer el convite del Euskalgintzaren Konseilua a esta manifestación en contra de les agresiones al euskera y pola defensa de los derechos llingüísticos de la comunidá euskaldun.
N'Asturies, y na nuesa organización, persabemos de derechos que nun se respeten, pero sobre tou sabemos d’agresiones. Tamos viendo cómo, a pesar de los avances na identidá de la comunidá de falantes, a pesar del aumentu del apoyu popular a la causa de la recuperación y la normalización de la llingua d’Asturies (o pue que por eso), la reacción de los llingüicides, de los amigos de la represión y la uniformización, ye cada vez más gafa: vuelven con argumentos que pensábemos esaniciaos: que l’asturianu nun ye una llingua (o que son milenta), que nun existe (o qu’esiste pero ye inventada, de llaboratoriu), que naide la fala (o que cada quién la fala d’una manera, y entós nun val pa entendese), que promovelu ye ruinoso, que ye antipatriótico, que ye una imposición, que naide lo quier, qu’hai coses más importantes…
La Xunta pola Defensa de la Llingua Asturiana vamos cumplir 40 años, casi tantos como l’estatutu d’autonomía que ye l’orixe y sofitu de toes estes agresiones (nun hai qu’escaecer que el nuesu estatutu, nin siquiera reconoz la oficialidá del asturianu), y llevamos, magar nacimos, reclamando normalización, dignidá, respetu y otru marcu llegal, denunciando y lluchando na cai, y aprovechando tolos medios qu’a vegaes nos dan voz.
Por eso, pa nós, pa la Xunta, ye natural solidarizanos güei cola causa del euskera.
Y porque pensamos que la llingua ye’l corazón d’un pueblu, y, porque falar asturianu ye la nuesa forma de tar nel mundu, traemos estos díes a Bilbo’l nuesu corazón multicolor, el qu’usamos pa reivindicar la oficialidá y que ye yá’l símbolu de la llucha pola dignidá de la llingua d’Asturies.
Bonos díes, en nome de la Xunta pola Defensa de la Llingua Asturiana, lo primero quiero agradecer el convite del Euskalgintzaren Konseilua a esta manifestación en contra de les agresiones al euskera y pola defensa de los derechos llingüísticos de la comunidá euskaldun.
N'Asturies, y na nuesa organización, persabemos de derechos que nun se respeten, pero sobre tou sabemos d’agresiones. Tamos viendo cómo, a pesar de los avances na identidá de la comunidá de falantes, a pesar del aumentu del apoyu popular a la causa de la recuperación y la normalización de la llingua d’Asturies (o pue que por eso), la reacción de los llingüicides, de los amigos de la represión y la uniformización, ye cada vez más gafa: vuelven con argumentos que pensábemos esaniciaos: que l’asturianu nun ye una llingua (o que son milenta), que nun existe (o qu’esiste pero ye inventada, de llaboratoriu), que naide la fala (o que cada quién la fala d’una manera, y entós nun val pa entendese), que promovelu ye ruinoso, que ye antipatriótico, que ye una imposición, que naide lo quier, qu’hai coses más importantes…
La Xunta pola Defensa de la Llingua Asturiana vamos cumplir 40 años, casi tantos como l’estatutu d’autonomía que ye l’orixe y sofitu de toes estes agresiones (nun hai qu’escaecer que el nuesu estatutu, nin siquiera reconoz la oficialidá del asturianu), y llevamos, magar nacimos, reclamando normalización, dignidá, respetu y otru marcu llegal, denunciando y lluchando na cai, y aprovechando tolos medios qu’a vegaes nos dan voz.
Por eso, pa nós, pa la Xunta, ye natural solidarizanos güei cola causa del euskera.
Y porque pensamos que la llingua ye’l corazón d’un pueblu, y, porque falar asturianu ye la nuesa forma de tar nel mundu, traemos estos díes a Bilbo’l nuesu corazón multicolor, el qu’usamos pa reivindicar la oficialidá y que ye yá’l símbolu de la llucha pola dignidá de la llingua d’Asturies.
RTPA SIGUE MARXINANDO L'ASTURIANU Y EL GALLEGO-ASTURIANU NES SOS CANALES DIXITALES
La XDLA reclama a los grupos parllamentarios qu'empiecen el procesu pa cambiar la dirección actual
RTPA cambió la so web y les sos redes sociales. Sicasí, esa renovación nun supón una visibilidá mayor de les llingües que por llei RTPA ta obligada a protexer. L'asturianu sigue arrequexáu a una sección de noticies, con testos traducíos al asturianu pero que conserva la llocución en castellanu, y a una estaya-contenedor con dalgunos de los pocos programes n'asturianu emitíos a lo llargo de cuasi 20 años d'emisión. Per otru llau, l'usu de la toponimia ye marxinal y el gallego-asturianu ye una llingua que nun existe.
La situación dexa a les clares la visión de la cultura y la llingua asturiana acomplexada que tienen dende RTPA y la necesidá d'un cambiu na dirección. Nestos momentos, nun hai programación infantil nel nuestru idioma, la toponimia oficial ta marxinada, namás s'emiten programes d'entretenimientu n'asturianu si paga la Conseyería de Cultura y esta llingua ta vetada nos programes deportivos y nos doblaxes de llargumetraxes y series, mentes qu'en RPA nun hai espacios dedicaos a la música nes nuestres llingües.
L'Estatutu y la mesma Llei d'Usu, amás de la llei de creación de RTPA dicen que los medios de comunicación públicos tienen que tener una presencia “amañosa” de les llingües propies y tienen que ser una ferramienta p'ayudar a normalizar l'asturianu y el gallego-asturianu. Por eso, la XDLA reclama a los partíos con representación parllamentariu qu'empiecen el procesu pa cambiar la dirección de RTPA, porque l'actual mostró n'ocasiones reiteraes la so posición contraria a la normalización llingüística y al cumplimientu de la llexislación vixente.
A pesar de les palabres bones del Gobiernu actual hacia'l nuestru patrimoniu llingüísticu l'asturianu y el gallego-asturianu siguen marxinaos na programación y na so presencia pública en RTPA. Pa iguar esta situación nun fai falta esperar a la oficialidá, namás fai falta voluntá política. Pel momentu, depués de dos llexislatures d'Adrián Barbón la voluntá amosada sigue siendo la mesma que na llexislatura de Javier Fernández: la marxinación del asturianu
La XDLA reclama a los grupos parllamentarios qu'empiecen el procesu pa cambiar la dirección actual
RTPA cambió la so web y les sos redes sociales. Sicasí, esa renovación nun supón una visibilidá mayor de les llingües que por llei RTPA ta obligada a protexer. L'asturianu sigue arrequexáu a una sección de noticies, con testos traducíos al asturianu pero que conserva la llocución en castellanu, y a una estaya-contenedor con dalgunos de los pocos programes n'asturianu emitíos a lo llargo de cuasi 20 años d'emisión. Per otru llau, l'usu de la toponimia ye marxinal y el gallego-asturianu ye una llingua que nun existe.
La situación dexa a les clares la visión de la cultura y la llingua asturiana acomplexada que tienen dende RTPA y la necesidá d'un cambiu na dirección. Nestos momentos, nun hai programación infantil nel nuestru idioma, la toponimia oficial ta marxinada, namás s'emiten programes d'entretenimientu n'asturianu si paga la Conseyería de Cultura y esta llingua ta vetada nos programes deportivos y nos doblaxes de llargumetraxes y series, mentes qu'en RPA nun hai espacios dedicaos a la música nes nuestres llingües.
L'Estatutu y la mesma Llei d'Usu, amás de la llei de creación de RTPA dicen que los medios de comunicación públicos tienen que tener una presencia “amañosa” de les llingües propies y tienen que ser una ferramienta p'ayudar a normalizar l'asturianu y el gallego-asturianu. Por eso, la XDLA reclama a los partíos con representación parllamentariu qu'empiecen el procesu pa cambiar la dirección de RTPA, porque l'actual mostró n'ocasiones reiteraes la so posición contraria a la normalización llingüística y al cumplimientu de la llexislación vixente.
A pesar de les palabres bones del Gobiernu actual hacia'l nuestru patrimoniu llingüísticu l'asturianu y el gallego-asturianu siguen marxinaos na programación y na so presencia pública en RTPA. Pa iguar esta situación nun fai falta esperar a la oficialidá, namás fai falta voluntá política. Pel momentu, depués de dos llexislatures d'Adrián Barbón la voluntá amosada sigue siendo la mesma que na llexislatura de Javier Fernández: la marxinación del asturianu
Nes etapes del La Vuelta n'Asturies tamién tuvo #colcorazónperdelantre la #oficialidá