خدر الفواطم لنشر القصائد الحسينية

#نعي
السيدة زينب عند رأس ابيها في لحظاته الاخيره )


ها نام ها غمض عيونه
يحسين ابوي انخطف لونه
خلوه لا لا تغطونه
الله واكبر هذا ابونه

حاچيني هم بصدره انفاس
شو تبچي جاوبني يعباس

خلوني عندي عتاب اگوله
ارد ارجع لعمر الطفوله
واغفى على صدره واشتكيله
شالو اهلنه شلون شيله

بويه علي حاچيني بويه
يحسين راح الزين خويه

المن بعد وجهي اديره
حيره اللفتني شلون حيره
كسرتنه يا وادم چبيره

ها نايم وگدامك انحب
گلولي ميت والدمع صب
وانا جبتلك ماي تشرب

منك ردت بس چلمه وحده
بس گلي بويه وعمري رده
آه يا علي الراح شيرده

خلوني يم البيه محنه
يم التخاف الزلم منه
يا موت ابعد لتدنه
شو خلصتهم كل اهلنه

ارد ابچي يم راسه واحاجيه
وبدموع عيني ابچي واغطيه
گلبي اليريدك وين اوديه

چا هيچ تخلص هاي هيه
جوه التراب اهل الحميه
ها يا علي شمسوي بيه
رايح بعد ما بيك جيه

البارحه امي وانته هاليوم
عايف دليلي بحرگه ملچوم


بويه لفانه العيد وانته
وجهك علينه ليش درته
ماظل صبر الا وصبرته
بس بويه موتك موش وكته

يا بيت يسوه بدون الاحباب
عافونه راحو جوه التراب
ياهو انتلگه بدگة الباب
وياهو البعد يسأل علينه


على حزني احاچيمن عليراح
ابد ما صدگ الگالو عليه راح
لحد جبريل ما نادى علي راح
انهدم گلب السمه بهاي المسيه

بينه يعيش ما ظن راح ألمنه
مثل ما چان ماخذ راحه لمنه
أبونه اليوم غرب راح لأمنه
الضلع والهامه يتلاگن سويه

#كلمات الخادم / رعد الفريجي

#اللهم_عجل_لوليك_الفرج

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

ياعــبـــاس جــايبـتك للحسين
اريد اشدلة ظهر وتكحل العين


اريد بعــينك اشــيل الوصـــية
خـادم تــمشـي وي بن الزجية
تباري لضعنه واخته الهاشمية
مــن تـمشون لارض الغاضرية


اريدك مثل ابوك بذيج السنين

ياعــبـــاس جــايبـتك للحسين

بعـد عيــني ويــروحي وبـعد جــبدي
مــاوصيـك مــــن الــضـعــن يـــحدي
ومــــن بــوداعــي يــبــني يريد يبدي
اذكــرني وراح اهل دمعي اعله خدي

وخليني اعله بالك وانتو ماشين

ياعــبـــاس جــايــبـتك للـحسين


اريــدك يلــولد انـته ويــخــوتك
لاتــقـصـر يـــيــمـه ويا مـــروتك
نضحي ارواحــنه ثق گبل موتك
بـس أشــر بـديـك بـدون صوتك


نسوي المايصير العــمرك الزين

ياعــبـــاس جــايبـتك للحسين


اهناك بكــربله لو جـلجـل اليل
دمع ماريد مـن حسينك ايسيل
وبيدك يلولد هم ركبه عالخيل
وصير احزام ظهره وصبح الحيل

ومن گلبه اريد اشيل الونين

ياعــبـــاس جــايبـتك للحسين


ماريدن يــــضل ويـاه بالي
ارخصو كلكم وخلوه غالي
وزينب لاتضل من غير والي
صيرلهم علي بذيج اليالي

ذمة حسين عدكم يلمجبلين

ياعــبـــاس جــايبـتك للحسين

اللهم صلي على محمد وال محمد

#كلمات خادم النبأالعظيم محمد البنداوي


#نزلة وداع ام البنيين



@alfoatm3

#معشوگي_منذبح

#كلمات ... علي الحميداوي الكربلائي
#اداء ..... ملا خالد الفيصل
#الهندسه_الصوتيه ... صوت الحسين
محرم ١٤٣٨ هـ

#يبن_الزهراء
https://youtu.be/mYAsY-TKojk