لهجه جدید
از اشعار لکی حجت الله مهدوی ، شاعر الشتری ، لرستان .
خووه شاله وژت هاینی ابادی
ار سرته مچو ، زنی و شادی
و لهجه عزیز لکی گپ دری
نجیم ایلی ، قصه خو که ری
زبون مادریت ، فره رنگینه
راون چوی آو پاک ، پاچه گرینه
لکی ار لهجه یاگه زبونه
و دلا هر گووا ، در گرونه
پس چیه وگرد طفل نازارت
قصه و فارسی ، بیه سه کارت
دو سه گپ فارسی ، کردیه عه بر
موشینه طفلت ، وخیضا یه سر
زبونت ار به فارسی به لره د
به خوچو میگم ، له مت بدره د
وختی می طفلت ، تربیت بکی
وژ رها عه قپ ، اذیه ت بکی
و ، اخم روی یا سیله مکینی
وبون فارسی ، ادوه مینی
مووینی وتته بی ، عه بچک لباس
وه رت را چرا ، چو کندی به لاس
خودت پاکاکن ، جور ادم بشین
بیفتی به قپ ، یه گرین پرین
یه چه فارسی یه ، خر سرت بام
موشم مسخره ت ارین نو مه چام
یی روژ شنفتم ، تپکه یه دسا
وتته آویلت و فارسی خسا
روله برا ظهر ، نژی اب کردم
برای شام شب هم چلاب کردم
با این خنجلک ، میروی کجا
نازار گل گلی مامانی بیا
نگاه کن خزا نهادم ورت
سرم به شود به خر سرت
تن لقمه بردار دنگلی بشو
آسه به بازی با آیلل برو
سرم می ده ژه د بیچه لی نکن
برو تو قلا تملی نکن
بزون فارسی قاعده دیری
دستور زبون اماده دیری
کییه مو ساده گپه بی بینی
یا و کسی تر آسو یای دینی
تو وژت فارسی حالییت نماو
وژت نکه و لفظ ناجوره گو راو
عه لهجه جدید بلا جو وییه
کسی عه بیون حالی نووییه
بوش بینم زبون کو ماین کشوره
یه کی لهجه ی سراو قفره
مر لکی چایتی گپه بی بینی
اویلته وتن هوکاره کینی
ار ادعاته مای که با ادووی
بیل ای اصالت وژ ،خارج نووی
وژ وه یه لکی ، آشکار بکه
و لک زبونیت افتخار بکه
لکی وتنیا وژ فرهنگیکه
صاوی کلمات نو قشنگیکه
اویلته فارسی گن گیژ کردییه
لکیت هم و زور ، ای یای بردییه
وژه مگریا فارسی ای کتاو
اج تو و قصه خواگر نماو
چی یلی موشین کل خنه دارن
اگر راست بی مسخره آرن
مثلا چی گوروه چیه م می کنی زاق
از دم ادم می پرانی واق
دریا خانه را می زنی به طاق
تا که بشیم
از سردی ، راق
ار گیرم بیای بچه ی شیطان
ترا میکنم به جلی سوخان
به هول پتت کلک می نازم
مثلات گرزه خفه ت می کنم
ارا عه لکی وژ حاشا دیری
دل عه طایفه ی وژ جیا دیری
لکی عه لام عه فارسی خوتره
شعری عه شعرل ،نیما ، بهتره
ها لکی ئیره بهترین غزل
عه رجز بگر تا بحر رمه ل
ای بحر هزج سی بابا طاهر
دو بیتی لکی خو کردی ظاهر
لکی افتخار هر لک زبونه
نمونه زبون قدیم ایرونه
کله مزونیم فارسی شکره
می آ بگریم ، زبون کشوره
گر در این خانه کس است یک اشاره بس است ....
من بخاط انکه شاید این شعر در مردم لک و لر که شیفته فارسی شده و به زبان مادر و پدری فارسی با بچه هاشان صحبت میکنند ،
از این راه باز دارد و اجازه ندهند لهجه لری و لکی
از بین برود
#میر_علی_اصغر_هاشمی_(
#جوان)
#از_دیار_صیمره ✍ @CEYMARIAN┈••✾•
🌿🌺🌿•✾••