Nin ayaa u yimid khaalid binu waliid wuxuuna ku yidhi: hebal ayaa ku caayayay, wuxuu ugu jawaabay: "isaga ayaa leh' warqadiisa wuxuu doono ha ka buuxiyo" Nin ayaa u yimid wahab binu munabah wuxuuna ku yidhi hebal ayaa ku caayayay ama ku af lagaadeynayey. Wuxuu ugu jawaabay "shaydaanku qof aan adiga aheyn ma waayay! Nin ayaa lagu yidhi: hebal wuu ku caayayay! Wuxuu ku yidhi: "waran ayuu igu soo tuuray balse wuu ila gafay, ee adigu maxaad u soo qaadaysaa oo aad ii galinaysaa" Imaamu shaafici ayaa lagu yidhi: hebal ayaa ku caayayay wuxuuna ugu jawaabay: "hadaad run sheegayso waxaad tahay isku-dire, hadaad been sheegaysana waxaad tahay faasiq" ILAAHAYOW KA ILAALI CARAB-YADEENA XANTA, BEENTA IYO XUMAAN OO DHAN..!!