☀ منبريّون حسينيّون ☀

🏴 #إستشهاد #الإمام_العسكري_ع
🏴 #نعي
🏴 #طور_ياليلة_الحادي_عشر

مـولانـــا مهمـــوم الگلب
              عبراتـه تجـري الليـــلة

للبـــاري رافـــع يمنــتـــه
              للعسكـــري ويـــدعيــــله

ويشوف دمعات اخوِتــه
              والـــوالـــدة تنـــاديـــــله

تحضن ابنهــا ودمعتـــه
              تمسحهـــا و تنـــاغيـــله

ـــــــــــــ ◕~◕~◕~◕~◕ ـــــــــــــ

مسموم ابـــوه المنتظـــر
              و السـم يگطّــع جبـــده

و ابنـه الحنيـن مْگابله
              والدمعـة تحـرگ خــده

يحجي معاه ابحسرته
              ويعـــاتــبـــه واينِشــــده

يگله يبويــه بحاجتـــك
              و بعــوزك ابنــك بَعـــده

ـــــــــــــ ◕~◕~◕~◕~◕ ـــــــــــــ

كنّـــي بأبـــوه يْجـاوبـــه
              ويگـــله يبنـــي امـقـــدّر

تتيتّـــم ازغيـــر العــمُـــر
              و ابفگـدِي هَــم تتأثـر

بعــدي يتبعـــوك العِـــده
              مـــن الوجــل تتستّـــر

و بغيابك يطـول الأمـــد
              وشيعـــتـــك تتنـــطّــــر

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ لسان حال #الإمام_العسكري_ع في إستشهاد والده #الإمام_الهادي_ع
▪️ #شعبي

يگله يالجنت يوميه اسمعك
بويه يالعزيــز شلون اودعك
يوجعني الگلب لمـن اشيعك

▪️ #طور_الفراق

يگله بويه.. يالغيــابـــك ما حسبته
يگله بويه.. خبر موتك ما حملتـه
يگله بويه.. سم البكبدك جرعتـه

يگله بويه.. الحنان اوياك شلتـه
يگله بويه.. گبـرك ابإيــدي حفرتــه
يگله بويه.. عمري وي عمرك دفنته

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين

ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ #إستشهاد #الإمام_العسكري_ع
▪️ #نعي

مـولانــا مهمــوم الگلب
              عبراته تجــري الليــلة

للبــاري رافـع يمنتـه
              للعسكـري و يدعيــله

ويشوف دمعات اخوِته
              و الــوالــدة تنــاديـله

تحضن ابنهــا ودمعتــه
              تمسحــهــــا وتناغيــله

ــــــــــــــــــ ◕~◕~◕ ــــــــــــــــــ

مسموم ابوه المنتظر
              و السـم يگطّـع جبــده

وابنه الحنيـن مْگابـله
              و الدمعة تحـرگ خــده

يحجي معاه ابحسرته
              و يعـاتبــه و اينِـشـده

يگله يبويه بحــاجتــك
              و بعــوزك ابنــك بَعــده

ــــــــــــــــــ ◕~◕~◕ ــــــــــــــــــ

كنّــي بأبــوه يْجــاوبــه
              ويگــــله يبنــي امقــدّر

تتيتّــم ازغير العمُــر
              و ابفگـدِي هَـم تتأثــر

بعــدي يتبعــوك العِــده
              مـــن الوجـف تتستّــر

وبغيابك يطـول الأمــد
              وشيعتــــك تتــنــطّــــر

ــــــــــــــــــ ◕~◕~◕ ــــــــــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

⬛️◾️▪️⚫️﷽⚫️▪️◾️⬛️
.
#الإمام_العسكري ع
•●•● *(كل شي بالدنيا يزول)* ●•●•
.
☜ محور الأبيات ؛ لسان حال الإمام العسكري في لحظاته الأخيره ، مع ولده الإمام الحجه عليهم السلام .
.
☜الطور ؛ حزين ، على لحن و وزن (العمره ما شايل جروح-ملا باسم) و ممكن أن يقرأ بألحان مختلفة أخرى
.
▼△▼△▼△▼△▼△▼△▼
.
.
كل شي بالدنيا ايزول
و العمر مهما ايطول
كل فرد لازم ايموت
و آنه يا ولدي مقتول
.
.
◆◇◆◈◆◇◆
.
يبني يالمهدي اقتَرِب ، قَرَّب رحيلي
خل أشمك و أحضنك و اطفي غليلي
و ارسمك صوره تظل تضوي دليلي
و الأجل طالبني ، ما يرضى بديلي
.
استعد ، آخر أيام
بالقبر عيني اتنام
ملتقانه بالأحلام
مالنه غيره احلول
.
◆◇◆◈◆◇◆
.
يبني سمّوني العده و چبدي تمرد
و العطش فطّر لساني و ثغري يشهد
بيدك اسقي چبدتي و خليه يبرد
مالي حيل و جسمي عالقبله تمدد
.
خل أضمك بالأضلاع
هاذي لحظات الاوداع
و الأمل بالأجل ضاع
و انتَ للخير مأمول
.
◆◇◆◈◆◇◆
.
آنه ميت يبني ابهاي المسيه
و اليموت ايروح و ما يبقاله جيه
من تدفنوني و تنصبون العزيه
بس أريدك تنعى عندي عن رقيه
.
طفله مشتاقه لحسين
همها يچويني كل حين
بالتُرُب أهمل العين
ليش تُرفَس بالإرجول
.
◆◇◆◈◆◇◆
.
يبني غسلني ابدمع اللي جره دم
بالغرب ادفني و اذكر من تخذّم
راسي ما مقطوع و عظمي ما تهشم
ماكو ، امصيبه من الاحسين أعظم
.
حتى لو قلبي مجروح
بس دمع عيني و النوح
للقضى ظامي مذبوح
و الأشد داسته اخيول
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم*
*و أحرم طبع قصائدي في الكتب أو الملزمات))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
🎤 اللحن 👇🏻👇🏻 ؛
.
https://youtu.be/GhgovjbpYbk
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
#الإمام_العسكري ع
•●•● *(من الموت ماكو مفر)* ●•●•
.
☜ محور الأبيات ؛ (لسان الحال) الإمام الحجة عجل الله فرجه يخاطب أمه السيدة نرجس سلام الله عليها بعد شهادة والده عليه السلام.
.
☜الطور ؛ *(لأول مره)* على لحن و وزن (هذا ابويه الغالي-ملا باسم) و ممكن أن يقرأ بألحان مختلفة أخرى
.
▼△▼△▼△▼△▼△▼△▼
.
.
يمه ، هاي الليله * مات أبويه ابچيله
.
من الموت ...، ماكو مفر
من الموت ...، ماكو مفر
.
.
◆◇◆◈◆◇◆
.
يمه يا نرجس رحل عزنه و لا يرجع بعد
بويه مات و ما أخذني و اختفى نجم السعد
ابزغر سني تركني ، چن نسى عنده ولد
و اليتم يجرح فؤادي و هالجرح ماله ضمد
.
ابتدت مأساتي * و اعتلت آهاتي
.
من اليوم ...، قلبي انكسر
من الموت ...، ماكو مفر
.
◆◇◆◈◆◇◆
.
يمه راح العسكري و چبده من السم منمرد
و آنه قلبي انمرد حين الدفنته باللحد
مو سهل ادفن جماله و اهوه ابعمر الورد
و الورد لو مات ، يذبل مثل الأول ما يرد
.
بيدي من واريته * بالقلب خليته
.
و الأعمار ...، صارت هدر
من الموت ...، ماكو مفر
.
◆◇◆◈◆◇◆
.
يمه ، أشكر الله ما ظل عالثره ابلا دفن
عالرمح مَنشال راسه و بالحوافر منطحن
جسمه ما سلبوه و أهله و الهواشم مَنسبن
ما توذر بالسيوف و ما بقى ابلا كفن
.
كربلا اتذكريها * و المحن عدّيها
.
چم اجبين ...، يمه انطبر
من الموت ...، ماكو مفر
.
◆◇◆◈◆◇◆
.
يمه زيدي ونتچ بعد الزكي المحنه تزيد
غيبتي تبدي و زماني يهجم اببأسه الشديد
و ابقى بالدنيا قرون ابغربتي و الله شهيد
و ادعي لظهوري ييمه و انظري الحالي وحيد
.
دعوتچ تكفيني * يمه لا تنسيني
.
شوفي الناس ...، تشكو الخطر
من الموت ...، ماكو مفر
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم*
*و أحرم طبع قصائدي في الكتب أو الملزمات))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
🎤 اللحن 👇🏻👇🏻 ؛
.
http://www.youtube.com/watch?v=iAt26TaO5BQ&feature=youtube_gdata_player
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
#نعي #الإمام_العسكري ع
.
*(((القسم الثالث)))*
.
•●•● *نواعي مختلفة بألحان منوعة لإستشهاد الإمام العسكري عليه السلام* ●•●•
.
▼△▼△▼△▼△▼△▼△▼
.
.
.
لسان حال الزهراء عليها السلام مع الإمام العسكري عليه السلام ...
.
طور؛ (يمه قد عمر الورد) وغيره
.
.
جيتك * قبري عفته و اقصدتك أزورك
جيتك * بالغربه أدوّر وين نورك
جيتك * دلاني إلك ، نفحة عطورك
جيتك * شفتك بالقبر مو بين دورك
.
.
ويلي * شفتك بالغرب آ يبني مهموم
ويلي * و ابقبرك تنادي بسمي كل يوم
ويلي * چبدك منمرد يا وسفه مسموم
ويلي * ليش ابهل عمر مقتول و مظلوم
.
◆◇◆◈◆◇◆
.
كأني بالإمام العسكري عليه السلام ، يشتكي للزهراء عليها السلام... و يرد عليها ...
.
طور ؛ (سامحيني-للحجيرات) او (المؤيد4)
.
.
آ ييمه * آ ييمه
بالقبر چنت ادعي أشوفچ يالنجيبه
آ ييمه * آ ييمه
من مدينه جيتي ابحاله رهيبه
آ ييمه * آ ييمه
چبدي مسموم و مجيئچ هو طبيبه
آ ييمه * آ ييمه
بس شنو ايدواي جروحچ يالحبيبه
.
.
إنتِ أعظم * إنتِ أعظم
بالمقام و منزله هم بالمصايب
إنتِ أعظم * إنتِ أعظم
انه مثلچ ما شفت كل هالنوائب
إنتِ أعظم * إنتِ أعظم
جسمي مَتورم وي اسياط النواصب
إنتِ أعظم * إنتِ أعظم
بالكسور و بالجرح يم الأطايب
.
◆◇◆◈◆◇◆
.
أبيات نعي و توسل بالإمام الحسن العسكري عليه السلام...
.
الطور ؛ (المؤید 5) وغيره
.
.
يالعسكري نخيتك * يالعسكري نخيتك
.
.
جيت اشتكي همومي * و انت اخبر ابعلومي
و اسمع ألم فؤادي * و الهم صبح هدومي
.
مليت من زماني * چم نايبه رماني
و احميني يا إمامي * يا كهفي و أماني
.
يالعسكري نخيتك * يالعسكري نخيتك
.
.
يمته الفرج يمولاي * طالت محنتي اهواي
قلبي تعب من الناس * بس إنت تبقى رجواي
.
اشرح لي صدري هاليوم * يسر لي أمري للدوم
افتح لي رزقي بيدك * يالعسكري يمسموم
.
.
يالعسكري نخيتك * يالعسكري نخيتك
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم*
*وأحرّم طبع أشعاري في الكتب أو الملزمات (كور).))*
.
تمت بحمد الله تعالى
*نسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon

⬛️◾️▪️⚫️﷽⚫️▪️◾️⬛️
.
#نعي #الإمام_العسكري ع
.
*(((القسم الثاني)))*
.
•●•● *نواعي مختلفة بألحان منوعة لإستشهاد الإمام العسكري عليه السلام* ●•●•
.
▼△▼△▼△▼△▼△▼△▼
.
.
.
و عند تغسيل و تكفين و دفن والده
.
طور ؛ (يمه انا زينب) و غيره
.
.
يا بويه يا بويه ، يا بويه يالغالي
.
.
غسلتك ابإيدي ، و آنه ابزغر سني
كفنتك و شلتك ، ابرمشي و ابعيني
شيعتك القبرك ، وي نوحي و اونيني
و الفاجعه اثقيله ، ما بين دلالي
.
يا بويه يا بويه ، يا بويه يالغالي
.
.
كل يوم عد قبرك ، قرآن أقرالك
و اترابك اشتمه ، و اتذكر أفضالك
اشعللك اشموعي ، انظر إلى أحوالك
قلي القبر أحسن ، لو دنيتي و حالي؟
.
يا بويه يا بويه ، يا بويه يالغالي
.
◆◇◆◈◆◇◆
.
.
طور : (يم الولد راح الولد)او(يا كربله و طر الفجر) وغيره
.
.
ناح الشمس ، صاح القمر
يا شيعه عزوا المنتظر
.
.
فقد الأبو كلش صعب
مثل الزلازل عالقلب
خله الدمع من دم يصب
هالفاجعه تعمي البصر
.
.
و العسكري ليش انقتل
غير المحاسن اشفعل
سموا ابن خير العمل
و اليا ذنب منه صدر
.
.
عمره صغير اعله اليتم
و ابعينه حسره مرتسم
عقب الأبو ما يبتسم
و ابموته قلبه انفطر
.
.
و المهدي بدموع و شجن
من غسله ، جاب الكفن
و ابكل معزّه اندفن
ما ظل مثل دامي النحر
.
◆◇◆◈◆◇◆
.
عندما أراد الإمام الحجة عجل الله فرجه إخبار أمه السيده نرجس عليها السلام ... بشادة والده الإمام العسكري عليه السلام...(لسان الحال)
.
الطور ؛ (المؤيد 2) وغيره
.
.
يا يمه يا نرجس ، يا يمه يا نرجس
.
مات الأبو ، يمه
راح و بقى همه
ظل عطره نشتمه
مات الأبو ، يمه
.
يا يمه يا نرجس ، يا يمه يا نرجس
.
نوحي و الطمي الراس
قتلوه بني العباس
كتموا له الأنفاس
نوحي و الطمي الراس
.
يا يمه يا نرجس ، يا يمه يا نرجس
.
لبسي ثياب السود
و العسكري ميعود
نايم وسط للحود
لبسي ثياب السود
.
يا يمه يا نرجس ، يا يمه يا نرجس
.
تبدي مآسينه
و الدنيه تإذينه
و الفرحه تنسينه
تبدي مآسينه
.
يا يمه يا نرجس ، يا يمه يا نرجس
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم*
*وأحرّم طبع أشعاري في الكتب أو الملزمات (كور).))*
.
تمت بحمد الله تعالى
*نسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon

⬛️◾️▪️⚫️﷽⚫️▪️◾️⬛️
.
#نعي #الإمام_العسكري ع
.
*(((القسم الأول)))*
.
•●•● *نواعي مختلفة بألحان منوعة لإستشهاد الإمام العسكري عليه السلام* ●•●•
.
▼△▼△▼△▼△▼△▼△▼
.
.
لسان حال الإمام العسكري عليه السلام في لحظاته الأخيره مع ولده الإمام المهدي عجل الله فرجه...
.
طور ؛ نعي شعبي... يقرأ بالحان النواعي العراقيه والعاشوري وغيره الكثير
.
.
يالمهدي وينك آه يبني
لا تبتعد هاليوم عني
لن الأجل هسه قصدني
.
.
خل أحضنك يبني و اشمك
و انظر إلى طولك و الثمك
و ابجفني ريت اقدر أضمك
.
.
يبني الزمن فرقنه تالي
ما أكتفى باللي جرالي
و اعليك ظل مشدوه باللي
.
.
عمرك زغير اعله المصايب
من بعدي اتشوف النوايب
و اتعيش وحدك كالغرايب
.
.
تدري العده من سمموني
من هم فراقك اقتلوني
خلوني اموت و دم عيوني
.
◆◇◆◈◆◇◆
.
وصاياه الأخيره لولده...

طور ؛ وزن بحر الطويل ، يقرأ بلحن لفى عاشور أو التغريد الحزين أو غيره
.
.
أوصيك ابعجل يبني قبل ما تخمد الأنفاس
أريدك قبري اتزوره و ، تون و تنعى للعباس
عن اچفوفه و سهم عينه و عمود الي وقع عالراس
أريد اتنوح عد قبري و أنه الطم تحت لحدي
.
.
لتتركني بلا ازياره ، تعال و اقره لي القران
تراني اشتاق إلك يبني و يظل شوقي إلك بركان
و لا أنساك فد لحظه و دمع عيني يظل برهان
و أنه ادعي لك ، إلهي عجل اظهور ابني المهدي
.
◆◇◆◈◆◇◆
.
حوار بين الأب و الإبن...
.
طور ؛ (لحن الفراق) و غيره
.
.
حان الاوداع
و العدو فرقنه يبني
حان الاوداع
راح يوقف صوت وني
حان الاوداع
و الدهر يرتاح مني
.
.
راح اودعك
مددت رجلي و ايديه
راح اودعك
غمضت عيني سويه
راح اودعك
نزلت اعليه المنيه
.
.
.
بويه موتك
چالسهم مرّد دليلي
بويه موتك
خله ما اغفى في ليلي
بويه موتك
زاد دمعاتي و عويلي
.
.
قلبي مجروح
من رحيلك يا حبيبي
قلبي مجروح
و ابقى انزف يا طبيبي
قلبي مجروح
و انقطع منك نصيبي
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم*
*وأحرّم طبع أشعاري في الكتب أو الملزمات (كور).))*
.
تمت بحمد الله تعالى
*نسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon

⬛️◾️▪️⚫️﷽⚫️▪️◾️⬛️
.
#الإمام_العسكري ع
.
•●•● *(يتِّموا المهدي)* ●•●•
.
☜الطور ؛ #فزاعيه ، أو غيره
.
▼△▼△▼△▼△▼△▼△▼
.
.
صاحت الزهره الوديعه
يتموا المهدي ، يشيعه
.
.
◆◇◆◈◆◇◆
.
من يواسيني ابمصابه
يشعر ابهمه و عذابه
اقتلوه ابعز شبابه
احرقوا عمره و ربيعه
.
◆◇◆◈◆◇◆
.
من يعزي و يلطم الراس؟
و الزكي مقتول يا ناس
و افجعوني ، آل عباس
ضاقت اعليّه الوسيعه
.
◆◇◆◈◆◇◆
.
و الحسن حين احتضاره
جيت له و ابقلبي ناره
شفته جسمه بي حراره
و چبدته بالسم نقيعه
.
◆◇◆◈◆◇◆
.
كل نبي ابدمعه جريه
عزّه طه ابهل رزيه
و العرش ناصب عزيه
و طاحت أركانه الرفيعه
.
◆◇◆◈◆◇◆
.
حتى لو بالسم تلوّع
بالغُرب مات و تشيَّع
أشكر الله الما تقطع
مو مثل جده و رضيعه
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم*
*وأحرّم طبع اشعاري في الكتب أو الملزمات (كور).))*
.
تمت بحمد الله تعالى
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon

⬛️◾️▪️⚫️﷽⚫️▪️◾️⬛️
.
#الإمام_العسكري ع ، وزن #النصاري
.
•●•● *(نخينه العسكري)* ●•●•
.
☜الطور ؛ ممكن أن يقرأ بجميع أطوار الوزن النصاري ، سواءا كنعي او كلطمية
.
مثلاً #النعي ، كلحن ؛
(يگلها سولفي -للشيخ الحسناوي )
أو ( يا ضي عيني - للشيخ الحسناوي )
أو ( إجيتك - للشيخ الحسناوي )
أو بأكثر من 10 ألحان أخرى للنعي...
.
وأما #اللطمية بطور :
*(يزينب وين سويتي عزه حسين)*
( فقيدا - للملا جليل الكربلائي )
أو كلحن الفارسي : ( حسينم واحسين ،گفت و شنودم - محمود كريمي)
.
أو كبعض أطوار #المربوعه او #الفزاعية
، وبغيرها من الألحان
.
☜ و قد أرسلنا روابط جميع الالحان سابقاً
.
▼△▼△▼△▼△▼△▼△▼
.
.
*نخينه العسكري و الدمعه بالعين*
.
.
.
أبو المهدي و فرع من آل ياسين
.
حبيب الله و رسوله و قلبه احنين
.
حوايج كثره و جوده يملي الايدين
.
على بابه وقفنه و كلنه ناخين
.
كريم و بالكرم يغني المساكين
.
رحيم و ما يهون اعليه الاونين
.
نخينه و ما يردنه الا راضين
.
امامي و اعله بيته احنه لاجين
.
مصايبنه كثيره و عنده شاكين
.
ردت يشفي المريض و يرفع الدين
.
ترانه ابهل زمن ما عدنه امعين
.
قسمنه اعليه بالطبت دواوين
.
و حق ضلع الزچيه و سقط الاجنين
.
و حق چف القطيعه و نحر الاحسين
.
إلهي عجل اظهور الميامين
.
إلهي و اقضي حاجات الملحّين
.
إلهي و اغفر اذنوب المُسيئين
.
إلهي شافي كل مرضى المسلمين
.
إلهي بالزكي ، احفظ لنه الدين
.
دعينا بالفرج و قولوا آمين
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم*
*وأحرّم طبع اشعاري في الكتب أو الملزمات (كور).))*
.
تمت بحمد الله تعالى
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon