Qassem - قاسم🇵🇸

ما تنساش تبدأ اليوم بالسطور ھاذم🖤

يا صبَاح التوفيق لمن أراد ذَلك.

قاعدين في بداية الشھر وھاذي فُرصة ليك باش تنجز كم تحدي في حياتك...

وأنا عارفك لو تبعد الشوشو متاعك حتقدرھا بعون الله.

ربي يوفقك.

امس في الليل شاركت الحديث أنا وشوي رفاق مع ناس كبيرة في العمر ويالي يشھدولھا أھل المنطقة بالعلم والخلق، فواحد من الشياب قال جملة قعدت في بالي ادور لمُدة زمنية...!

قال: عارفين الناس لقعدة تقرا وتنوض تمشي للمدرسة، الجامعة، المعھد ومستمرة ھكَّ في شتى التخصصات ومھما كان مستواھم أصبحوا عملة نادرة وھلبا، والشيء الوحيد لمخليھم مكملين لتوا بعد إرادة ربي ھيَّ -التربية الصالحة- لا غير.. ف افتخروا بنفسكم قدام باقي جيلكم.

وقال: إنَّ وقت توا الحرام كاثر وزي السلام عليكم وغير شن تشتھي بس ورفاق السوء قعدين زي الرز في كل مكان.. فالشخص لبعد على رفاق السوء وعلى الحرام يعتبر شخص محظوظ ونياله لأنَّ غيره ھلبا ھلبا ھلبا نجروا في الطريق المعاكسة وأصبحوا من أراذل القوم.

فتخايلوا انتم ما اديروش في الغلط المُنتشر وفي المقابل تطلبوا في العلم وتاعبين عليه في وقت بدأ من الھزوة واحد يمشي للجامعة والمدرسة. ھذا نصيب من ربي ليكم إنكم تكونوا ھك حتى ولو تتعبوا ومتحصلوش على شن تبوا وانتم يالي عابين عليكم القدام.

كلام الشخص ھذا -بارك الله فيھ- صحيح وجدًا نسأل الله أن يرزقه بدوام الصحة والعافية.

ھي ھي

ديسمبر الأعزباني مش زي ديسمبر الناس الثانية.

ايييي.. وأحيانًا من حيثُ لا تدري تنفرج.. ومن حيثُ لا تعلم تبتسم لَك.. ومن غير سابق إنذار تصل لمبتغاك.

نسأل الله ذلك يارب.

صلاةُ الضُحى يا رفاق.

صلاةُ الأوّابينَ.

وھاذم ھي.

يا صباحَ التوفيق.

قعدين في بداية الأسبوع!

مذكرتك وقلمك ودوّن على الأقل ھدَف من اھني للخميس وحاول تنجزھ... حتَّى ولو محققتاش! وأنتَ في طريقك ليھ حتكتشف أھداف جديدة على الأقل.

ربي يوفقك رفيق.

دعواتكم لِي بتحقيق مُبتغاي.

وآخيرًا: سُنَّةُ صيام الإثنين.

مُنبَّھ الفجرِ.

أذكارُ النومِ.

سورةُ المُلكِ.

سُنَّةُ القيامِ: أقلھا ركعتانِ بفاتحةٍ وسورة وكلَّمَا زاد؛ زاد الأجر بعون الله.

خلِّي نذكروا نفسنَا بالآتي:-

لمَّا تكُون شخص تعنيلي حنحاول نبررلك مرة وحدة بس، وفي حال لقيت راسك مسكر على العكس فأنتَ حُر.

لمَّا تكون مُجرّد شخص في حياتي حنحاول نفھم منَّك ولو اضطر الأمر نوضحلك العكس وبعدھَا أنتَ حُر.

لمَّا تكون مُجرّد دابة تمشي على الأرض وما معندكش من الإنسان غير اسمھ، حنزيد نسوّدھا باش نرتاح منك.

أنتَ من اخترت تمشي بوذانك من غير ما ترجعلي (حتى لو كلامھم صحيح ومزبوط) وأنا حنسايرك على قد عقلك مدام الكورة في ملعبك عيش وسجل أھداف بالشبعة، بس الدنيا صغيرة للأرض وجيجي يوم تجيني الكورة لبين رجليا وصدقني وقتھا حنعرف كويس وين نشوطھا.

أنا زي ما قالوا عليا وأسوء لعند ما الوقت يثبتلك العكس ووقتھا رد بالك تفكر حتى التفكير إنَّك تخش وتبررلي لأني مش حنرحمك ولا حنفوتھالك.. ولو في الدُنيا ما عرفتش الحق حتعرف في مكان أفضل صدقني.

آخيرًا افتكيت منَّك لأنك اخترت تمشي بوذانك ومعاش تلزمني وبديت مُجرد عدد في حياتي السابقة في وقت كُنت من الصفوف الأمامية وأكثر.

نھايةً حسبي الله ونعم الوكيل مرة واثنين وعشرة في بعض الناس وصدقوني لو تكون الجنة بيني وبينكم أنا مش حنسامحكم.

ليلتكم طيبة.

تقدروھا.

في ناس حتحبها من أول هدرزة بينكم.

في ناس حتحبها بعد مدة من أول هدرزة بينكم.

في ناس حتحبها من شخصيتها.

في ناس حتحبها من أسلوبها.

في ناس حتحبها بتعاملها.

في ناس حتحبها بشكلها.

في ناس مش حتحبها لين تزعل منها.

وفي وفي وفي....

برضو في ناس حتكرها من أول تعامل معاك.

وناس حتحكرها بعد مدة.

وناس حتكرها بعد موقف

وناس حتكرها بعد لتحبها هلبا.

وناس حتكرها من شخصيتها

وحتكره ناس من أسلوبها.

وفي وفي وفي...


وفي المقابل حتلقى لتكره يحبوه غيرك عادي ويالي تحبه يكرهوه، هذا شيء طبيعي.

ولكن صدقني حيستمر معاك صاحب الخُلق الحسن وحتحترمه ولو كان عدوك.

نسأل الله التوفيق والسداد يارب.