شاعران لُر sherlori@

@asharzakhmi
#مرگ_مستی

اگر روزی که مه مست عرقم !
دِ دفتـر زِنــه ای دِیئن ورقم!

اَ ازرائیل بیا وا گُرز ِ زخمیش؟
وِ مِ بوعه که اعمالم بُوعِم سیش ؟

اگر هر چی بُوعِم هیچ گوش نِئیره؟
بَنیِ بُون گوشِ مه که خیلی دیره ؟

دِ ا ُلحظه که مه مست شراوم؟
وِ مِلکِ مُوت بُوعم که مه خراوم؟

حرفم گوش نکنه بَشیونه شارم ؟
یهو د ِ روز مَحشر سر درارم ؟

دِ روزِ محشرم اَر مست بمونم ؟
اُ پیکِ آخری بِیسه دِ جونم ؟

اگر پیدا نوا سی مه جوابیِ !
اگر کَم بیارم، دونه ثوابـیِ !

جِوائم چینه که ، بوعِم وِ قاضـی
چی بُوعم تا کِ قاضی بوعهَ راضی

مه برگ اعتراض دیِم ویع فرشته
که مستی آخِــرن گنــاه نوشته

بُوعَت ازرائیل ایع طور جُوء نئیـره
هیِ انصاف نی که آدم مست بمیره

دِ اُ لحظه که تو دِ باده مستی
خیالت این تُونهِ کُل مُلک هستی

دِ جوم ِ کهنه هر وقت سیرِ سیری
دِ مین خیالِ خوت، هیچ وقت نِمیری

م ِهَم مست ویم اُ حالم ههِ چنی وی
خیالِ مُردنم ، دفعه هَنــی وی

مه چُونم ازراییل وا ئیِ دَسیا زُوءر
یهو چی تَش بِریِق بِرم دِ مین قُور

مه دیم قاضی چَکُشن زَه وه ری میز
دِ ترس حکم کِردنش روحم گِرت هیز

مه مَنم وا خومو ای روح بی لَش
حکم قاضی رَسس که بَزنیش تَش

یکی بالم گِرِت ، ری پله هاری
که سر د پنجره، بیار وا دیاری

خدایا حال کس هیچ نُوعه چی مه
چنی جایی مه د ِ عمرم نئی مه

چپُ راس نیادِعا ، کُوهی د ِ هیمه
کِ وا گوشه چَشیِ ، بِلیز وا سی مه

و مامور گوت هیِنه ، مست شراوعه
فقط سزای ایع کارش ،کِواوعـه

تَشی کِردن ، بِلیز چَن کُلِ عالم
حِفارش گُوُءر گِرِت کافر وِ حالم

اشاره دَ که جایش مینِ هــاره
بُلِینی تَش سی مه، بی وه یهِ قاره

وِ حالِ هوش،نِویم کِِ سی چی هیسام
یهو دیع ِ خااوِ وحشتناک وریسام

همش خاو وی، همش خاو وی، همش خاو
مِلهِ شُونم گِرِت ایع خاوِ نا تاوء

شعر از :
#آرش_آقایی

#کشکان
95/3/21
به کانال #اشعار_زخمی بپیوندید
👇👇
@asharzakhmi
زوءر : برنده .زبر . خشن
هیز : بلند شدن.برخاستن
هیمه : چوب خشک
گُوءُر : شعله ور شدن