✔دُختر هومسا
@asharzakhmi🔸دخترِ هومسا ، تو چَنیه رَنینی
سِرِت وِ هار وَنه چَنیه سَنینی
🔹کَت وِ مینِ سَر، اُ تفنگ وِ دَسِت
قاتلِ خینی ، مِنه چَش ِ خَصِت
🔸گــِژِّ ک و میخک، وَنیه دِ گَرده
گرگِ چشیات ، خینِ دلِ مه هََرده
🔹 ماری غِلیف هَرده وِ قاوء ِگیِست
جُور گِرته ، دِ زیر کَمــونِ پیِست
🔸وِ ری چَشِت، نَــزه ولا میاته
خُوم لیـوه آم ، نکه خُمــار تیاته
🔹دخترِ هُومسا ، سهِ دلم که خینه
سوخته د ِ داغــت ، اَ کافر نِئینه
🔸ضِم گه ِ ، خیالات ِ مه گُلونی تهِ
بَچِرگهِ ،سیلِ مه لوء خینی تِه
🔹هوار هوار دِ دَسِ رَه رَه تِنت
آوو رُفتِنت ، مَشکه وِ کول وَ نِنت
🔸د دیر میایی هه چی کوکی وِ زُر
چی خوت نِئیمه وِ خدا ، دُختِ لُر
🔹هی ها هی، مشکه گوتنت اِ نازار
شِلپِ ، شَپ ، ِ مشکه و پای مالار
🔸کِلو زرینی تو ، وِ سرِ ِ سُوعِه
چی مَخملهِ ایع نونِ تَشِ تُوعِه
🔹دلم چی چُونه بون وِ رّی تَکِلت
یهو بچسبنش تو وِ توعِه دلت
🔸دخترِهومسا مه چوپون چشیاتم
لیوه تونم هلاکِ چَش ، سیاتم
🔹وا تیرِ برنو چشِ سی زغالت
کُشتی دلم، د رو خینم حلالت
#کشکان#آرش_آقاییhttps://t.center/asharzakhmi#کلمات_اصیل 🔽🔽کَت : گلونی ، سربند
رَنین : خوش چهره
سَنین : سر به زیر ، با حیا
گِژک : مهره ای به رنگ کبود ، برای دوری از چشم بد استفاده میشه
غِلیف : پیچ خوده
جُور گِرته : آویزان شده
پیسه : سیاه و سفید
ضِم گه : مکانی کوهپایه ای برای اتراق عشایر
بَچرگه : چراهگاه
وِ زُر : با ناز راه رفتن
هی ها مشکه : آوازی محلی (هی ها هی مشکه) که قبلا همراه با تکان دادن مشکه میخواندند
شِلپ شپ : صدای مشکه پر از دوغ
مالار : سه پایه ای از چوب که مشک بر آن آویزان است
سُوعه : سربند
توعِه : تنور
چونه : تکه ای خمیر گرد شده
تَکِله : پهنه ای از پارچه محکم که خمیر را روی آن پهن میکنند
@arashaghaihttps://t.center/asharzakhmi👆👆👆👆به
#عاشقانه_های_کشکان بپیوندید
@sherlori@sherlori