أحزان الغريبة الهاشمية

قصيدة لوفاة علوية شريفة ع {بالدرب ماتت}لسان مولاتي زينب ع

بـــــــــــالدرب ماتت ودمعتها جريه
زغيره بـت الحسن من سوده عليه

شافت اشكال القهر ...من اليتم حد النحر

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
بالدرب ماتت ودمعتها هميله
والحمل مليت وحدي بس اشيله
اه يمصايب زماني اشكد ثگيله

ام هادي ماتت بالدرب ...والوكت كلش صعب

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
من عمت عيني عليها ماتت اشلون
يعينهه الله شافت ابراسه يگطعون
والشماته ويلي بيها بس يلچمون

صاحوا اعليها العده ...حسين ياهو ايگعده

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
حسين ياهو ايگعده والحسن عافاج
چان هسه من الحرب بعيونه ضماج
ياشريفه من الاهل محد بقه وياج

بالمكابر كل هلج ...بعد محد يوصلج

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
بالمكابر كل هلج صاحاها اللعين
بعد لا يمج اخو لا يمج احسين
اعليهم اجري الدمع حيل اعميها هالعين

مايجونج للابد ...اعزاز كلبج باللحد

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
كلشي عاشته شريفه احزان بأحزان
يعينها الله ازغيره والدلال تعبان
بالكبر حطها اعله كيفك ها يدفان

املجمة من الحبل ...الصار بيها مو سهل

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج8

قصائد نسائيه لكل ايام محرم اشترك

نعي للاب {هظيمه الحنين}

هظيمه الحنين بمكبره اينام
ياريت نومة ايطول ايام
مو يضل جوه الترب اعوام
❥❥❥❥ـــــــــــــ❁❁ـــــــــــــ❥❥❥❥
فراگه كلف ما بيه حيله
من الوكت جنت اشتكيله
روحي عله الحمل عليله
❥❥❥❥ـــــــــــــ❁❁ـــــــــــــ❥❥❥❥
هيبه وتجيه الوالي معروف
وبجرح بنته بجلمته ايروف
وحظن لابو للوجع موصوف
❥❥❥❥ـــــــــــــ❁❁ـــــــــــــ❥❥❥❥
كلها تصيح الوالي مريود
وانه الولي من عندي مفگود
تربان طمت ذيج الخدود
❥❥❥❥ـــــــــــــ❁❁ـــــــــــــ❥❥❥❥
بس الصور ظلتلي منه
بيديه طميت المحنه
من المشه لا ماشبعنه
❥❥❥❥ـــــــــــــ❁❁ـــــــــــــ❥❥❥❥
اشتاگيت ابوي يسولف وياي
وبيده ينشف دمع عيناي
بجيت شكثر ماسكت ابجاي
❥❥❥❥ـــــــــــــ❁❁ـــــــــــــ❥❥❥❥
مصلايته بيدي وسبحته
وهدمه البقه منه شبكته
ردلي يبويه اشكد ندهته
❥❥❥❥ـــــــــــــ❁❁ـــــــــــــ❥❥❥❥
اللدللني عالدلال غالي
بيتي صفه من صوته خالي
دمعي علئ العافاني هالي
❥❥❥❥ـــــــــــــ❁❁ـــــــــــــ❥❥❥❥
كون الدمع ليه يرجعه
بدلالي اظل كل ساعه انعه
وبيدي اصفط دمعه دمعه
❥❥❥❥ـــــــــــــ❁❁ـــــــــــــ❥❥❥❥
ملكاك الي فگدته روحي
ياهو اليطيبلي جروحي
يستمر بعدك بويه نوحي
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

قصيده للاب{بچاني بفراگه}

طـــول الليل اون وانـه مشتاگـه
اليمســـح دمعتي بچاني بفراگـه
❥❥❥❥ـــــــــــــ❁❁ـــــــــــــ❥❥❥
اون الليــــــل كله امناطره الملگه
اليمســـح دمعـتي بچاني بالفرگه
جفن عيني يحن للوالي شيطبگه

حنين وياه كون اتصحلي الملاگه
❥❥❥❥ـــــــــــــ❁❁ـــــــــــــ❥❥❥❥
حنـــــين العافني مشتاگه اشوفنه
ومــن ذيج الجفوف الترفه احبنه
عمري زغير ابوي اهظيمه اضيعنه

يا ناري اعله ابوي الشال حراگه
❥❥❥❥ـــــــــــــ❁❁ـــــــــــــ❥❥❥❥
زغيره ويتمــــاني من عمت عيني
بـــت روحي شحلاته من يناديني
ولا مر علــئ بالي الغالي يجفيني

شيسكت الگلب لو حلت اشواگه
❥❥❥❥ـــــــــــــ❁❁ـــــــــــــ❥❥❥❥
شيسكــت الگـــــلب لـو راد غاليه
اتحمـل جفه مـــــن بعــده ما بيه
انه اتمـنه المشه لحضـــه يرد ليه

چا كتلــــه الگلب مفتوت بفراگه
❥❥❥❥ـــــــــــــ❁❁ـــــــــــــ❥❥❥❥
الدللني بحيـــــاته اغيابه هاضمني
انه اشــــــــتاگيتله والشوگ تعبني
يتمني المشه ويـــــلي بزغر سـني

ودلالي الوجــــــع من الزغر ضاگه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني