بابلڪنار زیبا

#غزل_تبری

دَره دل پـاره وُنه، دلــخنه مهـمون دَنیه
تَنِ قد بورده، گمون کمبه مه ارمون دَنیه

کوچه ره پا بَزومه، سرمَله تا بن مَله رَج
هر کی ره رو بَزومه، بَوته ته خاهون دَنیه

نا یمین ناکه یسار، ناته دیما، نه مه دیار
نا که ته دَشتو دَمن، ناکه مه سامون دَنیه

نا پِغوم نا دیـاری، ناخَــوِرو، نــا اَتـری
سوایی، چاشتِ گدر، ظهر و نماشون، دنیه

یادِ اوُن روزا بخیر، هر سوایی ویشه شیمی
چتی بَیّه که دیگه، اون هِمه جارون دَنیه

وه کدوم ایل و تبار هَسّه که اصلا ونه توم
ته نائو پاپّلی سوُن، بلبلِ خشــخون دَنیه

مه عُمر توُمه، خَله تومه، نویمبه ونه دیم
مه نفس گل بگلو، مه رَگ و پِه خون دَنیه

اَگه تَش بَیْره مره، مه تَنِ وَر نِنّه کسی
ته نائو کـوفه بَیی، اَتّا مســلمون دَنیه

✍ #رضا_کولایی

➖➖➖
💢 کانال رسمی بابلکنار زیبا
💯 @BabolKenareZiba

#غزل_تبری

نماشــون وا دَپیته لَـرزا تو سَر بَیْتــه دریو ره
میــا کـم‌کـم دَئیته، نَم هِـدا دشتِ چِــلا چو ره

هِمِـن بَشتـه شِه تنّــه، تَن دَکــرده سَبز دامنّه
نمــاشونی بِپاته آسمــون شِه چش چشِ او ره

تِلارْسـر، گالـش هَیــرا و هَیــرا ویشه ره بَیْته
وِره هـول و ولا مَشته، صدا زنده شِه منگو ره

هـوا تاریکه ماه هَنتـا شِه غمّه دارنه اِشمارنه؟
هِداسَر، ناگِمـون دشتِ دله کََکّی شه کوکو ره

زمسّــونه؟ پئیزه؟ من ندومبه، دومبه دل تنگه
نَتونده اَت‌ْنفــر بَیْـره، مِه دسّا دیمِ جا شو ره!؟

خَلـهِ تومَسّه مِه دَروِن، مه دل تِسّــه تَنِــک بَیّه
نِمـویی آ بَکـوشتــه وا، منهِ لَمپـای سوسو ره

نِمـوئی‌ آ مِه دلّـه کِل بـزو ته غِـرصه و هرشو
دیاری دیاری مِسّه، کَجِـک بَیْتـی شِه اَبــرو ره

مه دل تندیـر واری تو دَره تَش دارنه، پِتغــاله
نَده اَنـدِه مه وسّه تو، شه دس دسِّ النــگو ره

خَوِر دارْمه ته ‌باغ ِدور و وِر ره وِرگِ رَج مَشته
خله تومه که بَیْته چش ‌چشِ‌ جا مِه ختا خو ره

خیال کِندی ته بوردنّه شِــلابِ بِن، هِـدار کِمبه
خیال کندی اِلِمبه شــو، حنـا بَیرِه ته گیسو ره

نِلمبـه ته لَتا لِتـْکا ره لَتــکی، لینــگا لو بَیْـره
کَهَریابو مه زین بَیّا، شه دوش دارِمبه برنو ره


✍ #ذبیح‌الله_ذبیحی

➖➖➖
💢 کانال رسمی بابلکنار زیبا
💯 @BabolKenareZiba

#غزل_تبری

چندِ شه دلّه تو هادِم، دل ته دَنی خو نشونه
تندیــرِ کِهْلِـن بئیمه، سینـه ی جا تو نشونه

خشک دارِ ولگِ واری، بی بکا بـو بَیمه تِه ور
سل اگه بِه دَشتِ دله، مِه کیله ره او نشونه

روزّه نویمبه شِه پَلی، تاریک صحـرا نیشْتِمه
دنیاره اِفتاب دپیجه، مِه بــاغ جا شو نشونه

چَنـدِه کوتر پـر کشنه، دشت و همنـدی دله
اَتّا مه خواهـون نَوونه، مه چاج جا لو نشونه

خوامبه تِه ور پر بزنم، کوه و کمر سر بزنم
انده مه دلّه تش دره، راس نَوونه، کو نشونه

می ره شِه دوش اَندِ نَشِن، اَندِ مِه دلّه تو نیار
تَش بَزه اِندون که بَوِه دل دیگه دریو نَشونه

تیم تیم وارش دَرِنه، برمـه مه چِشــّه دَزوئه
چندِ شه دلّه تو هادِم، دل ته دَنی خو نشونه

خاتونِ فـصلِ ولگِ شَندونْ هَسِّه آذر
داینِه بِکا بو اَی هِوا مَس کِنّـه اَسْسَر

باغِ بــهشتِ جا بیمو سِـــفرِه دَچـــیِه
پاییــزِ کدبانــو کیـجا هَسِّه مِه دِلــبَر

➖➖➖
💢 کانال رسمی بابلکنار زیبا
💯 @BabolKenareZiba

#غزل_تبری

اَی مــــار ونگ و وا بمـو منگو نموئه
سـرسـر ره زنّــه اَی بهــــارابرو نموئه

دیماگِـــــدِر صحـــرا دپیته ورگ زوزه
خالک، چمـــر کنـــده مه مار بو نموئه

امرو تموم ویشه ره رج بشته، مشتی
جوله‌ی جا گپ زنده:اَی "سارو" نموئه

هولا ولا ای تک به تک محلــه ره بیته
هرکی گنــــه: اَی "گل بهــار" گـو نموئه

"مشتی حسین" غمّـه دار چلّـــه دونّده
"مش سـاره‌" ی ملــکا تــــلار سو نموئه

اَی "گل بهــار" نیشتا شه دله تو ایارنه
هنتــــا مه اقبـــــال ستــــاره، لو نموئه

لس‌لس عروسی رخته النه صنّـخ گوش
خـــونّه: مه افتـــابه بَوِرده خــو، نموئه

محلــه ره بارین تِن‌تِـِـرک بورن بلنـــدی
تا "گل بهــار" چش‌چشِ جــــا او نموئه

✍ #ذبیح‌الله_ذبیحی

➖➖➖
💢 کانال رسمی بابلکنار زیبا
💯 @BabolKenareZiba

#غزل_تبری


دور هاکِن شه سینه‌جا غرصه‌آ غمّه
مهروون بوش و بَئیــر خدای ِچمّه

غمّه نِـل، ته دور و وَر نشـا بئیره
دازِ جـا بتاش، بَشِـن شه دورِ لمّه

هَی گِنی: بهارِ ما، زود اِنه، شونه
نَنشِنــه*پَــر بَـزوئن، بهــار ِدمّه!

سیـم ِبو، بَیته زمـونّه، همه دومّی
عشقِ تویِ جا بَکِش، چش‌چش نَمّه

روزگار پّستا بلنــدی داینه هردیم
دلخشی جه پیش بَوِر زیـاد و کمّه

گَـپ نزن تنـاری جه، نداینه فایده
یاد بیـار دوسّـا رفیقــا، سر ِجمّه

چشّـه په هاکـن بوین سوزِ همنّه
سو هاکن بلند شو، مه وسّه، شمّه


✍ #حوا_واحدی

➖➖➖
💢 کانال رسمی بابلکنار زیبا
💯 @BabolKenareZiba

‍ #غزل_تبری
#روح‌اله_نظرنژاد_کدخدا

شَوال ِ تـی ابــرو غـزل بَیته
رمضونِ خوار زا، «سو» بغل بیته

لَس‌لس سحر پیمانه زو «سِرخ او»
فطر تِه تِک‌ره کوچه کِل بیته

سجـاده پهن هسه بِرا اَسسر
هارش خراب ِ سینه زِل بیته

جنت همین اَتّا سِه ره داشته!
بزّو بفــرما، تـــش ره فِل بیته

الغوث؛الغوث‌این چه رسمَسّه
نامحرمی سامون ره بِل بیته

«زلف کفــن» بعد از نماز صبح
اَی گیسه ره ژِل بزو، چِل بیته

شیطون اِما ره یاد هِدا عشرت!
شَستِک بَــزو جـنت ره گل بیته

غـــربت هـکان دلّـــه ته آسّــونه
خجّـه شه دیمـــا ره خجل، بیته

خوانّه بُوسندن لینگ ِ جم زنجیر
نُوسنــدنـه، اَتّـــــی، قُفِـــــل بیته

تا خواسته گل هاده اَمه اَرمــون
دنیــا اَمــه ســر، اسپـه جِل بیته


➖➖➖
💢 کانال رسمی بابلکنار زیبا
💯 @BabolKenareZiba

#غزل_تبری
#مهدی_مرتضوی_درازکلا_بابلکنار
#جان‌مار

تِه لینـگِ بِن تَلــئُّ و بی قِراری
پَئیــزِ مـا تِه وِسِّه، مِن بِهــاری

تِسابِه شیّ و نارِه، تَپِّـــه‌یِ راه
مِرِه کِف دائِه تِه دوشِ سِواری!

مِرِه اَتّـــا دَفِـــه تینار نییِشتـــی
تِه هوکا زوئِی و مِن تِه هِــداری

تِه‌شی دیکون مِه‌گوش تِج‌بیِّه تِسِّه
دِبَنــــدیِّ صـــــدا پیـــــدا دیاری

تِه لالائی مِرِه خـــو کِردِه آسـوک
مِه گوشِ بِن تِه بی، سونِ قِناری

اِسا دار بَیمِه "باجی" نوج بَزومِه
تِه جا دارمِه بِهــــــار رِه یادِگاری

مِرِه وَختی کِه تِه داماد هَــکِردی
تِه اون چَکِّــه سِمــا بَیِّه کِناری!..

تِه‌قَبرِه خِش‌هِدامِه جانِه‌مار مِن
اِســا بوردِه تَـــنِ تو و نِخـــاری

➖➖➖➖➖
💢کانال رسمی بابلکنار زیبا
💯 @babolkenareziba

#غزل_تبری
#محمود_احمدی_کمرپشتی

کی گِته قـد بَکشیم تور اِما رِه بِر نَکنِه
یا زمینّــه هرچه وارش بَــزِنه سِـر نکنه

خوامبه روخِنه بِواشِم تِه‌پَلی روش‌بَکِشم
دِل صدا کِندِه تِره بی خِدی شِر شِر نکنه

مِکِنّــا رِه شه گَلـــی بِن تا دَوِنــــدی رِسِمه
خوامه که وا بِواشِــم، وا، لَچِـک و گِر نکنه

دَس‌به‌دَس ککّی ِسون، تَن تَنِ سو کِمبِه تِره
ته خاطِـر این طِـری کِمبِه، خِریم و کِر نکنه

ته اَمِه ورد زوونــی همه جــا روش کَشِنــی
هــر که بــی وقتــی بَیـــه مسلمـــاً مِر نکنه

خَلِه توم، بِیَمّه اینجه، اَتی این وَر ره هارِش
هر که خـــواهــون ِ تِه باوّه دَکِّلـــوم دِر نکنه

تِه اَمه پییِــر و مـاری، ته اَمه خــاخِر و مـار
هر که بی پییِــر و مــاره، مــار خــاخر نکنه

گِنــه که راه دَکِفیـــن، راه دَکِتِــنـــی رِسّنــی
وا هَمِنـتِـــی نـــال ِ بِـــن نِسّنِــــه، زر زر نکنه

تا دَرِمبِـــی هِیـــی یه قدر بدونیم، سـر آخر
کَلّـــه ره کار بَــــزِنی، او صـافی ره پِر نکنه

💯 @babolkenareziba

اَئی ویمبِی تِلاونگِ صدا رِه
اَئی شیر کَفِنه اَمِه پِلا رِه

#غزل_تبری

هیچ گِدِر روزّه اِتی شو نَدیمِه
کِلوارِه شِه دوشِ اَدُو نَدیمِه !

تَتِمی صبحِ صادق تا نِماشون
خسّه تنّه بی خِت آ خو نَدیمِه

داشتی نِداشتی شِه کم نَیّه ، امّا
ناخِشی رِه کِلو کِلو نَدیمِه

آسِمون سنگِ تریگ جِر هاکِرد بُو
زِمِسّونّه اِتی سیئو نَدیمِه

یا که بِهار اَتی دِر تِر بِمو بُو
شیرِ دار رِه خِشک هایتِه چو نَدیمِه !!

اگِه خِشکام بَیبُو کویرِ واری
زِلالِ چِشمه رِه بی او نَدیمِه

دومبِه بِلبِل گلِ را داری کِردِه
باغّه امّا بی بک آ بو نَدیمِه

نَدیمِه غِرصِه جا چِش او دَکِفِه
دلّه سینهِ کَش کَئو نَدیمِه

تاوِسّون که اُوتی تَش داشته هِوا
کوه رِه بدونِ وَرفِ سو ندیمِه !!

هِوا اگِه هرچّی غَضِب بَکِردبُو
اَندِه بِلا چِشِ جِلو نَدیمِه !!

نِداشتی سال آ ما سخت بِیّه ، امّا
روزگار رِه مِن پشت آ رو نَدیمِه

✍ #علی_شهمیری_سوادکوهی

💯 @babolkenareziba

#غزل_‌تبری

مره بــرمه مره بــرمه تره چکّــه سمــا مشته
کجه شه داده سـرهادم مه دلّه ونگاوا مشته

خنه ســردا بنه ســردا تره من شه پَلـی نارمه
زمسّــون هــوای جـــور مه سامونّه میا مشته

خنه شومبه تره نارْمه، همن شومبه تره نارْمه
کمین خاکّه شه‌سَر بَیرم مه وِر چند بلا مشته

که ره بــاوّم دل درده، خــدا مه گَپّــه نشنانه؟
تنــاری بَیْتــه مِه حقّــه، مه تنه مَــرمِــلا مشته

تِه‌وَر افتاب،نفس دارْنه مِه‌وَر شو بَیْته مِه‌کرره
مه چاجّه پیت‌ْکله بَیْته تِه چاجّه چلچـلا مشته

مره نا قـــــــد دَره دَوِّم، مره نا دل وِنه بــــورم
مه دل تنگا قـرار نارنه، مره هــول و ولا مَشته

✍ #ذبیح_الله_ذبیحی

💯 @babolkenareziba

#غزل_تبری
#نرگس_زارع

محله به محله سو دنی، نصفِ شویِ ماهِ واری
کوچه به کوچه شونی آ ته سینه سر مشتِ زاری

من ندیمه به سون ته، زنبیل شه دس بَئیره
پیته قوا شه تن، هادِه خرما و نونّه هداری

کی دَره ارمون دلِ وچون بی ببا بَوِ
کوچ بکشه تاریک شو، مارِ دلِ بی قراری

دل ندنه لس بئیرم کیسه ره ته دوش نوینم
خرد و کلون چش بکشن ته لینگِ رجّه دياری

دل خوانه که شَم بکشه خنّه وشون تکِ سر
دسّه ته دامن بئیرن گوم بوه بورِه نخاری

وونه دواره دلخشی بهار سون روش بکشه؟
ته زخمِ مال، خار بووشه توم بووشه انتظاری

نوونه طاقت بیاری رو ره دگاردنی بوری
سر بیلن وشنا بتیم سینه بترکه تناری

برمه مه چش، تش دل سر، کجه بورم ته که دنی
هِدی بمو مه روز و شو انده بکشی ویشاری

مه رو سیو، مه دل کئو، مه تک دوِس، جانِ علی
هیچ کس جا من ندیمه مهربونی ره ته واری

#برگردان

مانند ماه نیمه شب، محله به محله را روشن میکنی
با دلی پر از غم و زاری در کوچه ها می روی

من ندیدم مانند تو کسی زنبیل بردست
با لباس کهنه بر تن، نان و خرما تقسیم کند

چه کسی میتواند آرزوی دل بچه های یتیم شود
نیمه شب به خاطر بیقراری دل مادر، غذا بردوش بگیرد

دلم نمیخواهد آرام شوم و کیسه را روی شانه ات نبینم
بزرگ و کوچک جای پای تو را از دور نظاره کنند

دلم می خواهد خنده روی لبهاشان قد بکشد
دست به دامن تو شوند و درد و غمشان گم شود

آیا می شود دلخوشی مانند بهار دوباره جاری شود؟
جای زخم تو خوب شود و انتظار پایان یابد؟

نباید طاقت بیاوری روی برگردانی و بروی
تا(یتیمان) با شکم گرسنه بخوابند وسینه شان از درد بترکد

اشک در چشمم، آتش در دلم، کجا بروم تو که نیستی
از بس به خاطرم بیداری کشیدی روز و شبم درهم شده

رویم سیاه، دلم کبود، لبم بسته ای علی جان
از هیچ کس مهربانی را مانند تو ندیدم

💯 @babolkenareziba

#غزل_تبری_رمضان
#روح_اله_نظرنژاد_کدخدا
#دشداشه

دِشداشه دُوش بِشتی بُوری،
می جانْ جه گِر امشو نشو
قطام ِ متکا مکر ِ سر،
ملجم ره باورین خو نشو

شی دلّ ه جا بِشتی نشو،
سر ره کِلا نِشتی نشو
این مردم پِشتی نشو،
امشو فرات ِ لو نشو

قرآن ناطق! صَور هِکان،
همرا نَوِر انگشتری
دنیا جه شُونه بی تِه سو،
مسجد تهِ تار ِ شو نشو

لَس بَی نَشو دَس بَی نَشو،
عدل ِ سِرُخ دوش نَی نَوِر
تینار نشو بیغار نشو،
لَس لَس بِرا دُو دُو نشو

چش بَی ته امشو مسجدِه
خون جم وضو نَی بِرفه جم
شق القمر بُونی سحر،
محرابِ عشق سو نشو

حکماً اِسا که وِنْ بُوری،
بی شالُ سَربَن خوانْ بُوری!
عشق قضا ره تن بُوری،
اَی چاه چرخِتو نَشو

می جان ته سَر بندِ فدا،
دِشداشه ره کی دِمْبدا؟
خون زَنده پِلغور تا خدا،
کوفی یِ رو در رو نشو

💯 @babolkenareziba