☀ منبريّون حسينيّون ☀

📝 #محرم_1446هـ
#الأنصار

مو وكتها.. نومة  اخواني  الغيارى
مو وكتها.. يالبقيتوا في الصحارى
مو وكتها.. والحرم  تصبح  أُسارى

┈┉┅━ ❖ ❖ـ❀ـ❖ ❖ ━┅┉┈

مو وكتها.. ياللي  نومتكم  مصيبة
مو وكتها.. تبقــى زينبنــا غريبــــة
مو وكتها.. والخيم تصبـح سليبــة

┈┉┅━ ❖ ❖ـ❀ـ❖ ❖ ━┅┉┈

📝 #الشاعرة_زينب_الخفاجي
🌿 #اللهم_صل_على_محمد_وآله

@elkhafaji110

📝 #محرم_1446هـ
#الأنصار

خليتوا   الظهـر   مكسـور
يالجنتــــــوا تِسِنْـدونــــي
ماهَزكـم ضعيف الصــوت
مـــن ناديت انصرونــــي

ــــــــــ˗ ✿ ✿ ✿ ˗ــــــــــ

ألا  مـــن  ناصـر  لدينــــه
ألا  مـن  سامــع  لصوتي
هــل يوجـد إلــيَّ امعيــن
حيـــلي إنهــدّ أياخوتــي

و ما باقيلي  غير  السيف
والباقيلــي مــــن قوْتـــي
أراكـــم عالثــرى صرعــى
تجــري  اعليكم  عيونــي

ــــــــــ˗ ✿ ✿ ✿ ˗ــــــــــ

يــا اوفــى بشــر عالكــاع
يا اطيب صُحُب و ارجال
طــــابت بيكــم الدنيــــــا
ودماكـــم شرّفت لرمـــال

فديتـــوا عتــرة المختــار
ضحّيتــوا بنفس و بمــال
زهـرت  بيكــــم  الجنّــــة
و هنـاكــــــه تنطرونـــــي

ــــــــــ˗ ✿ ✿ ✿ ˗ــــــــــ

📝 #الشاعرة_زينب_الخفاجي
🌿 #اللهم_صل_على_محمد_وآله

@elkhafaji110

#مشاركة_من_صديق_القناة
#الخادم_أبو_ميلاد

🚩 #الأنصار
🚩 #حبيب_بن_مظاهر_الأسدي


ياهلا إبهالشيبه المباركه
ملك چنه من الـملائكه
واحد وتسعين عمره
عوزه بس أعوام عشره
ايصير تسبحة الزهره
شيخ الأنصار

ــــــــــــــ ✾ ✾ ✾ ـــــــــــــــ

طلع الشيخ علينا من ثنيـــات النجف
راكب الناگه الچبيره وفوگه محمل من سعف
وصل يم خيمة رقيّه وشمر خاچيته وزحف
واحد أمن الفتيه چنه النامو ابوسط الكهف

مولده ابعاشوراء اومقتلهة
والهوه البنفاسه من كربله
والحسين ايشوفه حاير
گله يا ابن مظاهر
راح القبك يوم عاشر
شيخ الانصار

ــــــــــــــ ✾ ✾ ✾ ـــــــــــــــ

أبنيه لو زهراء عنده چان سميته نبي
طوله يم عبد الله يزغـر چنه تلّ الزينبي
بالصلاة يوميه يدعي ربي احلفك بالعبي
ربي سويني عليل وحتى اروحن للسبي

قل هوَ الماضاحك صار اشكثر
يبچي عالمظلومه وذاك الكسر
بيت الأحزان ابضميره
اجروحه هم مثله چبيره
استقبلو شيخ العشيره
شيخ الأنصار

ــــــــــــــ ✾ ✾ ✾ ـــــــــــــــ

مثـل ماسوّه محمد من رجع من الـمغيب
احسين يالانصار گلهم (إنّما النَصرُ قَريب)
وين ماتبرك الناگه ابنو صيوان الحبيب
هذا عمّي اللي أحبه هذا جرحي والطبيب

غالي شابگ غالي ابرقه وحنين
اويمكن الهالساعه متشابگين
مو نبي وشايل رساله
بس رجل كلّه عداله
من حواري النبي وآله
شيخ الأنصار

ــــــــــــــ ✾ ✾ ✾ ـــــــــــــــ

ابخيمة العباس ترّب لحيته وباس العلم
عرگت اچفوفه ودمعته..چلّبت مثل السهم
گلّه ياعباس يلّـلي تـارس الدنيه خيم
انته أكبر من محرم طاخ راسك بالقمم

كربلاء ازغيره وطولك جبـل
ياحلاته ابعينك هذا الزعل
انطيني چفك خل اشمه
البـــي عطر كل الائمه
طيب وبالطف تسّمه
شيخ الأنصار

ــــــــــــــ ✾ ✾ ✾ ـــــــــــــــ

راح يتبــرك ابزينب والعقيله اتلگته
ياهله أبريحة اهلنه وهـــله ابشيبة لحيتّه
گلهه يامولاتي عبدچ بس اقبلي طاعته
النار من توصل الخيمه اعليهه اذب فصل الشته

بركاتـچ زينب ماتنحصي
عالمه وعلويه وبنت الوصي
ومن عباتچ خيط واحد
الله سوه اشگد مراقد
وبأسمچ اول مَن يجاهد
شيخ الأنصار

ــــــــــــــ ✾ ✾ ✾ ـــــــــــــــ

ابكربلاء صلّو جماعه اوياهم الحُر التحق
انصعقو أبنور الامامه مثل موسى أمن انصعق
من أجه عزريل صاحو (إنَ وعدَ اللهِ حق)
وچم يزيد وشمر منهم يرجف وعاش ابقلق

من نختهم زينب شوف اشحِدث
گامو أمن الحومه بس الجثث
من جديد انولد عابس
ابيض ومثل النوارس
وينذكر ظل بالمجالس
شيخ الأنصار

ــــــــــــــ ✾ ✾ ✾ ـــــــــــــــ

✍ كلمات الشاعر محمد الجماسي

ـــــــــــــــــــــــــــــــــــــــــــــــــــ
👈 هنا نختار أفضل مشاركات متابعينا الأعزاء وننشرها بأسمائهم في قناتنا
☀منبريّون حسينيّون☀
@MINBARIYOON

ـــــــــــــــــــــــــــــــــــــــــــــــــــ
☀ منبريّون يتواصلون ☀

🌷أنشر الرابط وجزاك الله خيرا ↡
t.me/joinchat/FkfgSjzFRmhAFoQvZCTsIg

⬛️◾️▪️⚫️﷽⚫️▪️◾️⬛️
.
#محرم
#الأنصار
.
•●•● #موشح جديد لليلة الأنصار ، #نعي + #لطمية #نخوة لحبيب بن مظاهر رضوان الله عليه ●•●•
.
.
☜الطور ؛ ممكن قرائته بلحن ؛
1 يا زينب ، (شجابج الصوب النهر حاچيني ) للملا باسم
او طور ؛ 2 (آه وا ويلاه يا ام البنين - للملا باسم)
او طور ؛ 3 (ركضة طويريج - للملا باسم)
او طور ؛ 4 (شيعوا نعش الطاهره المظلومه - للملا باسم)
او طور ؛ 5 ( يا شهر عاشور ما مثلك شهر )
او طور ؛ 6 ( جينه ننشد كربله )
او طور ؛ المربعه
و جميع أطوار الموشح في اللطميات و النواعي
.
.
▼△▼△▼△▼△▼△▼△▼
.
.
يا حبيب اقضي الحوايج بالعجل
أقسم اعليك ابإبن خير العمل
.
.
◆◇◆◈◆◇◆
.
إنتَ باب احسين وعندك منزله
تدري بالزاير إذا طب كربله
تنظر القلبه و دموعه الهامله
طفي نيرانه تره قلبه اشتعل
.
◆◇◆◈◆◇◆
.
و اليقصدك ما تخيبه يا حبيب
تاخذ امراده من المولا الخضيب
تسمع اونينه و تدواي كالطبيب
و التوسل بيك ، أعطيته الأمل
.
◆◇◆◈◆◇◆
.
يا حبيب أقسم عليك ابفاطمه
احنه شيعه و القلوب امإلمه
اشفع النه عد ابن حامي الحمه
خل نفوز ابحبه و انذوق العسل
.
◆◇◆◈◆◇◆
.
انصرت مولاك و فزت ابنصرته
و ارتقيت ابحبه ، صاير خيرته
انتخيك و خل أكون ابزمرته
حتى أحمي دينه وأثبت كالبطل
.
.
.
===========
📝 #الشاعرة_الملاية_زينب_المؤيد ( الکویت )
*((شرعاً لا أجيز حذف الإسم*
*وأحرّم طبع اشعاري في الكتب أو الملزمات))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
🎤 مقطع من اللحن الأول ، (يا زينب)👇🏻👇🏻؛
.
https://youtu.be/qTauyLzlcGE
.
.
🎤 مقطع من اللحن الثاني ، (آه وا ويلاه)👇🏻👇🏻؛
.
https://youtu.be/-KdDiLQOUdI
.
.
🎤 مقطع من اللحن الثالث ، ( ركضة طويريج)👇🏻؛
.
https://youtu.be/ASGLiRDgqSc
.
.
🎤 مقطع من اللحن الرابع ، ( شيعوا نعش ) 👇🏻؛
.
https://youtu.be/tBT_7m7GLCM
.
.
🎤 مقطع من اللحن الخامس ، ( ياشهر ) 👇🏻؛
.
https://youtu.be/PeQn3mRgk0k
.
.
🎤 مقطع من اللحن السادس ، ( جينه ننشد) 👇🏻؛
.
https://youtu.be/RkPDP3-uoSA
.
.
🎤 مقطع من اللحن السابع ، (جينه ننشد-ملاباسم وجليل) لحن مختلف عن السابق👇🏻؛
.
https://youtu.be/R9Pug0viY_g
.
.
🎤 مقطع من اللحن الثامن ، ( جينه ننشد-شيخ الوائلي) 👇🏻لحن اخر - #نعي ؛
.
https://youtu.be/QJjGZv_6bhw
.
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
#محرم
#الأنصار
.
•●•● *(دمي أرخص)* ●•●•
.
.
☜ محور الأبيات ؛ لسان حال أنصار سيد الشهداء عليه السلام
.
.
☜الطور ؛ بلحن و بوزن ( أدركني يا أبوفاضل - للرادود محمد بوجباره) و تقرأ بالحان كثيره أخرى
.
.
▼△▼△▼△▼△▼△▼△▼
.
.
أنصارك ، يا أبو السجاد
أنصارك ، يا أبو السجاد
.
نصرتك آنه اشتريها بالوتين
إنت غالي ودمي ارخص يا حسين
.
أنصارك ، يا أبو السجاد
أنصارك ، يا أبو السجاد
.
◆◇◆◈◆◇◆
.
في طريقك ما تهمني هالبشر
أفدي إسمك يا حبيبي بالنحر
وافرش ادمومي إلك فوق الحجر
حتى تمشي اعليه و يتحول لجين
.
أنصارك ، يا أبو السجاد
أنصارك ، يا أبو السجاد
.
◆◇◆◈◆◇◆
.
كل شي لجلك أبذله و أدري قليل
و البَذل في نصرتك و الله جميل
ما أميل و اتركك ، بل مستحيل
مستحيل اترك حبل الله المتين
.
أنصارك ، يا أبو السجاد
أنصارك ، يا أبو السجاد
.
◆◇◆◈◆◇◆
.
خلي يجري من جروحي هالدمه
انثر ادمومي و أوَصله للسمه
يمكن اتشوفه و تِقِبله فاطمه (تقبله؛القبول)
و انظره راضي أمير المؤمنين
.
أنصارك ، يا أبو السجاد
أنصارك ، يا أبو السجاد
.
◆◇◆◈◆◇◆
.
غيرتي ما ترضى زينب تنسبي
لازم احميها و احامي مذهبي
حتى ارفع راسي عد جدها النبي
و ادخل الجنه ابسلامٍ آمنين
.
أنصارك ، يا أبو السجاد
أنصارك ، يا أبو السجاد
.
.
===========
📝 #الشاعرة_الملاية_زينب_المؤيد ( الکویت )
*((شرعاً لا أجيز حذف الإسم*
*وأحرّم طبع قصائدي في الكتب أو الملزمات (كور).))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
🎤 اللحن 👇🏻👇🏻؛
.
.
https://youtu.be/zGcvlQc3VBg
.
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
#الأنصار
.
•●•● *أنصار الحسين عليه السلام* ●•●•
.
.
☜ محور الأبيات ؛ لسان حال أنصار سيد الشهداء عليهم السلام
.
.
☜ الطور ؛ ممكن أن يقرأ سريع و حماسي ، أو بطيء .
.
.
▼△▼△▼△▼△▼△▼△▼
.
.
احنه انصار الحسين * احنه انصار الحسين
.
.
دام احنه بالحياة
ما نوافق هلطغاة
نصرخ الحد الممات
احنه انصار الحسين * احنه انصار الحسين
.
◆◇◆◈◆◇◆
.
نثبت اليوم الوعيد
ما نبايع كل يزيد
حتى لو قطعوا الوريد
احنه انصار الحسين * احنه انصار الحسين
.
◆◇◆◈◆◇◆
.
جينه نرضي فاطمه
و الها نجري هالدمه
نوصل انجوم السمه
احنه انصار الحسين * احنه انصار الحسين
.
◆◇◆◈◆◇◆
.
ما يهمونه البشر
خل يقطعون النحر
دمنه يجري كالنهر
احنه انصار الحسين * احنه انصار الحسين
.
◆◇◆◈◆◇◆
.
احنه اتباع النبي
نخشى زينب تنسبي
نقطع ايد الناصبي
احنه انصار الحسين * احنه انصار الحسين
.
◆◇◆◈◆◇◆
.
حتى لو قطعوا الوتين
ننصر الحق المبين
ما نهاب الظالمين
احنه انصار الحسين * احنه انصار الحسين
.
.
.
===========
📝 #الشاعرة_الملاية_زينب_المؤيد ( الكويت )
*((شرعاً لا أجيز حذف الإسم*
*ولا أجيز ، بل أحرم طبع القصائدي في الكتب أو الملزمات ( الكور ) ))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
#الأنصار
.
•●•● *مليون مرّه* ●•●•
.
.
☜ محور الأبيات ؛ لسان حال أنصار سيد الشهداء عليهم السلام
.
.
☜ الطور ؛ جديد ، وممكن أن يقرأ كشور و سريع ، أو بطيء و حزين .
.
.
▼△▼△▼△▼△▼△▼△▼
.
.
مليون مره * مليون مره
لو يوذرونه الأعادي
مليون مره * مليون مره
نقسم و نبقى ننادي
،
لبيك يا حسين * لبيك يا حسين
.
.
◆◇◆◈◆◇◆
.
احنه انصار الحسين و ما نبالي بالمنيه
ابرحم امنه حلفنه ننصر أولاد الزچيه
هذا دمنه ننثره عالجيش ويوصل للثريه
حتى يتسجل اسمنه في سجل الرافضيه
.
مليون مره * مليون مره
ما نوافق عالتمادي
مليون مره * مليون مره
نقسم و نبقى ننادي
،
لبيك يا حسين * لبيك يا حسين
.
◆◇◆◈◆◇◆
.
هالمراجل و الشجاعه نكتسبها من بوفاضل
ننصر الباري و رسوله ، ما نرائي من نقاتل
نسحق الباطل و بالحق و الديانه ما نجامل
ما نبايع هالشياطين و حزبهم ما نعامل
.
مليون مره * مليون مره
ننصر الحق للمَعادي
مليون مره * مليون مره
نقسم و نبقى ننادي
،
لبيك يا حسين * لبيك يا حسين
.
◆◇◆◈◆◇◆
.
دمنه مو أغلى من ادموع العقيله و الفواطم
لازم انضحي ابنفسه من قبل كل الهواشم
نبذل الأرواح و نرجوا بس يظل هالدين سالم
ما نعوف العتره لو اتكالبوا كل العوالم
.
مليون مره * مليون مره
لو يسحقونه العوادي
مليون مره * مليون مره
نقسم و نبقى ننادي
،
لبيك يا حسين * لبيك يا حسين
.
◆◇◆◈◆◇◆
.
ما يهمنه الجوع و الحر و العطش ، تاليها نستر
ندخل الجنه و نشوف المصطفى وياه حيدر
و الملائك تنثر ازهور و نشوف الزهره تحضر
ننسى همنه وكل تعبنه و نرتدي اثواب أخضر
.
مليون مره * مليون مره
نبقى وي خير العبادي
مليون مره * مليون مره
نقسم و نبقى ننادي
،
لبيك يا حسين * لبيك يا حسين
.
.
.
===========
📝 #الشاعرة_الملاية_زينب_المؤيد
*((شرعاً لا أجيز حذف الإسم*
*ولا أجيز ، بل أحرم طبع القصائدي في الكتب أو الملزمات))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
#الأنصار
.
•●•● *ناذر أهب عمري* ●•●•
.
.
☜ محور الأبيات ؛ لسان حال حبيب بن مظاهر رضوان الله عليه
.
.
☜ الطور ؛ ثقيله و حزينه ، بوزن و لحن اللطمية الفارسية المشهورة ( قدم قدم با يه علم - سيب سرخي )
.
.
▼△▼△▼△▼△▼△▼△▼
.
.
يا سيّدي ، آنه حبيب
ناذر أهب عمري إلك قبل المشيب
حان الوعد ، أصبح خضيب
ناذر أهب عمري إلك قبل المشيب
.
.
◆◇◆◈◆◇◆
.
يبن الهادي اجيت ابهل يوم
أفدي روحي إلك يا مظلوم
محني والشيب تارس راسي
واتحنه من خضاب الادموم
.
خدي قبل ، خدّك تريب
ناذر أهب عمري إلك قبل المشيب
حان الوعد ، أصبح خضيب
ناذر أهب عمري إلك قبل المشيب
.
◆◇◆◈◆◇◆
.
خل امزج دمّي وي ادمائك
استشهد تالي تحت الوائك
ارحم لي لو متت من قبلك
لا انظر مزِّقوا أشلائك
.
مقدر أشوفنّك سليب
ناذر أهب عمري إلك قبل المشيب
حان الوعد ، أصبح خضيب
ناذر أهب عمري إلك قبل المشيب
.
◆◇◆◈◆◇◆
.
اعذرني لو شفت أي تقصير
اتقبّل عذري ، مالي تبرير
أهدي عمري و قليل الأجلك
سامحني لو بذلته ابتأخير
.
قلبي احترق ، شفتك غريب
ناذر أهب عمري إلك قبل المشيب
حان الوعد ، أصبح خضيب
ناذر أهب عمري إلك قبل المشيب
.
◆◇◆◈◆◇◆
.
عطشانه كل عيالك مولاي
اسمح لي احضر اشوية ماي
يمكن ترضى البتوله عني
من انصرها و ارفرف بلواي
.
عبد الله ما عنده حليب
ناذر أهب عمري إلك قبل المشيب
حان الوعد ، أصبح خضيب
ناذر أهب عمري إلك قبل المشيب
.
.
.
===========
📝 #الشاعرة_الملاية_المؤيد
*((شرعاً لا أجيز حذف الإسم*
*ولا أجيز ، بل أحرم طبع القصائدي في الكتب أو الملزمات))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
🎤 اللحن في الرابط 👇🏻👇🏻 ؛
.
.
https://youtu.be/D1tiAe_zZGM
.
.
#انشروا_وشاركونا_في_الثواب
.