rawêjîsm | ڕاوێژیسم

ئەم فایلە دەنگییە لە ڕێگای مامۆستایەکی ئازیز لە ڕۆژهەڵاتی کوردستان بە دەستمان گەیشت، ئێمە لەبەر کێشە ئەولەهییەکان ناتوانین ناونیشانی خۆی و قوتابییەکە لێرە بنووسین.

ئەوەی کە لەم فایلە دەنگییەدا دەبیسن؛ بارەدۆخی بەشێکی هەرە زۆری منداڵانی کوردە لە ڕۆژهەڵاتی کوردستان. سیستەمی پەروەردەی ئێران لە ڕێگای ئاسمیلاسیۆن و سەپاندنی زمانی دەسەڵات، زمانی هێز کە فارسییە، دەیهەوێ هەموو زمان و زاراوە کەمینەکانی تر لە نێو یەک چوارچێوەدا بتاوێنێ و بنبڕیان بکات. هەڵبەت ئەم رەوشە تەنها منداڵانی کورد ناگرێتەوە، بەڵکو نەتەوە ژێردەستەکانی تریش دەگرێتەوە کە لەو خاکەدا دەژین. منداڵانێک کە زمانی دایکییان فارسی نییە، هەر لە سەرەتای خوێندنیان تا کۆتا ساڵەکانی خوێندن بەردەوام لە شلەژان و ترس و سترێسێکی سەپاودان. دەسەڵاتی ئێران بە هەر حوکمێک بیت ڕێگا نادات بە مامۆستایان و قوتابیان بە زمانی دایکی خۆیان بدوێن و پەروەردە بکرێن، هەر بۆیەش بۆ بە ئەنجام گەیاندنی ئەم خواستە بە توندترین شێوەکان ڕێگری دەکات لەم کارە.

#زمانی_دایکی #ڕاوێژیسم

@rawezhism

ناسر فەتحی:
"کەسی وامان هەیە لەبەر عەیبە و شەرم لە هاوڕێکانی لەگەڵ منداڵەکەی بە کوردی قسە دەکات!
زمانی کوردی بە هەزاران میدیا و تۆڕ و بنکەی فێرکاری زمانی کوردی ناپارێزێ؛ چوونکە ئەو کوردییەی لە کتێب و تۆڕ و میدیاکان دا کاری پێ دەکرێ، بۆ گەورە ساڵانە.
منداڵ ناتوانێ بە کتێب و میدیا خۆی فێری زمانی دایکیی بکات؛ تا نەگاتە قۆناغی مێرمنداڵی و لێک جیا کردنەوەی ڕاست و چەوت. هیچ شتێک جگە لە بەهێزبوونی هەستی کوردایەتیی دایک و باوکەکان ناتوانێ زمانی کوردی لە فەوتان بپارێزێ. ئەگەر ئەو دایک و باوکە بەڕێزانە کوردایەتییان بەلاوە گرنگ بوایە، لەبەر عەیبە و لەبەر کوردەنامووسی لەگەڵ منداڵەکانیان بە کوردی قسەیان نەدەکرد؛ بەڵکوو لەبەر پاراستنی شوناسی خۆیان لەگەڵ منداڵەکانیان بە کوردی قسەیان دەکرد!"

#زمانی_دایک #زمانی_دایکی #زمانی_کوردی #زمانی_شوناس #زمانی_میللی #زمانی_نەتەوەیی

@rawezhism