#داستان#قسمت_اولنومم "تیامه"
دختر "سِ مَ خو"
کدخدای ولات چَم پینه!
بوئم خیلی مال و حال داشت
هرچی زَمی و دُنیا و گُو و گله دِه چَم پینه بین همشو هینیا بوئم بین
مه اولین بچه بوئم بیم. همه دوس داشتن کُرّی بام ولی مه خوشحال بیم که دختری هیسم
😊الوَت مه دِه عالم بَچیی ناونسم سیچی دوس دارن کُری بام!
چَن بار وا گوش خوم اِشنفتم که ننه قمرتاج وه بوئم میگوت:
چَن گِل وت گوتم ایـ زینه ، کُرزا نی!
ایـ زینه نمیتونه کُر سیت بیاره ، بیا تا دیر نئیه خوئرزا خومن بَنیم وت!
ولی بوئم عاشوق دام بی و هَرگس حاضر نئی هوویی بیاره وه سرش
یه سال دوارته دام باردار بی
اوسه خو سونوگرافی نِوی ، میاسی بِسیم تا بچه بیا وه دیر که بئینیم کُریه یا دختری
😔مه هرروز روزشماری میکردم و اَنگلات یِنه بیم که بچه بیایه وه دی
بالاخره روز موعود رَسس و دام زائِس.
وَختی وه دام گوتن که ینه هم دختریه ، مِنِسی کُل دنیا ریـ سر دام خراو بیه
شو و روزش بی وه گِریوه
حتی حاضر نئی شیر بِیه وش
😔نوم خوئر جدیدمه نیائیم وه آساره!
🐞ننه قمرتاج هرروز وه دام قاف میشَن و میگوت: حیف دِه کُر نازارخدام که اُجاقش کور بی!
دام هم دِه غصه ، بیئی وه پوس و سِخونی!
بوئم دِه بیشتر دِه یِنه نمیتونس چاو و راویا فامیلونن تحمل بکه
کم کم داشت راضی میبی که حالوزاشن بِها!
دام دوارته باردار بی
مه هرروز وه بوئم میلالکِسم که بِیله تا دام فارغ با شاید خدا کُرّی وش بِیه
🙏ولی طعنه و قاف ننه قمرتاج همچنان اِدومه داشت.
بالاخره دام زائس و دِه بالایی خدا کُری نِصیو دام و بوئم بی و نومش نیائیم وه انوشیروان!
تا هفت روز و هفت شو دَنگ کمونچه و ساز و دهل دِه حونمو بی.
ننه قمرتاج تازه کمی وامو خو بی و سی اولین بار احساس ننه داشتن میکردم.
مه خیلی آساره و انوشیروانن دوس داشتم ولی آساره فقیر بس که وش بی توجهی کردنی عقده ای بی
😔دِه روزی که آساره اومائه بی وه دیر تَنیا کسی که وش محبت میکرد مه بیم.
حتی یه گِل نئیم بوئم و ننه قمرتاج بوسش بَکن!
مه دونِسم اَر آساره و انوشیروان دِه "تو گِلی" تَنیا بان حتما بلایی میاره وه سر انوشیروان !
هِه سی یِنه هم همیشه ویردارشو بیم که آساره یَکونه کُر دام و بوئمن کَلا نکه!
#ادامه_داره...
🎼 🍁 #گلونی_Laki 🍁🎶 🟠 @Alshtariii 🔥