☀ منبريّون حسينيّون ☀

💫 #محرم_1445_هـ
💫 #نعي_لسان_حال_ام_البنين_ع
💫 #ابن_حذلم
💫 #طور_الخليجي

جت  بدمـوع  العيــن
            إتكـله ويـــن حسيــن
وينه   بگـه   الطيبين
            ريتـــك تحــاجينــــي

يــالمجـبــل   وتنعــى
            گلبي   تــرا  اتگطعــه
خبّرني  عــن  وضعـه
            يـــبست   شرايينـــي

ماتحجي شنهو الصار
            ابعــتــــرة المختـــــار
لريحانــــة  الكـــــرار
            مشتاگــة    تدرينـــي

صـاح   ابحزن  وابـآه
            اجــرچ يعظمــــه الله
بأهـل  الوفـا  والجـاه
            گلّت  له  واحسينـي؟

گال   السبـط  منحور
            منــه الكبــد مفطـــور
بالطف  دمـاه   اتفـور
            ريت  انعمــت عينــي

و اهدومــه   سلبوهـا
            والعيـــــله نهبــــوهــا
والبضعــة  شتمــوهـا
            يـــمــه  اشتسإلينـــي

ابنـه  علــي   گطعـوه
            حتى  الطفـل ذبحـوه
بعــد  الذبح  سحگوه
            يا يمــــه   اسمعينــي

صاحت  أيــا  بضعــة
            هالحـال   شيجرعـــه
حسين انطحن ضلعه
            يازهـــرة حضرينــــي

ــــــــــــــــ ❈ ❈ ❈ ــــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#محرم_1445_هـ
#نعي_لسان_حال
#طفلة_الحسين_ع
#طور_الزريجي

تنحب  هاليتيمـة طفـلة  احسيــن
وماواحـد رحـــم دمعتهــا بالعيــن
رادت توصل ال حَد جسم الحنين
وتشكيـله  الوضــع  واتبث  ألمهــا

ــــــــــــــــ᪣᪣᪥᪣᪣ـــــــــــــــــ

#طور_ياخويه_ياخويه
#أو_الطور_الخليجي #طور_السيد_الفالي


طفلة  وفجعها  النــار  وتنادي ياكــرار
وينك  يحامي  الجار  تحضر  تطفّيهـا

من الألم والخوف طفلة وتشوف اسيوف
راحت لبوهــا ازحوف بلكت يرد ليهــا

وصلت له ابيا حال ظهر الزغيرة  مال
من  شافت اعله ارمال مطروح واليها

شهكّت على نحـره ونامت على صدره
و اتمــددت  كِتــره  و اتضمّه  بيديهــا

تكله شفت راسـك  يالكطعَوا  انفاسك
عالشاطـي عباســك جبهته امطبريهــا

مذهولة أنه جيتك وابدمعي حاجيتك
يابـويــه لا تسـكت بنتــــك دحاجيهــا

جابوا يبويه الماي إكعد يالب  احشاي
راح  انــده  الســكّاي شفْتــك يروّيهــا

ماأشرب  آنه  اليوم  قلبي يظل مالوم
وجثْتك  تصب  ادموم  محد  يداويها


ــــــــــــــــ᪣᪣᪥᪣᪣ـــــــــــــــــ

✍ بقلم زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

📝 #محرم_1444_هـ
#نعي_لسان_حال_العليلة ع

عليمـــن راحـــل الغالـــي
و لا ينطرني مـن أشفـه

بجيت ابحرقتـــي اكبـاله
حنـــون وكلنـه انعرفـــه

لكـن ما اخذنـي اويـــاه
تركني لوحـدي ياوسفـــه

على محــرابه دوم انحب
واعليــه القلب ينعـــاب

ــــــــــــــ ❁ ❁ ❁ ❁ ❁ ـــــــــــــــ

أنه الوجعانة يا هالناس
واحـــن لأهلي هالليــلة

يحتاج المـريض اهـــواي
للـــي ايسَنْـــده ويشيــله

أنه الهَدنـي بُعُــد ناســي
و لا واحد بُقى اشكيله

فرق بين الأمس واليــوم
آ يـــا فركـــة الاحبـــــاب

ــــــــــــــ ❁ ❁ ❁ ❁ ❁ ـــــــــــــــ

لو باقـي الرضيـــع اهنـــا
اشمه اشما احن الهـــم

بي ريح الجنان اشتــم
و ينسّينـي كُبُـــر همهــم

رقيـــة لــو بقت يـــاريت
نظل نحجـي سوالفهـــم

بيت ابـــلا اهـــل اظلـــم
ضواهم وي ضعنهم غاب

ــــــــــــــ ❁ ❁ ❁ ❁ ❁ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#نعي_لسان_حال_حميدة
#طور_ياليلة_الحادي_عشر

آنــه حميــدة يالـــرحت
              مـدلــوله كــنـت ابجــالك

يابويــه يا مسلم نحت
              خبـرنــي عــن احــوالك

يالـودعتنــا و طــــوحت
              يمـتـى تــــرد لعيــــالك

بويـه بدليلــي اتجــرّحت
              آ يـــــا جــــــرح دلّالك

گالولـي مذبــوح وصحت
              يا ريتــه ذبحــي ابــدالك

ومــن القصر گالوا طحت
              روحي بأسى تنعى لك

ــــــــــــــ ❁ ❁ ❁ ـــــــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين

ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

🔷🔹🔹 #نعي 🔹🔹🔷

💔 لسان حال عاشق المهدي "عج"

🎙 بصوت الرادود عباس الطليباوي

✍🏻 خ & ب

@MINBARIYOON

🔷🔹🔹 #نعي 🔹🔹🔷

💔 لسان حال عاشق المهدي "عج"

🎙 بصوت المقرىء علي صقر

✍🏻 خ & ب

@MINBARIYOON

#استقبال_شهر_محرم💔
#نعي_لسان_حال


حضريني يالزهرة يايمه حضريني
هلهل علي عاشور وتقرحت عيني...
................
ليتچ تكوني اوياي من هل المحرم
ننحب على المظلوم ونجهز المأتم

نتذكر آنه اوياچ نيران المخيم
بيدچ تمسحيلي علراس الميتم
.................
يايمه وين الگاچ يازهرة اسنيني
هلال الكدر والهم جيته تأذيني
..................

يالوعة المشتاگ من يذكر احبابه
كل لحظة من عمره يتجدد اصوابه

تچوي الگلب جمرات يايمه لهابه
من أذكر احسيني وأتذكر اصحابه
.............
ازنود البطل عباس وسهمه اليأذيني
والله وهلال البين بالهم يمسيني
..................

#شتجاوبها_الزهراء_ع

إتگلهه يا زينب معلوم إلچ أحضر
ولكل محب لحسين يايمه اتشكر

واگعد أنه اوياهم وأتذكر الخدر
گابلت هاليبچون أفجعني هالمنظر

................
واسمع اليندبون يايمه بحسيني
واندب انه اوياهم يابعد ضلعيني
.................
✍زينب الخفاجي


ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

#نعي_لسان_حال_زينب عليها السلام لفراق امها
#الزهراء عليها السلام💔....


يمه ييمه اشتاگت اعيوني لعينچ
یمه ییمه آنه ماانسی حنینچ

یمه ییمه لیش عن بيتچ رحلتي
یمه ییمه ولیش بالتربان نمتي
آ يالعزيزة ياللي عن اضناچ رحتي
انظر مکانچ واحبس ابدلالي علتي

آه یالحنینه یم ضلع مکسور وینچ
یمه ییمه اشتاگت اعیوني لعینچ

صرت انه ابلیاچ اسهر هاللیالي
حتی ظلمة لیلي هالتبچی اعله حالي
اصرخ ابصوتي واناديلچ تعالي
شوفی بغيابچ يالاحبيبه اشجرالي

اسنين عمري ريت زادتلچ سنينچ
یمه ییمه اشتاگت اعیونی لعینچ

✍زينب الخفاجي
ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://goo.gl/Mzivcz