QARSHI SHAHRI HOKIMLIGI

Qarshi shahri hokimi byudjet tushumi bo‘yicha yig‘ilish o‘tkazdi

Qarshi shahri hokimi Normo‘min Xolboyev rahbarligida 2025-yil yanvar oyi byudjet tushumi prognoz ko‘rsatkichlarining ijrosi hamda tushumni ko‘paytirish masalalariga bag‘ishlangan onlayn yig‘ilish bo‘lib o‘tdi. Mazkur yig‘ilish Zoom platformasi orqali o‘tkazilib, unda shahar sektor rahbarlari, hokim o‘rinbosarlari, korxona va tashkilotlar rahbarlari hamda mahalla fuqarolar yig‘inlari mas’ullari ishtirok etdi.

Yig‘ilishda byudjet tushumining ijrosini ta’minlash, mavjud imkoniyatlardan samarali foydalanish va tushumni ko‘paytirishga qaratilgan asosiy vazifalar muhokama qilindi. Shuningdek, mas’ullar oldiga aniq topshiriq va ko‘rsatmalar berilib, ishlarni tizimli ravishda tashkil etish bo‘yicha yo‘nalishlar belgilab berildi.

👉@qarshishaharhokimligi

Qarshi shahri hokimi boshqaruv servis kompaniyalari rahbarlari bilan yig‘ilish o‘tkazdi

Qarshi shahri hokimi Normo‘min Xolboyev bugun shahardagi ko‘p qavatli uylarga xizmat ko‘rsatuvchi boshqaruv servis kompaniyalari rahbarlari bilan muhim yig‘ilish o‘tkazdi.

Yig‘ilishda kuz-qish mavsumini muammosiz o‘tkazish, xizmat ko‘rsatish sifatini oshirish hamda ko‘p qavatli uylarga tutash hududlarni obodonlashtirish masalalari muhokama qilindi. Shu bilan birga, hokim tomonidan bu yo‘nalishlarda ishlarni samarali tashkil qilish bo‘yicha mutasaddilarga aniq vazifalar belgilandi.

Xususan, har bir hududda xizmat sifatini yaxshilash, ko‘p qavatli uylar atrofini obodonlashtirish va mavjud muammolarni tezkorlik bilan bartaraf etish bo‘yicha qat’iy choralar ko‘rish topshirildi.

👉@qarshishaharhokimligi