LinkedIn waa platform ama baraha bulshada ugu faa'iidada badan marka laga imaado YouTube gaar ahaan qaybtiisa waxbarashada. Waa madal horumarineed taas oo qofka dhalinyarada ah siinaysa fursado aan xadidnayn si gaara marka uu yahay xirfadle ama shaqsi doonaya inuu saamayn ku yeesho kulliyaad ama sector nolaleed oo gaar ah.
Si guudna waa madal kulmisey dadka intoodi tayada lahayd. Waxa ku jira in ka badan 67 million oo shirkadood kuwaas oo 2.5 million kamid ahi yihiin shirkado yaryar oo raadinaya shaqsiyaad la shaqeeya. Waxa na toddobaad walba shaqo ka dhax raadinaya 49 million oo ruux oo daqiiqad walba 7 ruux oo kamid ahi shaqo ka helaan. Linkedin waa madal muuqaal ahaan (user interface) u eg Facebook kaas oo leh isticmaalayaal ka badan hal billion, laakiin content-ga la soo galiyay ay 100% ka tayo iyo nuxur wanaagsanyihiin kuwan Facebook.
Hadaan dhawr qodob ka eegno faa'iidooyinkiisa, waxa kamid ah:
[1] Helida ama raadinta fursado shaqo kuwaas oo ah maxali ama calaami (local and international job opportunities).
[2] Inaad ka raadiso ama aad ka hesho fursado kaga qayb gasho madalo caalami ah (international events opportunities) kuwas oo ugu dambayn ka dhaxli doonto khibrad shaqo, cilmi, xidhiidh iyo safarba.
[3] Faa'iidoyinka ugu horeeya ee madashan waxa kamid ah inaad hesho fursado aad ku dhisto xidhiidho bulsho oo macnoleh (networking), adiga oo baranaya saxiibo caalami ah iyo shaqsiyaad saamayn, khibrad iyo takhakhusba u leh kulliyada aad barato/baratey, ku shaqayso amaba xiisaysid.
[4] Inaad ka hesho khibrad iyo talo-wadaag aad ku horumariso ganacsigaaga hadey tahay akhrinta maqaallada, warbixinada iyo qoraalada nuxurka leh ee lagu baahiyo bartan.
[5] Waxa iyana mareegtan si joogto ah looga helaa fursado bilaash ah oo waxbarasho ama si guud u khuseeya horumarinta aqoonta iyo xirfadaha (career development opportunities). Si gaara scholarships ka, shirar caalamiya, tababaro gaagaban iyo hadey tahay webinars iyo bootcamps ba.
Ugu dambayn, waxan shaki ku jirin in LinkedIn yahay platform-ka ugu wanaagsan ay tahay inaad ku dhisato summadada shaqsiga ah (personal brand), adiga oo soo bandhigaya aqoontada iyo khibradada ugu dambayna uga faa'iidaysanaya horumarinta naftada ama ganacsigaaga ba (business brand development).
Hadaan soo koobo, waxan qof walba oo dhalinyar ah kula talinayaa in halkii uu Facebook iyo TikTok dhexjoogi lahaa halkaas tamar galiyo, maadaama ay tahay CV caalami ah (universal portfolio). Si guudna u ogsoonow LinkedIn waxa uu marwalba soo dhawaynayaa dadka xirfadlayaasha ah ama ku jira safarka barashada xirfadaha.
Intii isticmaasha iyo intiina samaysanaysaba iskugu kaya keena LinkedIn. Ciwaankan hoosena waa kayga shaqsiga ah, waxana sidii caadada ahayd iskula wadaagi doona wixii khibrad, aqoon iyo fursado ahba.
Linkedin kayga:
https://www.linkedin.com/in/mohamed-sharif-muktar/Guuleysta.
-Mohamed Shariif