من الفجر حد الفجر .. ما توگف ادموعك يومية خيل امعصبة .. تركض عله اضلوعك مستحية الشلونك .. اسم الله عله اعيونك يا بوصالح .. يا بوصالح ============= يالتبچي دم ابكل صبح چا هاي عينك لو رمح .. يا بو العيون الرايحة
إيطگن اضلوعك سره .. لو ذكروا الحافر وايعوّر اعيونك رمح .. من تسمع العاشر وين اليذكرونك .. اسم الله عله اعيونك يا بوصالح .. يا بوصالح =============== گاعد حدر لسع الشمس مت عيني ما يمك ونس .. ويباصرك وتباصرة
من احچي بالطف ما اشب صح احترگ بس تنحسب .. حسبة مشاعر عابرة
الفاگدلة سبعين ازلمة لو موت لو يبچي دمة .. واعيونة مدري شصايرة
ودعتني وسافرت يبني يبني انه لو انته المتت يبني يبني ** يوليدي يا تعب العمر ما حسبت بيك انكسر يابويه تانيني ايدك علي انطيني وكوم امشي وياي نورك ابد ما ينحبس من توكف تسد الشمس حبيتك اهواي وجهك علي ايه يا جرحي ودواي
والله بيك اتحيرت يبني يبني انه لو انته المتت يبني يبني *** حاولت اشيلك للخيم وجفي انترس يوليدي دم بس نبجي ضلينه نتراجف شبينه خاف امن الفراك هجرك يالاكبر مو سهل عنك شكول امن انسأل يا روحي عينيني وللخيمه وصليني ضاك النفس ضاك
يالاكبر امك تنتظر يمته تجيها وكل لحضه يبني من رحت ينغمي عليها
ترجع وياي شكلت يبني يبني انه لو انته المتت يبني يبني *** لون السمه دم نكلب توادعنه والموعد كرب كلبي نكسر بيكم للموت اوديكم شاب بضهر شاب بالطف محمد منذبح ومن عيني مبيوك الصبح طايح حلال الله وركضلك اسم الله يالكلك اتراب
تشبه محمد يا علي حته بمعانيك نشتاك جنه للنبي ويبني نجي عليك
ليش عن عيني رحت يبني يبني انه لو انته المتت يبني يبني *** تمت تحسين الخفاجي
الخيل يهل الخيل يا فرسانها الحرب ساعه اوتشب نيرانهـا ــــــــــــــــــــــــــــــــــــــ الخيل يهل الخيل يا مردم الخيل الحيل المن ينضخر منكم الحيل هله هله تصيح بت حامي الدخيل وعينها على الوجن كت جروانهـا ــــــــــــــــــــــــــــــــــــــ يا انصار حسين يا روس الحزم بيكم وبسيوفكم يگوه العزم بت علي ترضون ما بين الزلم توكف وليهـا تصد عدوانها ــــــــــــــــــــــــــــــــــــــ يا انصار حسين يسباع الرجال يا ليوث الحرب يا موت الأبطال هاي زينب بت علي خير الأعمال جاعده وتتناكم بصیوانها ــــــــــــــــــــــــــــــــــــــ يا أنصار حسين هاي أخت الحسين زينب الما حصلت غير الونين هاي زينب بت أمير المؤمنين تحجي وياكم غدت بالسانها ــــــــــــــــــــــــــــــــــــــ يا أنصار حسين بت حيدر تگول عالخيم خيل العده تحوم وتجول والله يكرام العذر ماهو امقبول منكم ولا اگول من خوانها ــــــــــــــــــــــــــــــــــــــ اشلون عن خدر الحرم تتعذرون وغدت من عين الحرم تنبع عيون لا وحك الله عليكم مايهون الحرم تنضام يا وليانها ــــــــــــــــــــــــــــــــــــــ يا أنصار حسين يا ليوث الحرب زين يصحاب الوفه عدكم كلب تخلون الحرم بديار الغرب خدّر وبعدت عليها اوطانها ــــــــــــــــــــــــــــــــــــــ لن حبيب يصيح ويهز صارمه لا على بختج يبت حامي الحمه اليوم دون الخدر نسبح بالدمه ليوم اكر عيوج بميدانها ــــــــــــــــــــــــــــــــــــــ لا تخافين أيغدي عنج الخوف والأنصار امجرّده بيض السيوف اليوم يم الخدر خل عينج تشـوف نسلب ارواح العده من ابدانها
ذاك الصبح صار اغروب . شمس ابعيني مطفيه موحش يا سلف عدنان . لا سيد و علويه نوح الثكله گام اينوح . كل بيت اعل راعيه ماكو اعمامه سوده أتنور . لا من خضره چفيه
انقفلت بوب و انصدعت تبچي امن الدمع نگعت هم انشوف وجه حسين . باب اعل القفل ناده
……………………………………………………………
جان الصبح بيه شمسين.شمس الباري وحسيني عيد وصوت ابوي اهلال . لو فاطم يناديني يل من بنته ماخذ روحي.وعقلي وگلبي وي عيني ظلت عالجسد يحسين . اقبل مشي اتمشيني
ابيثرب جان مامش ليل.افياي انشوف بالشجره لان عمي الگمر موجود . اعلينه ايوزع الگمره أعلينه ايسيّر ابكل يوم . اشگد مرات مو مره عمي و بُعد خمس بيوت . اشمن غيرته و عطره
مضيف الساده عامر جان.جاسم ورث من عوده تطبخ رمله ليل انهار . سفرة عمي ممدوده يرحب واكف اعله الباب . صوت الاكبر انشوده وجاسم جن شطب ريحان . لازم دلته السوده
وهسه اضيوفكم سألت وين اهل الكرم شالت من هاشم لحد جسام . انتم للكرم قاده
……………………………………………………………
جنت الصبح من اكعد . اريوگي و ما اريدنه اشبع من اصد كاروك . وچف عبد الله اشمّنه اصيرن اخف من الريح . لمن بيدي اشلينه مو بگماط من اقماش . ابرمش اعيوني اكمطنه
يهنياله و يخيعونه الصد عبدالله بعيونه يهنيال الفراش الصار . اعليه نومته و مگعاده
……………………………………………………………
من يندگ علينا الباب . اعرف دگة العمه البيت وينگلب بستان . و الحيطانه مبتسمه مثل المعضد البـ الأيد . اعليها الحرم ملتمه حجيها و لأن من ياقوت . تطلع تلمع الكلمه
اشمن ريت شليتها واتغطه ابعبايتها و هسه ومدري وسط اخيام . لو تمشين بوهاده
……………………………………………………………
وردات اعل شاطي الماي . يا محلانه من چنه ابوي اشكد يحب عمي . هيج انا واحب سكنه حميده و خوله ملتمات . وشريفه اتحلي كعدتنه شمحله ارقيه چنها العيد . لو گعدت ابوسطتنه
عيوني اصبحت معميه اطيب ابشوفة ارقيه يتراوالي عالي السوط . ما يرحمها جلّاده
ما لي والدنيا خذ يا مذبوحي من جسمي روحي . . دخيلك صاحن اعيوني .. دخان اذنوبي عاميني اجيتك من سجن مظلم .. او ضياع اسنين يحسيني اخذ بيه شكو نسمة .. بس اعليك دليني طفل ابصحره من دونك .. اذياب الدينا توليني
الك مديت ذرعاني او نطق بالطافك الساني لجلك ربنه سواني
مختصر كلشي .. منبع احروفك يا كليم الحب .. الزمني بجفوفك
لا ترجعْ كفي خذ يا مذبوحي من جسمي روحي . .
اجيت امصخم او حافي .. يبو اليمه او لكيتك ضي كتبت اسمك على اعيوني.. او لن جفك صبحلي الفي ميت كلشي من دونك .. والميت جوارك حي شربت اوهام يحسيني .. وانت الما شربت المي
الندم يم بابك ايهذّب كشخت او انت مترّب إخذني ما اريد اذنب
بوصلة عمري .. بابك او صحنك او جوهر اوجودي .. من فضل حسنك
رجع عاشور المحنه وصاحت دموعي هله هله بأيام المجالس هله بريحة كربله حسين حسين حسين حسين … يا حسين وهل محرم ياحزن كل الزمن الدنيه بعيوني متاهه ومجلسك هو الوطن قرايه عدنه واحنه صحنه تفضلي يام الحسن فاطمه ويانه تبچي وعُمَر مجلسنه وحِله … انت عمري وهلي كلهم يا بعد عمري وهلي يا ولي النعمه الچبيره ما ردت غيرك ولي عشت كل سنيني دمعه لخاطرك يا بو علي اليبچي صاحب بخت عدنه بخدمتك شانه عِله … الليل ما ينحب واحبه چي الك اسود لبس الهوه المابي عطر منك مو إلي هذا النِفَس يبس كل العشگ بيه وعود عشگك ما يبس الما شرب من نهر حبك روحه صبخه و ذابله … انسه كلشي الا انت عندي نسيانك صعب حسين والله الما يحبك هذا ما عنده گلب يا ضوه عيون الخدم والعافك ايتيه الدرب يوم اگضيه بخدمتك بالعمر ما بدله … يا تعب بس كله راحه وراحتي بهذا التعب قسمتي بالدنيه حبك واحله مقسوم انكتب تراب بابك عندي جنه يروحله فدوه الذهب تريدني انسه حبيبي والله بطرانه المله … من بده امحرم قميصك نشرته اهل السمه خوفي اقصر بالبواچي لشيبك الكله دمه مروتك بيضلي وجهي اگبال امك فاطمه يا حسين شكبر حضه الدفتر امك سجِّله … الشمس من تطلع اشوفك جسد عاري بالشمس من اشوف الماي اذكر گلت عطشان بهمس واذكر الليل التمنت زينب يردلها امس صار اسم زينب سبيه اشلون دنيه مايله … خادم الحسين ( عليه السلام) كرار حسين الكربلائي ( ابو كميل )
ماريدك تهل يهلال شهرك يكتل احلامي وانه الوحدي وعالكاع كلها مذبحه ازلامي *** اشعندك يا شهر عاشور جاي ومجبل عليه من كد ما خذاني الخوف الزم ضهري ما بيه باجر بالطفوف نطيح علويه اعله علويه ومحمد اذا رديت ما يعرفني ياهيه
ومن عكب النشامه تصير سوده بكربله ايامي * انه ام الخدر والناس كلها تحلف بخدري ومثل حسين عالعباس باجر هيج اكض ضهري لو سالوني اخوتج وين تكتل جلمت المدري مو مالت ركض وتروح تصعد تله البعمري
مدري اهناك اطفي النار لو احتار بيتامي **** من طبع الحنين ايذوب كلبه بريحة الخوه الدنيه الما تلم اخوان هاي الدنيه مو حلوه شهرك يا شهر عاشور شوف بحالتي شسوه باجر بالطف يطيحون وين البيهم امروه
يمته امن العذاب ارتاح وتطفه جمرة الامي * يا شهر الالم ياريت يومك لا طلع فجره اهلالك من يهل تدري يفجع فاطمه الزهره رد ورحم كلب زينب ما متعلمه عالعثره بالدنيه انكسر اهواي وما بيه بعد كسره
مرسوم الحزن والضيم لوحة والنحر دامي **** من تلجم بشر متعوب كون تخيط اجروحه والفاكد تعرفه اتريد تلكه عيونه مفضوحه راح اول علامه تشوف تلكه الضحكه مذبوحه وانه امنين اجيب النوم وحسين اطلعت روحه
عفته امسلب وعريان وكلبه امن العطش ضامي * تمت تحسين الخفاجي
طول الزمن طول الزمن ٠٠ دايم عزانه عالخيمه نبچي وعالظعن ٠٠ عاشور اجانه ــــــــــــــــــــــــــــــــــــــ بالزياره الناحيه أصل العزاء من تگول احسين ظل ابلا رداء تندب الـمذبوح كل صبح ومساء إوبدلِ الدمعِ بكائك من دماء
تبكي دَمـاً تبكي دَماً ٠٠ حزنك عمانه عالخيمه نبچي وعالظعن ٠٠ عاشور اجانه ــــــــــــــــــــــــــــــــــــــ آه يادرب السبي الكلش بعيد خله زينب ياكل بچفهه الحديد ماتت اشچم موته من شافت يزيد إگبال عيناهه ويطگ راس الشهيد
وتبقه بس شيعة علي الـمنصوره رغم الفتن رغم الفتن ٠٠ محّد لوانه عالخيمه نبچي وعالظعن ٠٠ عاشور اجانه ــــــــــــــــــــــــــــــــــــــ احسين اغله امن الهوه النتنفسه واليقـدس احسين الله ايقدسه احسين للاجيال أكبر مدرسه ايموت كلشي ويبقه عايش مجلسه
كلا وَلن كلا وَلن ٠٠ يوگع لوانه عالخيمه نبچي وعالظعن ٠٠ عاشور اجانه ــــــــــــــــــــــــــــــــــــــ في دعاء الندبه نقرالك حنين أينَ وجه الله إومعز المؤمنين الليله كلنه انصيح وانمد الادين عجّل اللهم ثارات الحسين
سر وعلن سر وعلن ٠٠ نرفع بيانه عالخيمه نبچي وعالظعن ٠٠ عاشور اجانه
يابو صالح يا ألم هل محرم كله دم نار گلبك ندري والله كلهه من نار الخيم
---------------------
شلون حالك يابو صالح من تشوف هلاله آه يمهدي وكل محرم هيه نفس الحاله حسين بعده بخير هسه ويمه كل عياله ليش يا عاشر محرم ؟؟ ليش يلخياله ؟؟ يا مصيبه :: لو تفوت ايامك يا مصيبه :: تبقى بس ايتامك يا مصيبه :: بس جثث گدامك ندري محني من الدمع لازم بچفك ضلع كلشي منك ما سلم هل محرم كله دم
----------------------------
هل نصبنه احنه المجالس والسواد بكل كتر هاي رايات المصيبه وهايه رايات النصر والله ما يوگف دمعنه ولا لطمنه اعلى الصدر ندري يا مهدي اتألم من يمر طاري الخدر يا غريبه :: زينب بلا والي يا غريبه :: بلا حسين الغالي يا غريبه :: بس دموع تلالي
باچر بولية غرب والله هالموقف صعب حيره شيگول القلم هل محرم كله دم
------------------------------
هل محرم وانته حاير ما ردت يمشي الوكت احنه ما شفنه وعرفنه شلون صبرك يلشفت بكل صباح الطف تشوفه وصيحه من گلبك صحت يا حسين الله واكبر يابو الاكبر ها متت !؟ يا حبيبي :: جثتك مخضوبه يا حبيبي :: بالحجر مصيوبه يا حبيبي :: والرماح النوبه بكل كتر منك جرح ليش يا وجه الصبح يا ضوه الكون انعدم هل محرم كله دم
---------------------------------
علشريعه هناك فارس كافل لزينب شهم چانت الحره العقيله تگله فدوه لهالاسم آه يمهدي وفارگاهه وهيه تتأمل حلم ما يموت الواعداني ارد اغطيه بالهدم يا كفيلي :: يلنمت علمشرعه يا كفيلي :: تدري بيه أملوعه يا كفيلي :: گلبي ريتك تسمعه ارجع اختك هالبچت عالنهر والله انتهت ادري ماذيك السهم هل محرم كله دم
--------------------------------
الماي سر الموت صاير لا اجاه ولا روى المهدي قرر انته تحشر ويا ظالمهم سوى يا نهر حكمك نهائي بعد متشم الهوى تروح ترگع يم حضرته وبلكي تلكالك دوى
نام... نام... راعي النهر.. نام شام.. شام.. افراگ الگمر.. شام غربني ما بين الناس الله اولحد عباس.. حامي الخيم... طاح //////////////////////////////////////