габриэл гарсия маркеснинг бир ҳикоясида ёмғир ёғар ва қулаб тушар бир кимсанинг пелайёсига улкан қанотли мўйсафид бечораҳол чол лойга ботган қанотларин кўтаролмай яшар катакда товуқлар билан мен эса ақлдан озган шаман каби рақс тушаман турнадек қанотим ёзиб сотилмаган китобларим атрофида ўзни асраш лозим хона ичкаридан қулфлаб кун бўйи вақтни оқизиб ўлдириб ўйга чўмиб рақс тушаман габриэл гарсия маркеснинг бир ҳикоясида ўша қишлоққа ёмғирли тундан кейин ўлик йигит оқиб келар бўйдор мушакдор гўзал хушбичим бечора қишлоқ аёллари ақлдан озиб сиғинарлар гулга кўмилган мурдага урфга кирар унинг бўйи мушакдорлиги хушбичимлиги мен эса рақс тушаман сотилмас китобларим хона ўртасида қулоғимда қулоқликдан таралади бир кун федерико феллинининг олинмаган филмида ақлдан озган шаман каби сакраб айланаман ва ўпкамни тўлдираман заҳар ҳавога уруғ ерга эмас оқсин канализацияга ерга тегса яна бир улкан қанотли мўйсафид мурда бўй-басти урф ерга қулайди мен каби