ايمرو خال و لویی کرده کواوم
نمنه هوش د سرم مال خراوم
ای دله سی دیلرو هی ميزنی زار
يه تونو يه دیلرو يه دينه يار
پر جومت تش گرت وری نسوزی
هم ماهی، هم افتويی، هم زل روزی
@ceymarianتو که ها کل ميزنی و سر تلميت
سر بکش سيل و مه کن ليوه بيمه سيت
تف دری دس پتی ار کر شايی
چی قرون شاه سليمونی ناروايی
چش کال و برم کال، کال و سر کال
ماملش وامه نويی بردش ورو مال
حاجيو حج ميرن مه حجی نارم
حج مه زلف تونه دس وش ميارم
@ceymarianدوس خوه کوچک بوه هی چی شمومه
بتونی واسپاريش د چاک جومه
@ceymarianکولای سيت بونم د ولک پينه
چشيات وانازکی افتاو نوينه
ناونم بخت منه يا هه چنینه
هر کجا پا مينيم سياه زمينه
هر دلی درد ميکنه خوه دراريش
هنجه هنجش بکنی و تش بسپوريش
هر کس مينه منو تون ون و ناسور
نه کفن وش برسه نه سدر و کافور
@ceymarianمردمونی زن گن بی و دچارم
آو و کول هيمه و سرکت سيش ميارم
مردمونی زن خو بهاره مرده
زن گن چی زمستو هميشه سرده
@ceymarianار ميای زيتر بيا و سر قورم
تا تو چش سرمه کنی سنگ چين ودورم
ایمرو زیی و قیم ایواره وقتی
نیایی کنج دلم داغ سخته
#میر_نوروز ارسالی از
#محمد_امین_میرشکار از دهلران
عضویت در کانال تاریخ و فرهنگ
دره شهر
👇👇👇https://telegram.me/joinchat/B0nZgT4zXAV1FXbI03MGog
