#مشاركة_من_صديق_القناة #الشاعر_أبو_حسين_السرگودي هل عاشور ومسومر أجه أهلاله
ونشوف الخيم نار أوناس خياله
أخلافچ يمه شلهن.. البيارغ من يشدهن
وجرح الفرگه عاشت جمره بذياله
ــــــــــــــــ ❖ ❖ ❖ ـــــــــــــــــ
الجرح شيطيبه اذا كل ساعه يتلچم..
وبذياله جمرته أوحگه يتألم..
محرم يمه مجبل والگلب مئتم..
ونشم عطاب كل خيمه وهوه الله أغتم..
… ونزل يلطم دمعنه ويشرح الحاله…
… ونشوف الخيم نار أوناس خياله…
ويزيدنه حزنهن…. البيارغ من يشدهن
وجرح الفرگه عاشت جمزه بذياله
ــــــــــــــــ ❖ ❖ ❖ ـــــــــــــــــ
ييمه دمعتچ چانت ترف رايه..
أذا جيرانه أمسوين الأقرايه..
وتركض روحچ أمگبعتهه بحچايه..
نهر العلگمي شماله أوبخل مايه..
… وبيت الفاگدچ متخوصرأخياله…
… ونشوف الخيم نار اوناس خياله…
ألتبدن من يلمهن… البيارغ من يشدهن
وجرح الفرگه عاشت جمره بذياله
ــــــــــــــــ ❖ ❖ ❖ ـــــــــــــــــ
بصماتچ حرز بالبيت من تنحط..
والقطعه الندگهه أبدمعتچ تنخط..
اباب ادموعچ أيجدي لمحنه الشط..
وهسه أخلافچ انحس الجرح شعوط..
… الطم محتاجلچ بس انتي تچايه…
… ونشوف الخيم نار وناس خياله…
الجروح أشمانظمهن… البيارغ من يشدهن
وجرح الفرگه عاشت جمره بذياله
ــــــــــــــــ ❖ ❖ ❖ ـــــــــــــــــ
مرينه بصورچ بالگلب حافر..
الهسه أثار بيهن لليلة العاشر..
عشتي الوحشه نار أوموحچي أوعابر..
عشتيهه أبدمع شيصبر الحاير..
… المظيف أيكيف أشما سومر أدلاله…
… ونشوف الخيم نار اوناس خياله…
أبنار أصبح فخرهن… البيارغ من يشدهن
وجرح الفرگه عاشت جمره بذياله
ــــــــــــــــ ❖ ❖ ❖ ـــــــــــــــــ
نشم اهدومچ ونشتم عطر خدمه..
وصباحچ من يأذن بينه الف رحمه..
ييمه اشما نگول أونعطش أبيمه..
ويم غيرچ نحس أمچتفه الكلمه..
… اليروح أومايرد شيسوي بعياله…
… ونشوف الخيم نار أوناس خياله…
ينذرون النذرهن… البيارغ من يشدهن
وجرح الفرگه عاشت جمره بذياله
ــــــــــــــــ ❖ ❖ ❖ ـــــــــــــــــ
✍🏻خادم أهل البيت "ع" أبوحسين
السرگوديــــــــــــــــ ❖ ❖ ❖ ـــــــــــــــــ
👈 هنا نختار أفضل مشاركات متابعينا الأعزاء وننشرها بأسمائهم في قناتنا
☀منبريّون حسينيّون
☀@MINBARIYOON ــــــــــــــــ ❖ ❖ ❖ ـــــــــــــــــ
☀ منبريّون يتواصلون
☀ https://t.me/joinchat/AGWwjjzFRmg7-p08UpMBdQ