🎵🎼گُلوَنی💥Laki🎶🎶

#قسمت_چهارم

خا ، تا اوچه رَسسیم که تیام گوت دالکه فقیرم دِغ مرگ بی
فوری هَوار کشیم: "کدخدا بوئه" دام مُرد😔
بوئم دِه "چیته جا" کرد وه در گوت: هم چی بیه! هم دات چشه؟‌ سیچی وا ایـ بچه ساوَه کار ناره ، دیشو نِشته چُرت روئه دِه چَشیامو!
گوتم: بوئه! وه خدا دام مُرده!
ننم و بوئم و عامویا و کچیام اومان بالا سر دام!
بی وه روزی که نباید با😔
بوئم گوت: قمرتاج! دیئی چه بدبختم کردی!
چَنی وت گوتم زینَم طاقت نمیاره! سیچی هرروز آلو کردی وم که بیا و حالوزاتن بِها!
ایسه راحت بی؟ دختر مردم دِه مین حونم جِوو مرگ بی...
ننه قمرتاج اوما دَس نیا ریـ شونیام و "رو رو" گِریوس
دَسیاشن دِه ریـ شونم ورداشتم و گوتم: فقط گُم با دِه جلو چَشیام! دِه روزی که اومامه وه دیـ ، چی "مار هَفی" روزی صد گِل دالکمن نیش زئیه ، هیچوَخت نمیخشمت! واگذارتو کردمه وه امیرالمامنین که تقاص دامن دِتو بیره😔
🐞
هَنی سُفره داوَت دِه حونه بوئم پهن بی که مراسم پورس و پوئه جاشن گِرت😔
هزارون هزار نفر دِه وِلات چَم پینه و آبادیا اطراف سی تشییع جنازه دام اومان
پاپا و ننه و فامیلون دام هم دِه آبادیمو اومان
ننه قمرتاج نِشسی وه بالای مجلس و همه زنون فامیل دِه گردنش "وِه" میزَن و وش تسلیت میگوتن ولی ناوِنسن قاتل اصلی دام هِه خوشه!😔
دِه اوچه که فامیلون دام رعیت بوئم بین و جرئت اعتراض ناشتن ، فقط پاپام یه کَلوم وه بوئم گوت:
کدخدا! یِنه رسم پیاگری نِوی😔
دخترم امونت بی وه دَست!
ننم هم گوت:‌ خدا سیت نسازه که داغ جگرگوشم نیایی ریـ قلبم!
بونگی وِراوِردن و ورگشتن وه آبادیشو...
🐞
ایما مَنیم و حونه که بی دام چول بی😔
چه شویائی که منو آساره و نازگل دِه فراق دامو تا صو نگریوسیم!
بوئم مین او روزیا خیلی پیر و شکسته بی و وا هیچ کس قصه نمیکرد
هَرچَن لیلا (زن بوئم) هم آدم خویی بی و دوس داشت ومو محبت بکه ولی ایما وش بی محلی میکردیم.
آخه ایما اونه مقصر اصلی دونِسیم...
🐞
نازگل کم کم دالکمن فراموش کرد ، بالاخره هرچی با بچه ساوَه بی و وا شیر گُو اُخت گِرت
ولی آساره فقیر😔
مرگ دام سی آساره قابل هضم نِوی!
روز وه روز ضعیف و ضعیف تر بی
هرچی دُگدُر دِه شهر بی میاوردیم وه بالا سرش ولی هیچکومشو نمیتونس حلاجش بکه!
چه شویائی که من و لیلا بالای سر آساره تا شو اَسر نریختیم! ولی فایده ناشت
🐞
بالاخره دِه یه شو زَنگ تاریک پاییزی ، خدا آساره نازارمونه هم دِمو گِرت😔
الان که ایـ داستانن سیتو مینویسم قاغذیا دفترم دِه اَسر چَشیام کاملا خیس بینه!
روله! آساره!
خوئر شیرینم! دِه عمر هفت ساله کوتاهت هیچوَخت رنگ خوشی وه چَش نئیدی...
🐞

#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#داستان_لری
#قسمت_چهارم

دِه زیر تور سِیل میکردم
تَنیا کسی که سیم اَسر میریخت قدمخیر زن عاموم بی...
عاقد خطبه عقدن وَن ، عروس خانم آیا وکیلم؟
کِش نکردم!
دوارته دِه نو گوت: آیا وکیلم؟ ولی مه دوارته هم کِش نکردم! دوس داشتم بمیرم و "بله" وه سر زونم نیا!
بار سوم هم هِــه چنو...
عاقد گوت: اَر ایـ دختر ناراضیه که فایده ناره! وه زور که نموئه!
خدابس اوما مین گوشم گوت: زونت واز کو! اَنی ایمشو زِنّـه نِمیلمت!
دونِسم که هرکاری دِه خدابس میا! هیچوَخت دِه ویرم نمیره روزی که دِه نِها فامیلونش سِقلی و شیطونی کردم وم گوت:‌ بِیل ایـ آدمیا وِریسن تا داغت بکم! آخرش هم هرچی وش لالکِسم وا سیخ داغم کرد...
هرچَن دوس داشتم بمیرم و ایـ زندگی حرومن تموم بکم ولی ناونم چطور بی! اوسـه اومام وه خوم که گوتم: بله!
صدا کِلکلریزون زِنو وِریسا!
گیلیلیلیلیلیلی!
لوطیا زَن وه زیر تِلـه دهل ، میمونیا دَس گرتن و چوپی باختن
وَختی که غلومرضا تور مین سَرم ورداشت ، میهاسم "مین اِشکم" خومه بیارم بالا! یِنه یارو کُرکـا که مین رَه مدرسه گِز موئرّی وه دخترو! توووووف!! عقب مَنــه!!
دوماوَن اومان مین حونمو که بُـورنم! اَلوَت حونه دوما هم نِزیک حونه خومو بی ، هِه سی یِنه هم پیاده اومان
تا پیایو جیازم زَن دِه بار قاطر ، رتم پشت دار انجیر مین هُوش! همیشه وَختی بوئم دِه چییِـه ناراحت بی میرَت اوچه...
- سلام بوئه! خویی؟
سِیلم کرد! پوکی زَه وه چاوِک(پیپ) سرش وَن وه هـار
- سلام روله
هِه چِنو که اَسر دِه چَشیام جُـر میکرد وه هار گوتم: مه هـا میرم! کاری وام ناری؟
سی اوّلین بار دِه زندگیم دیم که بوئم افتا وه گِریوه
- اَی رووووووله ، بوئت بمیره و ایـ روزن وه چَش نئینه!
وا دَسیا کُچکم دَسش گرتم گوتم: سِقت بام نگریو! مه دِه گَپ بیمه! باید روئم سر حونه و زندگی خوم! وِریـ بیا تِه پیایو! صُو مِنامونه میکن!
-‌ روله بِیلم! آز دِه پایام نی که وِریسم! روله رو! خدا دیار سرت با...
- باشد بوئه ، تو هم ویردار خوت با! تونه خدا حَپیاته سر موقه بـور! دَمته وه دَس شِهامه!‌ حواست وه سیاوش هم با!
مین سر بوئمه ماچ کردم و رتم
زن عاموم سوار اَسبم کرد ، تورن کَشی مین ریم و گوت: رازونه خوئرزا! خدا دیار سرت ، هروَخت مشکلی داشتی وه خوم و عاموت بُو!
تا موقه که حونمو وام دیار بی ، چَن دَفـه وِرگشتم وه دِما سِیل حونمو کردم! سیاوش دَس تِکو میدَه سیم...
خدایا ایسه که مه اوچه نیسم کی حَپیا بوئمه وش بِیه؟ اَر قلبش بیره و بمیره چه خَرّه بیرم وا کَپو!
خدایا خوت حواست وه بوئم و برارم با که جز خوت مِنت هیچکسن نمیکشم...

#ادامه_دارد...🦋
‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥