بابلڪنار زیبا

#محلی_شعر

بِنومِ نومِه داری که تیناره
خِدایی که اَمه دِلِ قِراره

هَمون جانِ خِدا که کو بِساته
بِچا بِچا ره کِر کَتو بِساته

وَنوشه که خِجالِت داشته ویشِه
اینِ وِسِّه وِره کَهو بِساته

جا بَخِرده نِگینِ سِوادکومه

سی تا خِنِوار آ بی سَر آ سو مه

مه نوم شورآب بِهار خِش بِک آ بو مه

پَهیز آ زِمِسّون وَرفِ کِلومه

قِطار اِنه میّون کِنده مه مَهله

سِوادکوه ره سَلوم کِنده مه مَهله

گِردِشگِری دارنه مه مِلک آ سامون

بازار وونه هَمه هَفته فِراوون

میها گیرنه مَلِه سوزه مه ویشه

مازِرونِ چِشه سوئِه هَمیشِه

شِبره نیشته مِنِه مِلک آ مِلا ره

چِشمه دارمه بَوین چه خِشگِواره

شیر آ ماست آ لور آ پَندیر آروشه

کَره آ اَنبِس دو وَرخِنه گوشِه

اِلهی مالداری پامال نَووشه

خِر آ بَرکِت دَوو چَپّون دَووشه

گالِشِ عُمر اوئِه دِرازی بوشِه

شورآب روش داره چِشمِه او بَروشِه

✍ #حسن_رجبی

💯 @babolkenareziba

#محلی_شعر

بِهارِه چِل چلِا بَهیمه نِموئی

مَلِه سَرِه تیڪا بَهیمه نِموئی


مِه سر وَندِه ڪِلی بَزّو سیو ما

چڪلِ سرَ شوڪا بَهیمه نموئی


مِرِه وعده هدایی سر خرمِن

خرمنِ ڪر، ڪوفا بهیه نموئی


شلاب دَهیتا خِنه ر ِه او بورده

بهارماه بی پناه بهیمه نموئی


زمستون سَربَهیه بهار بموعه

سیو ماهِه میاء بهیمه نموئی

غم و غرصه مره ڪَهو هاڪرده

اِسا بَوین بی پا بهیمه نموئی


تموم دنیا رِ ظالِم سَر هایته

انار ه دل قِلا بهیمه نمویی

ننا خوندسه لتڪا گته انی

ندوندی بی دِ دا بهیمه نموئی

نماشون ڪه بونه برمه گَلی مه

آسمونه روجا بهیمه نموئی


ته وسّه آینه لو چم دامه می ره

نومزه قره ریڪا بهیمه نموئی


دِلدیی دِمبه شه دِلّه ڪه درینی

خدا دونده فِنا بهیمه نموئی

چنده من بَڪِشم ته انتظاری

بی نفت وسو لَمپا بَهیمه نموئی


✍ #حبیب_ڪولایی

💯 @babolkenareziba

#محلی_شعر

سوادکو ته تن سبز قوا کو
ته شوکا و ته ایا دار طلا کو
ته جنگل گالشون جیک مرد بهینه
کو منزل سر چپونه ونگ وا کو
دیگه دکل صفا ندارنه محله
ته محله کت کته ی سر صدا کو
سوادکو کی تره نفرین هاکرده
ته تکیه و ته مسجده خدا کو
امه محله ی برکت توم بهیه
مریضی بیتمی امه شفا کو
سوادکوه زردا زاربهی ندوندی
ته چاچه بن وشنا چلچلا کو
اما که بدیمی اون گدر راره
محبت کو صفا کو اون وفا کو
وارش نرم نرم امو وا اسوک اسوک
ته ورفا ته زمسونی هوا کو
ته صحرای دله بازار بیه
کجه بورده کنس زرد کیجا کو
عروسی سر لگن بیصدا نهیه
خواهونی کو کیجا کو ته ریکا کو
عروسی درزی شو اون حنابندون
کوعه رحمت ونه چکه سما کو
شونیشت و شب چره چایی بخاری
کله و.تش کله گت نا ببا کو
چپونه دس گوشی داربن خوبورده
مراد داییه دسه لله وا کو
تلم کو ماس وشیر کو وپنیر کو
ننای کرک کلی اسبه طلا کو

✍ #حمید_سلیمانی

💯 @babolkenareziba

#محلی_شعر

لَله ره وا دَکِن زاری سَر هاده

بَزِن مه دِله غِرصه ره پَر هاده

روش هایتِه خون کیله شونه مه راسَر

گِله لاله ره بَی نَعشه وَر هاده

دِشمِنه دَسِّه لَله وا تِفِنگه

جِوون سینه سَر . سِلبه هاوِنگه

کِلاخون دَکِرده ماره سَراچِش

کَمِر بِشکِندیّه بِبائه نالِش

اَرمونه مه جِوون ناخِشی نَیِّه

گِلیله حَق نَیّه وارِشی نَیِّه

چِتی مِزّیره کَشّه تیر دِکاشته

قِلا زَنجیل دَوِس هِزیر نِداشته

مِوِسّه لَله وا سَر هاده زاری

سَر هاده جانه ماره بیقِراری

سَر هاده مِقومه فِردایی بِتِّر

بَزِن وَنگ آ هاده نِوایی بِتّر

ته لَله وایی جِدایی سِرونی

بَهو فِردائه آزادی چِدونی

ته داده مَظلومیِّه بینِوایی

ته لَله ئی سِروشی وَنگه وایی

بَزِن لَله سَرهاده شه صِدا ره

ته زِوونی بِشناسیم شه خِداره

✍ #حسن_رجبی

💯 ‌@Babolkenareziba

#محلی_شعر

بهاره چل چلا بهیمه نموئی

مله سره تیکا بهیمه نموئی


مه سر ونده کِلی بزّو سیو ما

چکل سر شوکا بهیمه نموئی


مره وعده هدایی سر خرمن

خرمنِ کر کوفا بهیمه نموئی


شلاب دهیتا خنه ر ه او بورده

بهارماه بی پناه بهیمه نموئی


زمستون سربهیه بهار بموعه

سیو ماهه میاء بهیمه نموئی

غم و غرصه مره کهو هاکرده

اسا بوین بی پا بهیمه نموئی


تموم دنیا رِ ظالم سر هایته

انار ه دل قلا بهیمه نمویی

ننا خوندسه لتکا گته انی

ندوندی بی دِ دا بهیمه نموئی

نماشون که بونه برمه گَلی مه

آسمونه روجا بهیمه نموئی


ته وسّه آینه لو چم دامه می ره

نومزه قره ریکا بهیمه نموئی


دلدیی دمبه شه دلّه که درینی

خدا دونده فنا بهیمه نموئی

چنده من بکشم ته انتظاری

بی نفت وسو لمپا بهیمه نموئی

💯 @Babolkenareziba

#محلی_شعر

اَمشو مِه دل تنگه و حال نِدارمه
پِخوک بَزومه قیل و قال نِدارمه

بَمردِ لَمپای پَلی لِه شومبه
کاری به زیزِ وِرگ و شال نِدارمه

انده بروشته مه دِتا چِش اَمشو
خنده ی ور، هِچّی مجال نِدارمه

روز تا نماشون دکتومه جاسر
دَکِّل دماغ ماه و سال نِدارمه

شِه تکّه میم کمبه شه راه ره شومبه
هیچ کَسِ جا دیگه سوال نِدارمه

اگه سیو بیه مه بخت و اقبال
بیز بزه بِرفه شه سوال ندارمه

مِه لَت و لتکا ره میا دَپیته
سینه ی سر دلّه زلال نِدارمه

مِه دل بپیسّوئه دیگه شه ور ور
یَتّا رفق به جز پِتال ندارمه

خوامبه خِدا بِشنائه مِه صدا ره
من که شه همرا زنگ و تال نِدارمه

✍ #نرگس_زارع


💯 @Babolkenareziba

#محلی_شعر

لَلِه چی، لَلِه رِه سَر بِشته بورده
شِه اَرمونّه ونِه وَر بِشْته بورده

نالِه زَنده:مِه دل،غم دارنه اَمشو
اَتّا بنــد، ونِسّـــه کم دارنه اَمشو

مِه بشکســّهِ دل و درد تِنـــــاری
وا بَــوِّم هـاکنـم من بیقــــــراری

وِرِه بـــاوِّم که ای یـــــار قدیمی!
من وته، روز و شو، سیوا نَییمی

مِه هف بنــد دِلــه، تِه غم دَچییه
ته دلِ گپّـــــه دونِسمـــه چـِچییه

ته که بــوردی، مِرِه تینار هاکِردی
مرِه شش گــــــرهِ تو دار هاکِردی

اِسا، مِه وســّهِ روز و شو هــــِرِسّا
تِه وســـّهِ نالــه زَمّه.بیستا، بیسْتا

✍مهری_ذبیحی_اترگله

💯 @Babolkenareziba

#محلی_شعر

چندِ شه دلّه تو هادِم، دل ته دَنی خو نشونه
تندیـــرِ کِهْلِـن بئیمه، سینـــه ی جا تو نشونه

خشک دارِ ولگِ واری، بی بکا بــو بَیمه تِه ور
سل اگه بِه دَشتِ دله، مِه کیلــه ره او نشونه

روزّه نویمبه شِه پَلی، تاریک صحــرا نیشْتِمه
دنیاره اِفتاب دپیجه، مِه بــاغ جا شو نشونه

چَنــدِه کوتر پـــر کشنه، دشت و همنـــدی دله
اَتّا مه خواهــون نَوونه، مه چاج جا لو نشونه

خوامبه تِه ور پر بزنم، کـوه و کمـــر سر بزنم
انده مه دلّه تش دره، راس نَـوونه، کو نشونه

می ره شِه دوش اَندِ نَشِن، اَندِ مِه دلّه تو نیار
تَش بَزه اِندون که بًوِه دل، دیگه دریو نَشونه

تیم تیم وارش دَرِنه، برمــه مه چِشــّه دَزوئه
چندِ شه دلّه تو هادِم، دل ته دَنی خو نشونه

✍ #ذبیح_الله_ذبیحی

💯 @Babolkenareziba

#محلی_شعر

سوادکوه ته نشونّه کی بَوِرده
ته گوشتا پوسّا خونّه کی بَخِرده

ته تن هندا دِرِسّی زخمِ زَخمه
سئوال چین و چروکِ چی سّه اَخمِه

کِنِه درد ته سینه سر پِر بئیّه
کمین غرسه دلِ سر گِر بئیّه

ته دَشتا ویشه ی بَبرِ نَویمبی
تا اکرم خان و هژبرِ نَویمبی

کی بَیتِه شِب بِداءِ دار و خالّه
کی بَیتِه قِرد بِدا سنگِه زغالّه

سوادکو ته دیما دیم لَت کهوء
کمینتا نا نَجیبِ میسّا لوءِ

✍ #کاظم_صداقتی

💯 @babolkenareziba

#محلی_شعر


روزگاری اَمِه دل خش بِه، به چرخ و چوگلی
رفقونِ نوم چی بِه ؟.نَقی، رجب،الله قلی

پاره شلوار اَمِه تَن جاکتِ اوسی زک هاشی
پِرونِ داشتی و ناشتی، زندگی بِه دلقَشی

با این حال اون زمونه هَمه داشتمی دلخشی
همه قانع بمی هچکَس نکرده حرفکَشی

اِْسا،ریکا کیجای رنگ و رو، یکجور بَهیه
تبلِت و کامپیوتر، اِسا جورباجور بَهیه

وَچپیله قانع نینه، همیشه گیرِنّه مونه
ای امان و ای فغان،چِتی دَرسّه زمونه


..کاشکه هلا امه غم و غصه فقط پاره بَیَن ساخ سَر و او دکتنِ کلوش بیبو

✍محمود_پولادی

💯 @babolkenareziba

#محلی_شعر

دیگِه نَشومبه شه جانه وِلایِت

گَتون بَمِردِنا نِدارنه عایِت

مَله دیگه قَدیمه سو ره نارنه

یِلاق دیگِه کولِکه بو ره نارنه

نا پَنجه کَشه نون دَرا آروشه

نا لور آ نا پَندیر بارِکه گوشه

نا تِرشه سه خِنه پِشت نا تَمِشتون

چِتی راه بَکِشِم آ یِلاقِسّون

دیگه بَمِرده اون مِهر آ موحِبّت

دیگه نِشنومبی گَت ِ گَپا صوحبِت

مه دِل قَدیمی حاله وِسِّه تَنگه

دَروِنه سَر کِرچّاله وِسّه تَنگه

شه مَشنائه بِلا مه سینه ئه دور

چِمِره زَنگه تاله وِسّه تَنگه

چِتی مَردِمه دِلخِشی پَر هایته

بی قَجه تَن ره ناخِشی سَر هایته

بَهیِّه کوهنه قَبرِسّون آ آباد

هَمه ره داغه جِوونی وَر هایته

✍ #حسن_رجبی

💯 @babolkenareziba

#محلی_شعر
تا کی من و سمن قرار دووشیم ؟
تا کی خرابه کنار دووشیم؟
سردی بَورده اَمه رنگ و رو رِه
تا کی انتظار بهار دووشیم؟

💯 @babolkenareziba

#محلی_شعر
شِ ياد ايونِ سر بيشته ِ بوردِه
شِ درده مه دل ِ وَر بيشته بوردِه
دِونسه بیداری نیِلمه بوره
نماشتِ سر مِره سر بيشته بورده

بزرگترین دورهمی #بابلڪناریها
💯 @BabolKenareZiba