☀ منبريّون حسينيّون ☀

#محرم_1446هـ
#طور_لفى_عاشور
#الزهراء_والحسين_ع.

آنــه امك صدك يحسين
              اجيـك و مـا تصِــد ليــه

اريدن من  دمع  هالعين
              تكعـــد   تشــرب  امّيّــة

ــــــــــــــ ✿༺✿༻✿ ــــــــــــــ

اريد  بإيـدي  اضمدهــن
              يوليدي  الجروح  البيك

لكن هالجـــروح اهــواي
              منـو  اكثرهــن  امأذيـك

كبدك لــو جــرح عينــك
              لو دعس الخيول اعليك

شــداوي ياحبيب الروح
              مــــــن ألف وتسعميــــة

ــــــــــــــ ✿༺✿༻✿ ــــــــــــــ

ادري  قلبـــك   ايأذّيــك
              وادريه بالرمح مطعــون

مـــو  بس  الرمـح  اذّاك
              صـوت اطفالك اليبجون

و حيـرة زينبــك توجــع
              حرمـه وابتلت بضعــون

عمد  راس  الكفل هدّاك
              نــــزف دمّــك لَطاريَّــــه

ــــــــــــــ ✿༺✿༻✿ ــــــــــــــ

هـــو  يصيـح  يا زهـراء
              وهــي تنــادي آ يحسين

صوت  يكلها  مـن نحره
              لا تتنهّــــــدي وتبجيـــن

ادريــه الصــدر مكســور
              و مــورّم الــچ ضلعيـــن

كـل اجــروح بيّه تهــون
              بس نـار الخيــــم بيّــــه

ــــــــــــــ ✿༺✿༻✿ ــــــــــــــ

📝 #الشاعرة_زينب_الخفاجي
🌿 #اللهم_صل_على_محمد_وآله

@elkhafaji110

#الزهراء

لسان حال امير المؤمنين عليه السلام بعد دفن الزهراء عليها السلام ورجوعه للدار ...

                 آ يفاطم

خلصت  ايـام  السعــادة
              وراحت  سنيــن  الهنــــا

گــضت عِشرتنــا سويــه
              وصار كـــل يــوم بسنــة

ياعزيزة  شلــون  يصبـر
              گلبـي  ال مْفــارق  أنـــه

┈┉┅━❀ـ❀ـ●●●ـ❀ـ❀━┅┉┈

                 آ يفاطم

صرت مــن أدخل لبيتـچ
              چنــي داخــــل مقبــــرة

بي  اشم  ريحة  عذابـچ
              ونــار بابــــــچ مبخــــرة

وبــــي اشــــوف الــــدم
              بعينچ والضلوع امكسّرة

┈┉┅━❀ـ❀ـ●●●ـ❀ـ❀━┅┉┈ 

                 آ يفاطم

كل  زوايه  البيت تنحب
              بيهــا  مسمــوع  الشجن

وزينبـــي تبچــي يتمهــا
              مگــــابله حْسين وحسن

رحتي  عفتينـه  يزهــرة
              انگابـل  انــواع  المحــن

┈┉┅━❀ـ❀ـ●●●ـ❀ـ❀━┅┉┈

📝 #الشاعرة_زينب_الخفاجي
🌿 #اللهم_صل_على_محمد_وآله

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#نعي_لسان_حال_زينب عليها السلام لفراق امها
#الزهراء عليها السلام💔....


يمه ييمه اشتاگت اعيوني لعينچ
یمه ییمه آنه ماانسی حنینچ

یمه ییمه لیش عن بيتچ رحلتي
یمه ییمه ولیش بالتربان نمتي
آ يالعزيزة ياللي عن اضناچ رحتي
انظر مکانچ واحبس ابدلالي علتي

آه یالحنینه یم ضلع مکسور وینچ
یمه ییمه اشتاگت اعیوني لعینچ

صرت انه ابلیاچ اسهر هاللیالي
حتی ظلمة لیلي هالتبچی اعله حالي
اصرخ ابصوتي واناديلچ تعالي
شوفی بغيابچ يالاحبيبه اشجرالي

اسنين عمري ريت زادتلچ سنينچ
یمه ییمه اشتاگت اعیونی لعینچ

✍زينب الخفاجي
ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://goo.gl/Mzivcz

#الزهراء ع

قبلة وجودي...جنة خلودي...كوثر ورودي...
يازهراء
آية كتابي...للرب جوابي...ساعة حسابي...
يازهراء
.....
شذر خاتم محمد فاطمه الزهره
والخاتم غلاته ابقيمة الشذره
بسمها أعرج محمد للعرش وأسره
امن البيت الحرام القبة الصخره

أعرج بسمها..أسره ابعلمها..يا دمه دمها..
يازهراء
جوهر وفائه..كل كبريائه..دعوة رجائه..
يازهراء
....1
گبل ﻻ عيسى نسمع صوت ناقوسه
اوگبل شق البحر بالمعجزه الموسه
چانت بالعرش شجرتها مغروسه
وخلق للجنه منها الباري طاووسه

قبل الخليقه..هيه الحقيقه..للحق طريقه
يازهراء
نور البدايه..سور النهايه..باب الوﻻيه..
يازهراء
....2
لجل فاطم رفع ربك سماواته
اولجلها ابلا جدل نزلت رسالاته
هيه اركان دينه اوكل عباداته
وابحبها المقدس تمت آياته

آية صلاته..جنة نجاته..عذبه اوفراته..
يازهراء
منهل خصاله..معدن كماله..نور الجلاله..
يازهراء
....3
سر رب الخليقه الواجب التقديس
البي ربك أمر ينقل عرش بلقيس
العادت فاطمه ابلا شك جنود ابليس
واحذر بالنساء اتقيسها امن اتقيس

هيه الوحيده..لجل العقيده..عاشت شهيده..
يازهراء
هاي الكريمه..هاي الحليمه..هاي العظيمه..
يازهراء
...4
هاجر قدمت للمذبح اسماعيل
واتبدل كبشها وقبلت التبديل
اوفاطم قدمت كل عترة التنزيل
ضحايه اومثلو بأجسادهم تمثيل

بالطف ضحايه..اهل الهدايه..بيها الكفايه..
يازهراء
دم المناحر...هز المشاعر..هاي المفاخر..
يازهراء
....5
كفاهه امن الفخر تفاحة الرحمن
محمد بيها باهل كل أهل نجران
هيه المعجزه المذكوره بالقران
والمرأه الوحيده الهانت الشيطان

ذلت وجوده..كسرت قيوده..رفضت حدوده..
يازهراء
هانت مقامه..ردت كلامه..شهدت خصامه..
يازهراء
...6
ساره او آسيا ومريم خدم عدهه
اوربها ابآية التطهير خلدهه
فاطم عالبشر شرفها والدهه
يضد الله اومحمد كلمن ايضدهه

والحاربوهه..والخالفوهه..غدرو ببوهه..
يازهراء
خلفو عهدهه..ذبحو ولدهه..خانو وعدهه..
يازهراء
...7
ماتت بالغضب عل مارحم بيها
وسلب حگها ورفص من حگها ينطيها
وين يروح منها الخان باريها
خالد وابصقر كلمن يعاديها

كسرو ظلعها..منعو دمعها..طفو شمعها..
يازهراء
سرهه اوصبرهه..مخفي ابگبرهه..ضد الغدرهه....يازهراء
...8
✍ الشاعر ناظم الحاشي
ــــــــــــــــــــــــــــــــــــــــــــ
إشترك في قناة ☀ منبريّون حسينيّون ☀

➪ https://telegram.me/MINBARIYOON