#مشاركه من مغلق للامتحانات
جو كذيه احكي لكم موقف محرج قوووي وقع لي قبل فتره
في يوما ما خرجت من البيت مبدل بالثوب المكوى والشال والكوت معطر مهنجم هنجامه بنت كلب
وانا خاطي قدنا شخرج من الزغط حق الحاره والمجنون الذي في حارتنا مسنب مابين سيارتين وبه ثلاث بنات جالست يشتين يخطين بس مفتجعات من المجنون انا خطيت وقلت ادعمم يمكن انهن مريعات لحد مشو حالي اقوم اتجمل وهن مش مفتجعات المهم خطيت وبين اسمع واحده بتقل اخطي انتي الاوله قالت ماشي اخطي انتي
وانا دريت انهن مفتجعات وقالت يالله ياذماري فرصتك تفرض شخصيتك وتتجمل معهن وتوريهن انك السمخ والزعيم حق الحاره الذي حتى المجانين ما بتفتجعش منهم وانا قدنا عامل حسابي ان المجنون ذيه مسكين ما بيحاكيش أحد وفي نفس الوقت يعرفني من الحاره
ويمكن يطلعين من التلجرام والمتابعات ويعرفني اتجمل معهن علاسب ينزلين منشور في الواتس
صباح الخير لذيك الشخص الشجاع السمخ الذي انقذ حياتنا في صباح اليوم شكرآ ذماري لقن وانا انتفخت قوووي
رجعت وقلت لهن تشتين تخطين سعليكن اخطين هوذا شمسكه المهم بين اصيح فوق المجنون و اقله يا يا جلال عيب خليهن يخطين وقربت لعنده بين امسك يده سعم اخطيه علاسب يخطين وبين اقلهن لاتفتجعنش سعليكن لاتفتجعنش انا غير مسكت يده
وهو يشل يده الثانيه للهواء ويصنج افكاري ملطام لما سرجت الدنيا وبين ابسر الشارع بيتلامع تقل الا واحد بيصور بفلاش بين الظلمي من الفجيعه واحده منهن طحست وبيضحكين
وانا بين اصيح لاتصورنش عيب عليكن
انا من قوة الصدمه ادربت للقاع
وبين اقل للمجنون مالك يا جلال صلي على النبي ماتعرفنيش انا من حارتكم انا ذماري أين حارتكم أين طلي
وجلال يعوض ركضه برجله لما دخلني تحت السياره لفوق كلب راقد واننا متحاجف انا والكلب
والكلب ذيك نبع يحفحف وهن هربين وانا مازد دريت من أين اخرج ماسوي كيف افعل كيف خرجت كيف مشعت الجمبيه مدري
واننا بين اهرب بعدهن حافي بغير صنادل والشال في يد والجمبيه في يد ومغلق العين الذي وقع فيها الملطام الذي يبسرني يقل هربت من وسط مبراع
وبين اهرب وانا محرج وهن بيهربين وهن بيضحكين ويصيحين وواحده بتحمل بفرده واحده وتعكل شكلها كان ساع ذيك الحمار حق البلاد الذي يربطوا ارجله الثنتين ويشتي يحمل
ابسرتها وضحكت زد خففت شويه من وجع الملطام وبين افحط كرهن لقيت متر طلعت وبيقل لي اينه ياعم قلت له أين ماشتيت اطلع وبس
المهم قلت طز في الصنادل طز في كل شي
سرت اشتريت صندل وسرت عملي
المهم رجعت بعد المغرب للحاره
واشقص من بعيد وان المجنون هنيك لابس الصندل حقي
انا ابسرته كذيه ورجعت وراء سرت اتم التخزينه في الحاره الثانيه لما يرقد المجنون وشروح
