با صدای دلنشین "
#سید_مهران_منفرد"
با مدیحه سرایی
سید #مومن منفردسَر نِدارم یا حسین پَر نِدارم یا حسین
سَس نِدارم یا حسین کَس نِدارم یا حسین
بی برا بیمَه خدا بی چرا بیمَه خدا
بی حسین اَز کا بشوم بی پَنا بیمَه خدا
زِینَبیمَه زِینَب اَز با هَزار دَرد و تَب اَز
بی برا کور آبیمَه اَیکو اَز دور آبیمَه
اَز نِزونوم کا بشوم چنتَه کِه یا کا بشوم
اَز نِدارم یاوَری بی حسین تَنخا بشوم
ذوالجَنا را دییَس^ یا حسِینی سَر رَس^
بو آکَر^ هَمَه جا زِینَبی سَسی مس^:
دَردی را دَرمونیرا دنیا کو دیلخونیرا
ت^ سغَه دار اِستیرا خالی را آزونیرا
آسمونی وَش گِتَه یا حسینش کَش گِتَه
وَختی شَه خاسَه حسین زَینَبی آتَش گِتَه
خون ویوار^ آسمون بش ت^ سَجادی دَخون
بی دَدَه آبیرَه ت^ زَینَبی دیل آبَه خون
یاوَرم نییَه برا سَروَرم نییَه برا
بی کَس و تَنخا بیمه رَهبَرم نییَه برا
بی حسین اَز چبکَرم غَم دیلی کو دَکَرم
وَش گِتَه سوتَه دیلی چنته آروم آکَرم
چ^ بَه چ^ بَه اَکبَرم چ^ بَه چ^ به اَصغَرم
اَز نِدارم هیچکَسی چ^ بَه چ^ به لَشگَرم
دشمِنی ناری مونوم اَز گَفی نَه اَی سونوم
اشت^ مرثیَه حسین. مردومی را اَز خونوم
✍️ سراینده: "
#سید_مومن_منفرد " - شاندرمن - تالش