أحزان الغريبة الهاشمية

‌‌‎عندما يموت الذي يدافع عن الشرف ، بالطبع سيشمت فاقد الشرف

صدور ضوابط قبول الطلبة اللبنانيين في المدارس العراقية اي واحد عندة صديق لبناني دزوهة الة

مِنَ المُؤْمِنِينَ رِجَالٌ صَدَقُوا مَا عَاهَدُوا اللهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا

امثالك لاتليق بهم سوى الشهادة
ولايليق بهم موت الوساــــــــدة
انا لله وانا اليه راجعون عشت مجاهدا وقتلت مظلوما شهيدا

فليفرح الشامتون سيلقى الشامتون مالقينا

نعي للعليلة عليها السلام

سدر بالاضعون وجفاني
حمل بناته وماخذاني
حنين الابو واتعذراني

تعذر حنين الكلب مني
من دون اخياتي عزلني
سدر ضعونه وللتفتلي

صحتله يبويه التفت ليه
خليتني بدار الخليه
واليل لوجلجل عليه


يحنان موهاي الامروه
مريضه واجر النفس كوه
نخيتكم يحنان نخوه

نخيتكم والدمع بالعين
خذوني وياكم وين ماشين
يروحي اشوالج تموتين

شنهي ضلتج بدار شلج
وعن منازل شالت اهلج
وفراكم والمرض سلج


سليت مايدرون بيه
ولا واحد البين عليه
ولاكالو بكت عدنه بنيه

مريضه واحبابي جفوني
بدار جاليش اشمروني
اعمي عله اهلج ياعيوني

...............

✍أم زينب كربلاء
💖💖💖💖💖💖💖💖💖💖💖💖💖💖

الناشر // عالي مقامي
غير مبري الذمه يحذف اسم الناشر

#نعي_وأبوذيات

[ لمولاي ابا الفضل العباس روحي فداه ]
ــــــــــــــــــــ
الما مخسوف صدره و لاهو ملچوم
خل عن الحسين إيشـيل الهمـوم
كعــد يمّ النهر ما گــادر إيگــوم
الما مكسور ظهره يكسره هاليوم
ــــــــــــــــــــ
گعد يمّه إبضماده إحتار إلحسين
يا ضيعتنه وانته إبلايه چفــين
يّضمّد راسه الأول مدري الايدين ؟
خاف يشيل سهمه وتوجعه العين
ــــــــــــــــــــ
إختصرها حسين ردّ إمشيّب الراس
مـــا گللّها زينــــب راح عبــــاس
راح إلخيمتــه وبيهـا الخَبَر جاس
عمود النــاس طــاح وما بقت ناس
ــــــــــــــــــــ
مهدي التقي

#ابوذيات

أميره چنت كل عمري ... لگوماي
او بدور الچانت اتچّي .. لگوماي
بچيت امن القهر حدما .. لگو ماي
ابگبر عباس من دمعاته ليه

العمر بوجود اخيي ... مايه شر به
وگع والماي حالف ..... ما يشربه
ردت من عيني الحّگ ... ماي اشربه
لاني املحگه او لاماي بيه

اتاني الگمر ينهض .... مدري متني
السهم موّت اخيي .... مدري امتني
مدري اجمع چفوفه .. مدري متني
حرت . واثنينهن ضاعن عليه ......

ابو فاطمة الطائي

#اللهم_عجل_لوليك_الفرج

فزاعيه
لطمه تريدللخوان
زينب محد وياهه
@@@@@@@
لطمه تريد للعطشان
والگطعوله الذرعان
تنوح وحيلهه خلصان
تگتل فرگة الخوان
عونه اللطم وي زينب وعازاهه
@@@@@@@@@@@
تريد الي يعاونهه
موت الولي عذبهه
نحلهه وكثر ونهه
راح الچان خيمه الهه
بخرايب الوكت ياوسفه خلاهه
@@@@@@@@@@@
زلمهه مطرحه بالكون
عاميهه البچي ام عون
تدري بالمشو يبطون
راحوا بعد مايلفون
على الزينين ماغمضت عيناهه
@@@@@@@@@@@@
صعبه تگول عفتوني
وانتم دليليتوني
منهو يباري ضعوني
يالخوان سمعوني
چا شنهي المره بلايه ولياهه
@@@@@@@@@
بحرگه ظلت تنادي
وين تريد يالحادي
ريض بخال اولادي
اخوتي ومهجة الهادي
هم يدرون بزينب وبلواهه
@@@@@@@@@@
لطمه تريدللخوان
زينب محد وياهه
@@@@@@@@@@
ليوم المحشر كلنه لزينب عوانه
@@@@@@@@@@@
خادمة الحسين زينب البديري

# قصيده ثقيله للسيده رقيه بنت الحسين عليه السلام

بـويه العده ضربوني: بـويه العده ضربوني
روحي الهظم گاضيهه
وعيني الدمـع عاميهه
أگعد وشوف أمتوني: بــويه الـعده ضربوني

✿────↻✿...✿↺────✿
يابويه ظل مني الگلب :: بهمومه غرگـان
ميسوره امشي وي العده ::ولگلب خلصان
ناديت.  ماتفزع الي. :::  عـالت العــدوان
ميسوره. أظل تاليهه
وعيني الدمع عاميهه
ويسيل دمع اعيوني : بــويه العده ضربوني

✿────↻✿...✿↺────✿
يابويه هضموني العده ::  شدو أديه
.ومـن أذني جروها  التراجي أل اميه
مشيت ميسوره  واهـل..دموع الرزيه
روحي الالم ظل بيهه
وعيني الدمع عاميهه
أخلافك العـده أذونـي. بويه العـده ضربوني

✿────↻✿...✿↺────✿
للشام سرنه بالغصب :: ولحاله صعبه
:نحدي وي اجناب وكفر....ولدمع أصبه
ياهو  ليشاهد. حالتي :: ينـلجم گلــبه
بتك حــزن غاطيهه
وعيني الدمع عاميهه
يتيمه بغرب عفتوني. بويه العده ضربوني

✿────↻✿...✿↺────✿
ونيت بحــزان ألگلب ;;أبتالي الليل
يوم الرحت وتغربت. مابــگه اي حيل
تمنيت بويه بشيلتك. أرويحتي أنشيل
روحي بحزن تدريهه
وعيني الدمع عاميهه
من شوفتك حرموني. بويه العده ضربوني

✿────↻✿...✿↺────✿

ظليت أبجي بغربتي.. وذكر حنانك
أشلون تتركني ونه.. العشت بلسانك
اتمنه هالساعه تجي. وغفه بحضانك
شنهي الراح والـيهه
وعيني الدمع عاميهه
ومنك خابت أضنوني. بـويه العده ضربوني
✿────↻✿...✿↺────✿
تــــمت بعون الله تعالى
بقــــ✍🏻لم خـادمة السيده رقيه عليها  السلام
الشـــاعره سهام المـــالكــي
لااجيز حذف الأسم
من ديوان مجالس الأتقياء في مأتم كربلاء الجزء الثاني
نسالكم الدعاء بتعجيل الفرج لصاحب الزمان ((عج

ثكيل اويهدم اجبال ياهم العليه
للكوفه الضعن شال من الغاضريه
اصيح هنا يخوتي
محد سمع صوتي
مايدرون الأحبال كصت جف اديه
✍🏻✍🏻✍🏻✍🏻✍🏻✍🏻✍🏻✍🏻✍🏻
ثكيل اويهدم اجبال همي اوعدمن اشكيه
اشلون امشي سبيه والعطشان اخليه
لاغمضت عينه ولامديت رجليه
ماخلوني اشوفه
يزعل من اعوفه
لويرضون ضليت وي ابن الزجيه
✍🏻✍🏻✍🏻✍🏻✍🏻✍🏻✍🏻✍🏻✍🏻
ذوله الكوم كفار عدوان اويكرهون
صحت خلوني اضل يوم لاكن مايقبلون
جسم حسين المه واغسله بدمع العيون
ابهيده ابهيده اشيله
واقراله العديله
وراس حسين ارده للجثه الرميه
✍🏻✍🏻✍🏻✍🏻✍🏻✍🏻✍🏻✍🏻✍🏻
مايرضون ادفنه واحط راسه اعله نحره
ادور خنصر ايده وألم اضلوع صدره
بسنين المضت ذيج اخوي حسين اذكره
انه وياه ربينه
بحضن امي الحنينه
شلون ايام حلوات عشناهن سويه
✍🏻✍🏻✍🏻✍🏻✍🏻✍🏻✍🏻✍🏻✍🏻
ربينه ابيت ابونه وعشنه ايام حلوات
بعد هيهات يرجع ياذاك الوكت فات
هسه حسين مذبوح وانه ابين شمات
لاونيت يمه
لاخلوني اشمه
من بعيد اسمعه يوصيني ابرقيه
✍🏻✍🏻✍🏻✍🏻✍🏻✍🏻✍🏻✍🏻✍🏻
سمعته ايصيح زينب ريضي اولاتروحين
عليج ابدرت امي وعشرت ذيج الأسنين
اذا شفتي رقيه شوفي اعيون الحسين
ازغيرونه اويتيمه
ماتحمل هضيمه
ضميهه بعباتج عن اسياط اميه
✍🏻✍🏻✍🏻✍🏻✍🏻✍🏻✍🏻✍🏻✍🏻
ضميهه ابعباتج عن السوط بتي
يزينب روحهه اتروح لوشافت ركبتي
اشلون اصبر يهالناس شلون احبس دمعتي
راح اشبع مذله
والديوان ادخله
وصوت ايزيد اسمعه ايكلي الخارجيه
✍🏻✍🏻✍🏻✍🏻✍🏻✍🏻✍🏻✍🏻✍🏻

بقلم🎤المله أم هجران العمارجيه
القصيده بديوان📚صبر العقيله
الجزء السابع عشر

غير مبري الذمه من يمحي الاسم
رابط القناة الجديده👆👆👆👆

نزله للحسن ع نفس طور ثكيله جروحي للرادود محمد الحلفي
***
الحسن بمصابه    بعيده احبابه       غريب الليله
حنيني يهاجر       لبقيعه يسافر       واصيح ادخيله
"*
لرابع اصحاب الكساء الحسره بيه
كبره مهدوم بأيادي الناصبيه
جيت اواسي بدمعتي امه الزجيه
من بعيد أنخاه وارفعهه لأديه
جبير اخوانه       الكرم عنوانه        اجيت اشكيله
الحسن بمصابه   بعيده احبابه       غريب الليله
**
يابحر الاحسان والجود بجفوفه
الحسن ياديرة محنه من نشوفه
ياكريم العتره والروح الرؤوفه
نظره كلنه نريد من عينه العطوفه
تفيض إدلاله      بجميع أحواله      هضمنه يشيله
الحسن بمصابه   بعيده احبابه      غريب الليله
***
ظنهم يطفون نورك ياولينه
بعالم الذر احنه لمصابك بجينه
نريد امك فاطمه ترضه علينه
والله مايدرون كبره اندفن بينه
تنوح الشيعه      ونجدد بيعه          دمعنه انسيله
الحسن بمصابه   بعيده احبابه        غريب الليله
***
ياظليمه للحسن نبجي عليهه
بالطشت مسموم جبده اموذريهه
لو جنازه بدم وريده امخضبيهه
لو منارات وقباب امهدميهه
الدمع ميوافي     غريب وغافي       بكبر يبجيله
الحسن بمصابه   بعيده احبابه       غريب الليله
**
كبرك المهدوم ماكو يمه دمعه
لامواكب لاخدم لاناعي ينعه
صوت من الزهره هالعالم يسمعه
يبني يامظلوم وين اشعل الشمعه
شوكت بالرايه     نجي مشايه        وعزه انسويلك
الحسن بمصابه    بعيده احبابه      غريب الليله
***
المهدي يمته بياوكت ياخذ بثاره
للفرج ندعي ودمعنه بانتظاره
للبقيع نروح نمشي للزياره
تعله صرخة ياعلي فوك المناره
نريد الخاتم        يبيد الظالم          نصيح ادخيله
الحسن بمصابه   بعيده احبابه        غريب الليله
***
أم علي الكاظمي

قصيده للمحسن ع

طايح ياولد.. .وبعتبه الباب
وامك تنتحب والدمع سجاب

المحسن طاح عالغبره رميه
بعده زغير من سوده عليه
يجر ونات وناته خفيه
وسفه ينحرم من الهوا الهاب

وسفه ينحرم من الهوه وسفه
يزغيرون يلي ارويحتك ترفه
كون بمهد دافي يالولد تغفه
صوبت الكلب يالولد نشّاب

صوبت الكلب نشاب يايمه
عين امك لفكدك يالولد تعمه
تنعاك بحزن والروح تتغمه
تنعاك بألم من تنظر الباب

من تنظر الباب يهل دمعهه
بهيده تنوحلك وتون وجعهه
يامظلومه يالكسروا ضلعهه
وفكدك زادهه والكلب لهاب

تسعر نار فكدك يالزغيرون
يالمحسن وسف ياماي العيون
لجله الكون مترب صار محزون
والاملاك عازت بيك ابوتراب

تمت بقلم خادمه اهل البيت ع
ام زهراء الفااطميه
اسالكم الدعاء

قصيدة فزاعية ( لسان حال العليلة ع ) 🌺
-------------------------------------------------------

اشتاك گلبي للخوات
   و رايدة ملگاهن


حن الدليل الهن ترة
والروح والله حايرة
واديارهن متكدرة
وين امشي واني الگاهن

وين الگة خياتي بعد
ما ردن وگالن وعد
احبيبات گلبي والسعد
شو طولن مسراهن

ادروبهن عني ابعدت
وشلون روحي تحملت
بلضيم والعلة صفت
طول الوكت انعاهن

انعة وعتبهن بل گلب
وافراگهن عني صعب
من مشن وبعيد الدرب
راح الگلب وياهن

خيات عندي وارحلن
لا گالن ابردة وحجن
ياريت لية عاودن
طيبات وشينساهن

ما تنسي ايامنة
يامحلة ذيج احلامنة
وبلدور يمنا ازلامنة
وذاك السمر يحلاهن

للضالة اوحيدة انتحب
ولحسين ابوها علترب
وعندي يمها فد طلب
تحظر الواسهن
-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*ذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊😭

قصيدة في المسيرة المليونية إلى كربلاء الحسين عليه السلام ،،،، لسان حاله .
ـــــــــــــــــــــــــــــــــــــــــــــــــــــــــــــــ

بدَمعِتَه المَذروفَة
حسين لاگه ضيوفَه
يا هلا بزوّارِي
يا هلا بزوّارِي

ـــــــــــــــــــــــــــــــــــــــــــــــــــــــــــــــ

يا هلا بأنصاري
إلكُم أنخَى البارِي
بيَمنِتِي ويسارِي
أحتِضِن عِشّاقِي

يالگِطَعتُوا البِيدَة
والدّيار ٱبعِيدَة
واليِحِبنَة انريدَة
يِلتِزِم بَخلاقِي

ما يِنافِق ما يِرائِي ما يِدَوّر شُهرَة
رَابِي بَحضانِ الشهامَة والسليم الفِطرَة

ما يِرِدّ السّائِل
ما يِجَامِل باطِل

يا هلا بزوّارِي
يا هلا بزوّارِي

ـــــــــــــــــــــــــــــــــــــــــــــــــــــــــــــــ

يالگِضَيت ٱسنِينَك
تِخدِم إنتَه احسِينَك
لخَالِقَك وِلدِينَك
خِدمِتَك خَلّيهَة

مِن رِياءَك إحذَر
وحُوم حَولِ الجَوهَر
بدِنيِتَك لا تِنغَر
وبِالمَتَاعِ البِيهَة

هَاي دِنيَاك اللّئيمَة ٱتحَزّملهَه احزَامَك
لَو فُروضَك ما تِأدّي لا تِتَعب ٱجدَامَك

لا تِعوفِ الوَاجِب
ودَوم نَفسَك حاسِب

يا هلا بزوّارِي
يا هلا بزوّارِي

ـــــــــــــــــــــــــــــــــــــــــــــــــــــــــــــــ

آنه مو بَس عَبرَة
آنه دَمعة وعِبرَة
مِنّي رَايِد نَظرَة
أُمّك إدّارِيهَه

لو تِطِيع الوَالِد
بأي أمُرمَتعَانِد
بطاعَة الله الواحِد
بِنتَك ٱترَبّيهَه

لو رِدِت مِن عندي نَظرَة بَالَك علَخوَانَك
وَبو فاضل بالأُخوّة نَهَجَك ومِيزَانَك

وِستِمِد مِن عِندَه
لِيش گِطعَوا زَندَه

يا هلا بزوّارِي
يا هلا بزوّارِي

ـــــــــــــــــــــــــــــــــــــــــــــــــــــــــــــــ

إنته مِتعَنّينِي
ونِيتَك اتوَاسينِي
الغِيبَة ما تِرضِيني
بِيهَة تِگضِي اوكاتَك

كون عَقلَك رَاجِح
بالدّرُب لَتمازِح
چَنّك إنتَه الذّابح
رُگبِتِي بضِحكاتَك

شِنهو مَعنَى الإبتِسامَة وإنتَه جاي اتواسِي
هالدّرُب دَربِ السبايا بَس أظّنّك نَاسِي

ضِحكِتَك تاذينِي
حَرمَلة وتِرمِينِي

يا هلا بزوّارِي
يا هلا بزوّارِي

ـــــــــــــــــــــــــــــــــــــــــــــــــــــــــــــــ

والنّظَر يا زَايِر
مِنّه دَومَك حاذِر
بسُمعِتَك لَتغَامِر
والشّمَاتَة اتراقِب

بِالدّرُب غِض طَرفَك
خَلّي كِلهَه اتعَرفَك
بغِيرِتَك وبعَطفَك
تِنذِكِر لو غَايِب

خَلّي مَمشاك برَزَانَة وِبسَكِينَة وِبوَقَار
حَتّه عَنّك يِرضَه رَبّك وِنتَه صاحِب هَالقرار

بالأرُض تَحدِيقَك
يِستِمِر تَوفِيقَك

يا هلا بزوّارِي
يا هلا بزوّارِي

ـــــــــــــــــــــــــــــــــــــــــــــــــــــــــــــــ

يَالتّشِيل الرّايَة
الله هُوّه الغايَة
مِنّي هَاك احچايَة
نِيّتَك صَفّيهَة

والصّواب اتگولَه
والمُرَاد اتنولَه
وخُطوِتَك مَقبولَة
بالحَشُر تِلگِيهَة

يا هلا بكِلمَن يِجِينِي ويِحمِل بگلبَه الصّفاء
مِعتِني ويِطلُب شَفاعَة مِن وَريثِ الأنبياء

جاِنِي يِطلُب تَوبَة
تِنغِفِرلَه اذنوبَه

يا هلا بزوّارِي
يا هلا بزوّارِي

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي
@الجميع

قصيده درب السبي
بطور ثگيل
$$$$$$$$$$$$$$$$$$$$$$$$
ياحسين ماهمني العطش ولاهمني سوط الشمات
موتني افراگ الاخو والمات يرجع هيهات
چلمة الاخو تريح الگلب
والفاگده تون بالدرب
وتكثر عليها الطگات
$$$$$$$$$$$$$$$$$$$$$$$$
اثنينكم رحتوا سوه ولاواحد الظل وياي
ياعزاز واغله من الهوى عاميني والله مبچاي
كلما اصدن للدرب اذكر المنحر والماي
واذكر عطاشى كربله وچفوف اخي الرواي
شلي بحياتي ودنيتي
منغير لمة اخوتي
وايامهم الحلوات
$$$$$$$$$$$$$$$$$$$$$##
ملچوم گلبي من الزغر ومرافگه الدمعه
والعاشريته للكبر بالخيل سحگوا ضلعه
وسهم المثلث بالگلب نابت ومامش طلعه
بالبيده اون لوحدي وينچ يايمه البضعه
اسمعي ونيني وگومي
خل اشكي يمه همومي
بلكت تخف الونات
$$$$$$$$$$$$$$$$$$$$$$$$
وياكم انه اتعلمت وشلون يخلص عمري
هسه غريبه بدنيتي والله وكسرتوا ظهري
يناركم ماتنطفي للدوم ظلت تسري
ظلت جثثكم عالثرى والدمع مني يجري
راسك معلگ عالرمح
والف تسعمية جرح
جسمك مترس طعنات
$$$$$$$$$$$$$$$$$$$$$$$$
عالنوگ كلساعه التفت بلكت ياخويه تردون
تردوني لداري وهلي وانتم بضعني تحدون
وياي نسوان وهظم وعيالكم يونون
ياخويه يفتر العده وين اخوتچ يگولون
متوسدين اعله الثرى
وبحال زينب من دره
مابطليت الدمعات
$$$$$$$$$$$$$$$$$$$$$$$$
شامت وحادينه صبح وانه الهظم تارسني
جرو تراچي ابنيتك والسوط ورم متني
وسكينه تصرخ عالنهر عباس عمي اسمعني
حزنانه من يوم الرحت وفراگكم كاتلني
زغار تعبن بالدرب
وونينهن فت الگلب
شنهو ذنب البنيات
$$$$$$$$$$$$$$$$$$$$$$
خادمة الحسين زينب البديري

قصيده للسيده رقيه ع نفس طور حسيناه للرادود خضر عباس
***********
حسيناه حسيناه حسيناه رقيه إبلا أهل
*********
غريبه بكربله ماعندي والي
يبويه حسين ماتدري شجرالي
عكب عينك شفت مر الليالي
ضعت من فاركت حلو المحاجي
إبحرك الخيام سلبوني التراجي
يسيل الدم وأفرفح بالبواجي
عالوجه سطروني بويه مثل أمك فاطمه
حمره عيني ومن أذاني سال شلال الدمه
حسيناه حسيناه حسيناه يبن خير العمل
**********
الحزن لفراك ابويه شلون اشيله
كلب طفله ويون ونه ثكيله
خذوني للسبي برحله طويله
احاجي عمتي الظلت وحيده
يعمه والدي الغالي اريده
صدك ياشوفته صارت بعيده
وين طولك يخو زينب مو اجه وكت الصلاه
افرش السجاده بيدي واندعي اكعد وراه
حسيناه حسيناه حسيناه يحماي الدخل
*********
برحيلك بويه ليلي ماأنامه
اريد احضانك واغفه بسلامه
غريبه وانهدم عش الحمامه
عله ظهور الهزل اغفه سبيه
يشدوهه بحبل ترفات إديه
أهل الشام كالو خارجيه
بالخرابه كعدوني وآنه جنت إمدلله
من السياط متوني زركه آ يعملة كربله
حسيناه حسيناه حسيناه تمنيتك عدل
**********
الكلب يوجعني يابويه بعتابه
شسولفلك عله ضيم الخرابه
سكف مابيهه أنامن عالترابه
تغير لوني من شمس الظهاري
حفر خدي الدمع عالوجنه جاري
اريد الكافل يردني لدياري
وين حداي الضعينه خل يجي لحالي يشوف
نايم العباس عمي عالشريعه ابلا جفوف
حسيناه حسيناه حسيناه مصابه مو سهل
***********
بطشت جابولي راسك ياولينه
بجيت وبجت ويايه الحنينه
يفت كلب الصخر كلبي بونينه
حجيت وياك ياروحي وأماني
شنو ذنبي وعدوك يتماني
الكطع نحرك كطع عمري وزماني
خلصت الانفاس بيه وانتهت كل الجروح
مااريد الدنيه بويه وياك اخذني خل اروح
حسيناه حسيناه حسيناه وأشبكك للأزل
***********
أم علي الكاظمي

الشاعر الحسيني ظاهر حبيب الهليجي

هيمه وليل وانه بدمعة العين
هيمه وليل وانه بدمعة العين
*
بعاشرها أوحيده ومالي امعين هيمه وليل وانه بدمعة العين
لا اخوان عندي ولا صواوين هيمه وليل
وانه بدمعة العين
يا دنيه شعلاَمج ليش تقسين هيمه وليل وانه بدمعة العين
عله التل وذبت من كثر الونين هيمه وليل وانه بدمعة العين
بت حيدر علي شيخ الميادين. هيمه وليل
وانه بدمعة العين
من وني انجسم دلالي نصين هيمه وليل
ونه بدمعة العين
لاعباس هليله وله الحسين هيمه وليل وانه بدمعة العين
ياهلناس وين انطي الوجه وين هيمه وليل
وانه بدمعة العين
والمثلك أجيبه يل أخو منين هيمه وليل وانه بدمعة العبن
بعد عيناك أحس الناس ميتين هيمه وليل
وانه بدمعة العين
ياربات الابيه ام البنين هيمه وليل وانه بدمعة العين
مكسورة جنح يبن الديواوين هيمه وليل وانه بدمعة العين
ياتجوة زماني وظخر السنين هيمه وليل
وانه بدمعة العين
يل فكدك ينوح الزين والشين هيمه وليل وانه بدمعة العين
يل ناذر لخيتك تنطي جفين هيمه وليل وانه بدمعة العين
جانت نار بيه هسه نارين هيمه وليل وانه بدمعة العين
صاح النوح زينب لا تنوحين هيمه وليل وانه بدمعة العين

غطي ايدج يعـــــمه وغطي الگيود
خاف يشــــوف گيدچ راعي الجود
@@@@@
عمـــه امصاب ابوي يهدم اجبال
ياهو اليفزغ يعمه ومحملچ مال
صعبه انتي اسيره وبيدچ احبال
وتبره اويااچ.عمه كومة اطفال
وارض الشاام عمه هوه مگصود
غطي ايدج يعمه وغطي الگيود
____
عالهزل يــــــــــــــــعمه رفعي الايد
ولاتبينين انكسارچ #ضمي. الگييد
تره دربچ طويل ويعــــــرف. ابعيد
يدري باالظعينه مـــــــوش اجاويد
عدهم عيد صار بگطع.الزنوود
غطي ايدج يعمه وغطي الگيود
____
ارحمي بحالي عــــمه من تنوحين
اشوف حسين يبچي من.تونييين
غطي ادموع #عينچ.والنياشيييين
ماكو اعتاب #عمه المن. تعتبيين
الناموا على الوطيه كلهم احيود
غطي ايدج يعمه وغطي الگيود
~~
عدنه اعتاب عمه وماظن ايفييد
ودعتي الكفيل #ودربچ.ابعيييد
راح انروح عمه.المجلس.ايزييد
مانعرف طلبته #ومدري شيريد
وهم يخلص سفرنه ونرجع اردود
غطي ايدج يعمه وغطي الگيود
~~
راس حسين يبره وعينه ماتنام
نوبه يصد علينه ونوبه.الخييام
ولا عباس#يمنه وحته #جسام
شگد نحسه الدنيه وسوده ايام
ولمتنه وي ابونه ماظن.اتعوود
غطي ايدج يعمه وغطي الگيود
~~~~
بقلم خادمكم ابوباقرالصالحي
واسالكم الدعاء..
@
@الجميع

ياصاحب السجده الطويله
ياشايل احمول الثچيله
خلص عذابك والسفر حان
رادك حبيبك تعتنيله

///////////////:::::::::::::::::::::////////////////////

ياسيدي گلبك حمل ضيم وتحملت كلشي بحياتك
شاهدت عينك تلهب النار وحرگت بالمخيم خواتك
والدك شفته امسلب الثوب وتركض تغطيه ابعباتك
ماعشت راحه بعمرك الفات بالسم عمت عيني وفاتك

يادنيتك مارحتمك يوم
بالغدر يامولاي مسموم
جدك محمد جيتك امتان
خلص عذابك والسفر حان
رادك حبيبك تعتنيله

///////////////:::::::::::::::::::::////////////////////

كافي الدمع والجفن ذبلان من گد ونينك والبواچي
اشگد عشت يامولاي احزان دمعك ينگعها الخواچي
حسيت موتك گرب وحان من سلبوهن للتراچي
عافوك كلهم آل عدنان أهل الفعايل والمحاچي

ماظل معين وتشتكيله
عالغبره ذبحوها القبيله
للخيل صدر حسين ميدان
خلص عذابك والسفر حان
رادك حبيبك تعتنيله

///////////////:::::::::::::::::::::////////////////////

يوم الطفوف اشخله بالروح دخان وتشمه بالانفاس
مجروح صار يداوي مجروح وثنينكم عشتوه الاحساس
زينب تگلك مات الحسين ونته تگلها مات عباس
واحد يصد ويشوف چفين واحد يعاين عالرمح راس

زينب تعاين ياگمرها
وچفوفه عالشاطي نذرها
عافوها بالطف كل الاخوان
خلص عذابك والسفر حان
رادك حبيبك تعتنيله

///////////////:::::::::::::::::::::////////////////////

رغم المصايب والوجع ذاك ربك تناجيه وتحمده
زين العباد الهادي سماك يابشر يسجد هيچ سجده
تهدي الخليقه الباري خلاك والطايح بچفك تگعده
تكتب صحيفه الله راداك القران بالحكمه تسنده

مارادوا اتوعيها للناس
رادوها بالرجلين تنداس
رادوا العالم دوم تنهان
خلص عذابك والسفر حان
رادك حبيبك تعتنيله

///////////////:::::::::::::::::::::////////////////////

اثلاثين عمرك ينحسب نوح مافارگت صورة رقيه
دخان ذيچ اخيامك ايفوح كل ساعه تتصور سبيه
تتمنى كون اهناك مذبوح وتموت وياهم سويه
حان الرحيل وصار مسموح واللي تغدرك ال اميه

بالاسم هالنادالك حسين
كحلها بالنضرات هالعين
گله بلقائك بويه فرحان
خلص عذابك والسفر حان
رادك حبيبك تعتنيله
///////////////:::::::::::::::::::::////////////////////
الشاعر سيد حسين ال بو صلوات الاشبال الحسيني

تلبية. طلب

📜قصيدة : اه ياحسين ومصابه مكتوبه

✒️للشاعر : المرحوم كاظم منظور الكربلائي

آه يحسين و مصابه
لجله العين سجابه
زينب تون و تنادي
خويه و يروح الهادي
◾️◾️◾️◾️◾️
يحسين يالذجرك بطرف لساني
حاشاك لليوم الوعد تنساني
و اني اعتقادي بدفترك عنواني
ناجح الصار بدفترك عنوانه
◾️◾️◾️◾️◾️
يحسين ريج الماي ما يحلاله
امن اتصوره ادموعي تظل همّاله
اذكر رضيعك من يبس دلاله
و جمر العطش قلبه توّج نيرانه
◾️◾️◾️◾️◾️
بماي العذب يحسين ما نتهنه
و يحرم على اطفالك مـتشرب منه
جم طفل ظل يجذب عليه الوّنه
و جم طفلة ظلت ضاميه و عطشانه
◾️◾️◾️◾️◾️
يحسين عيني من تصد للشبان
اذكر علي الاكبر و شمعة عدنان
جنّي اشوفه معّفر اعله التربان
و الذاري جسمه مجفنه ابتربانه
◾️◾️◾️◾️◾️
يحسين لو عريس عيني تشوفه
اذكر الجاسم و انتحب عالحوفه
من دم وريده خضبوله جفوفه
و تسحق على اطفاله خِيَل عدوانه
◾️◾️◾️◾️◾️
يحسين و الله لو ذكرت مصابك
روحي توج بنار مثل اطنابك
و اهجس بقلبي صواب مثل صوابك
و سهم المثلث بالجبد نيشانه

@الجميع

قصيدة للمشاية

يالله يهل الحميه
امشونه للغاضريه
نزور الحسين ورضيعه ونلگه زينب عالشريعه
يالله يهل الحميه
*******
يالله يهل الحميه امشوا نحيي الزياره
نزور الحسين واخيه والانصار الغيارى
وننصبلهم عزيه من نلاگي الاسارى
نبݘي ونوح عليهم والدموع اتجارى
ويرتفع صوت بݘينه والحزن باين علينه
ايا عظم الرزيه يالله يهل الحميه
*******
نمشي لحسين نواسي بالمشي اخته العقيله
نصرخ بصوت يضامي والدمعنه نسيله
غير حبك يغالي هناك ماعدنه وسيله
نبقى للموت تبعكم أي وحگ حامي دخيله
حاشه تنسانه انته ياشفيع ومنقذ امته
ياحبيب الله ونبيه يالله يهل الحميه
*******
زيارة حسين يعالم رحمة الله الݘبيره
اسجل اسمه الوديعه الشارك ابهل المسيره
وهناك يوم القيامه ام الحسين تجيره
بجنة الله العظيمه بالحشر يصبح مصيره
تقبل الحور ادينه اليمشي ويزور حسينه
وكافل الراحت سبيه يالله يهل الحميه
*******
نگصد المظلوم ممشه الكربله يوم اربعينه
وصاحب الرايه يجينه برايته يظلل علينه
وامه تتلگانه بالطف ياهلا بشيعة ولينه
وتلطم ويانه اعله ابنها نشوفها تبݘي لبݘينه
تنسى الام ضلعها واحمر يسيل دمعها
وندخل الحضره سويه يالله يهل الحميه
*******
الله انعم علينه ببو اليمه ومحبته
جنة عالگاع يعالم خله الله حضرته
وعلى الفطره السليمه الناس هايه هوته
اجنن هواي محبته قسم بالطاهره اخته
بحبه صرنه عوابس طفه اصبح مدارس
تنطي الدروس هديه يالله يهل الحميه
*******
زينب اوي اليتامه لمن يرد ضعنهم
وياهم نقيم العزيه ونرفع اسود علمهم
وابو صالح يجينه يبݘي دم اعله بتهم
ويلطم الراس يويلي وݘن نسمعه يگلهم
ثاركم اخذه يهلي وكل ظلم ما اخلي
اقسم ابامي الزݘيه يالله يهل الحميه
*******
خادم اهل البيت / ابومحمد العاشور (07810010732)
Telegram