د شهیدانو او معلولینو چارو وزارت وایي، چې دغه وزارت د "HHRD" له خیریه موسسې سره د ۹۷ میلیونه او ۴۷ زره افغانیو په ارزښت دوه هوکړه لیکونه لاسلیک کړي دي. د یادو هوکړو له مخې، په کابل، ننګرهار، لغمان او پروان ولایتونو کې ۴۰ زره او ۲۱۰ یتیمانو، کونډو او معلولینو ته روغتیايي خدمتونه وړاندې کېږي، او په غور او تخار ولایتونو کې ۲۵۰ نورو معلولینو ته ویلچیرونه وېشل کېږي. همدارنګه په کابل، لغمان، ننګرهار، کونړ او پروان ولایتونو کې ۲ زره او ۸۰۰ یتیمانو او معلولینو ته د خوراکي توکو د کڅوړو تر څنګ ښوونیز او ټولنیز خدمتونه هم وړاندې کېږي. #ملي‌تلویزیون