((الوزن نصاري مع تجليبه ))
قصيدة للام بثواب الزهراء ع
💔😭هنا يمعتبره وبسمج يحلفون
طلعتلج عراضه اويه اليدفنون
هنا يمعتبره والناس تشهدلج
ريضيلي نتوداع جيت اگللج
اليوم امنگبه الديران ويه اهلج
((نتوداع ريضي //شهل الروحه ))
ونت من وكت وبسرعه روحتها
نجيبه وبالفراگ اگلوب چوتها
بقيت الطم عليها الما امودعتها
((من احبابي //المغربه اليوم))
من احباب گلبي وتسئل اعليه
ونت من وكت شالت بعصريه
ومر تابوتها صوب الغريريه
((يدفنوها // راحو لبعيد ))
بعيده ادروبها وماترجع اعلينه
يهايه الشايله وحده من اهالينه
مشتاكين والها اليوم مرينه
((الدار اعليها //انشدناها))
نشدنه الدار وين ام الهله وين
تجاوبنه الديار .وتهمل العين
ردن شايله ام الحجي الزين
((ضيعناها//الحبيبه اتون ))
شماله البين خلصهن حبايبنه
ماضلن حبايب ياخلك عدنه
كلساع بسهم دهري يصوبنه
((بضلوعي // املاگه اسهامك))
لنعاتب دهرنه الخان بحسين
وخله ام عون تركض بالميادين
تحاجي الگاع تهمل دمعة العين
((وين اخواني // ياكاع احجي ))
تمت بعون الله وتوفيقه
بقلم خادمة أهل البيت ((ع))
🚩المله
الشاعرة أم ذو الفقار أسراءاللامي
🚩غير مبري الذمه من يتلاعب في القصيدة او يحذف اسمي
⚠️ أو ينسب الكلام لغير شاعرة
🚫
https://t.center/UMdufekar