مێژووی ئەم نیشتمانە، پڕە لە گێڕانەوەی خۆڕاگری و لەخۆبردوویی خەڵكانێك بەرامبەر بە پاوانخوازان و ستەمكاران و تۆتالیترەكان
چوار دەیە لەمەوبەر، خەڵكی ئەم ناوچەیە دژ بە ئاگری پڕ قین و نەفرەتی دزان و غارەتگەرانی داگیركەر، لە شارەوە بەرەوە داوێنی كێوەكانیان، بۆ بناری دار بەڕووەکان كۆچێكی حەماسییان خولقاند.
مێژوو دووپاتكەرەوەی ئەم لێهاتوویی و چاوكراوەییەیە بۆیە جارێكی تر لە دۆخێكی هەستیاردا هەر ئەو خەڵكە كۆچێكی مێژوویی دیكە دەخولقێنن.
كۆچێك بۆ دامركاندن و كپ كردنی گڕی بێدادییەك كە بەرانبەر بە خاک و وڵات و داربەڕوو و گیانلەبەرانی ئەم وڵاتە هەڵگیرساوە.
لێرە ژن و پیاو، پیر و جەوان لەسەر ئەژنۆی خۆیان و لەسەر شانی قورسی ژیانیان یەكگرتووانە و ڕێكخەرانە خەریكن وانەیەكی ترمان لە خەباتی مەدەنی بۆ دەڵێنەوە.
كۆچی مێژوویی مەریوان، هەر چەن ساڵ جارێك و بەشێوازێكی نوێ، بە هێزێكی بەگوڕ و تین، هەموان لەگەڵ خۆی دەخاتەوە و لە سنە و سەقز و بانە و پاوە و كامێران و دەیان شار و گوندەوە، هەموان یەكدەنگ و یەك هێز بەرهەڵستی ئاگری ماڵ وێرانكەر دەبنەوە.
#SaveKurdistanNature#مانگرتنی_گشتی