🎵🎼گُلوَنی💥Laki🎶🎶

#قسمت_سوم

خا! تا اوچه رَسسیم که نازگل اوما وه دیـ و ننه قمرتاج آلو کرد وه بوئم که حالوت گوته اَر لیلانه نمیهای تا بِئمش وه شی!
بالاخره بوئم علی رغم میل باطنیش تسلیم ننه قمرتاج بی و وا قَری دِه ریش اِسپیا و گَپون فامیل رت وه کیخایی لیلا😔
فقط خوم و خدا دونیم که او شو تا صو دام چی کشی!
فک بکم یه پارچ اَسر دِه چَشیاش سرازیر بی😔
مه هم خو بجز دام دیـ دنیا کسینه ناشتم و تا صو چِنو غصه هردم که میاسی جونم دِرا!
🐞
مراسم کیخایی کِنو تموم بی و لیلا و بوئش هم دِه زور هَوَس هِه او شو جواو مثبت دَن
کم کم دَسبوس و شیرینی هِرون و بقیه مراسمات هم اَنجوم بین تا رَسس وه روز داوَت!
دِه چار روز وَرَز داوَت مقدمات کارن فراهم کردن
هرروز دِه اوّل صو آدم میوما وه حونمو و آدم میرَت ، پاتیل پاتیل برنج و گوشت پختن و دَن وه میمونیا
دام مین او چَن روز کلا چَن لقمه غذا بیشتر نَهرد...
همه سرگرم مراسم داوَت و سور بین حتی انوشیروان!
تَنیا کسونی که داوَت سیشو مهم نیی من و دام و آساره و نازگل بیِم😔
🐞
بالاخره روز موعود رَسس و بوئم بِیی جدیدن آورد وه حونه😔
هیچوَخت داوَتی وه او قشنگی نئیه بیم!
بوئم و لیلا وا اسب وارد حونه بین ، دَسه لوطیا سازدهل و کمونچه میزَن
زنون فامیل هم وا گُلونیا قشنگ و سرداری و کلاویا مخمل چه مَتلیا قشنگی میهَنن:
کِل زِنونه کِل زنونه هرکومتو کِلتو خوئه
همتو وایَک بوئیتو ایـ داوَت مارِک بوئه...
🐞
مه دوس ناشتم روئم مین مجلسشو
ولی دام بیترین لباسیامون سیمو پوشی و گوت: روله! مه زن گَپ ایـ حونام!
هِه سی سربلندی بوئتو هم بیه باید خومون بیریم وه سر پا که کسی ومو طعنه نزنه!
ایما هم وارد مجلس بیِم و دام وا لوخَنه دِه میمونیا پذیرایی کرد
🐞
او شو که هوفتیِم وه گمونم گَن ترین شو زندگی سی ساله دام بی!
اولین شویی که عشق ابدی دام ، معشوقه جدیدی انتخاب کردی😔
نازگُل دِه زور تُو و سرماهَردیی میگِریوس و سرش ریـ دَسم بی که بَخاونمش
دَم صو بی ، دَسم تِز گِرتی و کامل بی حس بی
دام دلش سیم سوخت و سر نازگُلن ریـ دَسم ورداشت ، هِه اوچه دِه زور شَکَتی خاوِم گِرِت!
نِزیک وه ظهر بی که وا دَنگ ننه قمرتاج دِه خاو چِرچِسم!
اولین باری بی که کسی بجز دام دِه خاو بیدارم میکرد!
ننه قمرتاج گوت:
ایما دیشو داوَت داشتیمه ، هزار کار و بار داریم اوسه اینو وا خیال راحت هوفتینه!
زینه شِلیته هَنی ناونه که زینه کدخدائه! میرَش هزارتا زن هم میتونه بِهائه!
🐞
دِه خاو وِریسام سِیلی دِه دام کردم
چَشیاش واز بین ولی لار و بدنش یخ بی!
بله
دالکم دِغ مرگ بی😔
🐞

#ادامه_داره...




‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#داستان_لری
#قسمت_سوم

هَنی هم ناونسم چه خاوی سیم دینه
تا روزی که تاج طلا اوما وه حونمو!
دِه چَن تا دِه هُمکلاسیام شنفته بیم که وَختی تاج طلا روئه وه حونه کسی یعنی او حونه بِیی داره! ایـ حونه هم که غیر مه دختری ناشت! فَمسم که خدابس چه نخشه گَنی سیم کَشیه
تاج طلا گوت: دِشکه بیاریت تا بَن بونم وه ریش!
جِستم مین اتاقم افتام وه گریوه
اَی! خدابس! مه نمیهام بَن بونم وه ریم ، تونه قُورسون مُردیات!
دَسم گرت!
- وِریـ بینم! مَر میها بـورت؟ دِه خدات هم با که بَن بونه وه ریت ، وا ایـ سولیات ریـ دیـه ناری!
تاج طلا دِشکه وَن وه ریم! ایقه اَسر دِه چَشیام اوما وه هار که دوبار قهر کرد!
خدابس گوت: یمان دِه دلت! بِیل کار تاج طلا تموم با اوسه ایقه بگریو تا باداباد رویی
ایقه پوس ریم سوز میزَه که نُو! رتم مین آینه سِیل کردم! بدم دِه خوم میوما!
وه سیاوش گوتم: برار! تو دونی که قراره مِنه بِین وه شی؟
- عَه! قراره شی بکی وه غلومرضا
- ولی مه دوس نارم شی بکم
- مه هم دوس نارم! ولی تو مویی چی بکیم؟ بوئم هم نارضائه ولی زورش وه خدابس نمیرسه! مطمئنم که بعد تو نوبت مِنه! بلایی هم سر مه میاره!
هیچکسی ناشتم که کمکم بِیه
نه دَس براری! نه کَس دلسوزی! نه هِنارسی! هیچکس! فقط خوم بیم و خدای خوم
تصمیم گرتم صُو که رتم مدرسه بَجیم وه ولاتی! هرکجا با مهم نی! فقط ایچه نوئه! هر بلایی هم بیا وه سرم بیتر دِه ایچنه...
سر شُو کتاویامن دِه کیف دراوردم! عکس دام و لباسیام و کوشیامه نیام دِه کیف
سرصُو وریسام مانتومه کردم دِه ور ، سِیل ایلا اولا کردم ، در هُوشن واز کردم ، اوسه که هاسم روئم وه در ، خدابس هِنام کرد
- کجااا؟
- م م م مدرسه
- بیخود! مدرسه و درد بی درمو! امروز قراره بیاین سی غَرج بورّو!
- امروز ریاضی داریم! اَر نروئم معلم جریمم میکه
- عِیو ناره! زَلَت دِه معلم نروئه! دِه هیچوَخت وه چَش نِمینیش
- یعنی چی؟ یعنی دِه نباید روئم مدرسه؟
- نه! تو هم چی بقیه دخترو! باید کِینوگری یاد بیری سی میرَت!
ورگشتم رتم مین لامَردو! بوئم شال کِلاو کردی که روئه وه شهر
- اَی بوئه! خدابس نِمیله روئم مدرسه
بوئم دَسی کَشی مین سرم
- نگریو روله! چیا مین کیفت دِرار ، کتاویات بَنی مین کیفت تا بُورمت مدرسه!
کتاویام نیام دِه کیف و رتم مدرسه! دِه جرئت فرار هم ناشتم...
ظهر وِرگشتم حونه! حونه که نه! ورگشتم وه قُورسو
هم دوارته گلبهار اوچه بی! بدم دِش میوما
اَفتاو که دِروما زن عامو لباس اِسپی کرد دِه ورم بردم مین اتاق اولایی ، نشسم سر صندلی، زَنون فامیل کِل و گاله کردن
غلومرضا اوما نِشس جفتم! خومن کَشیم ایلا!
عاقد خطبنه وَن! آیا وکیلم؟

#ادامه_دارد...🦋

‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥