Олигархия ва гипер-бойлар замони: АҚШдаги янги воқелик АҚШ сенаторларидан бири Берни Сандерс мамлакатда олигархия вужудга келгани ҳақида огоҳлантирмоқда. Унинг сўзларига кўра, Илон Маск сиёсий қарорларга таъсир кўрсатмоқда. Маск ўзининг X (Twitter) платформасидан фойдаланиб, сенаторларга таҳдид қилишни бошлади, бу эса жамоатчиликда баҳсларни кучайтирмоқда. Маскнинг сиёсий намоён бўлиши гипер-бойларнинг давлатга таъсирини кўрсатмоқда. Бу янги бойларнинг бошқа бойлардан фарқи, улар нафақат жуда катта бойликка, балки улкан стратегик ва технологик кучга эга эканлигидир. Масалан, Илон Маск ўз ижтимоий тармоғи (X), космик компанияси (SpaceX), спутниклари (Starlink), глобал интернет тармоғи, электр автомобиллари ва юк ташиш тизими (Tesla), яқин орада пайдо бўлиши кутилаётган роботлари, сунъий интеллект компанияси (xAI), ва энг кучли супер компьютерлардан бирига эга. Бундай куч нафақат иқтисодий устунлик, балки сиёсий ва глобал таъсир қилиш имкониятини ҳам тақдим этади. Маск каби янги гипер-бойлар технология орқали бутун жамиятни шакллантиришда ва ҳатто давлат ҳукуматлари билан тенглаша оладиган кучга эга бўлмоқда. https://www.youtube.com/watch?v=79KDKWEOJ1s @paiziev24