أحزان الغريبة الهاشمية

لطميه لمواسات زينب ع

اعمي عالزينب ياعين
والدمع يهمل لحسين
...............
جاشلي بيها المابجت
وهلت دمعها وانحبت
لحسين ياريت انعمت
ياعين اريدج تعمين
...............
ابجي يعيني من دمه
وهلي الدمع ويفاطمه
اليله اشنشرت بالسمه
وخمشت عليه الخدين
...............
نشرت قميص المنذبح
وتصيح يلجمني الجرح
ياصبح عاشر ياصبح
بدلالي خلف جرحين
..............
جرح التكطع منحره
و يلوج ضل عالثره
وعباس سبع الكنطره
احاه يكطع الجفين
..............
ياعين خل دمعج يخر
ابجي المصاب ام الخدر
من فاطمه شنهي العذر
جا كون دم تصبين

.✍ام زينب كربلاء غير مبري الذمه من ياخذ الكلام وينسبه له او يحذف الاسم

قصيدة لوفاة علوية شريفة ع {بالدرب ماتت}لسان مولاتي زينب ع

بـــــــــــالدرب ماتت ودمعتها جريه
زغيره بـت الحسن من سوده عليه

شافت اشكال القهر ...من اليتم حد النحر

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
بالدرب ماتت ودمعتها هميله
والحمل مليت وحدي بس اشيله
اه يمصايب زماني اشكد ثگيله

ام هادي ماتت بالدرب ...والوكت كلش صعب

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
من عمت عيني عليها ماتت اشلون
يعينهه الله شافت ابراسه يگطعون
والشماته ويلي بيها بس يلچمون

صاحوا اعليها العده ...حسين ياهو ايگعده

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
حسين ياهو ايگعده والحسن عافاج
چان هسه من الحرب بعيونه ضماج
ياشريفه من الاهل محد بقه وياج

بالمكابر كل هلج ...بعد محد يوصلج

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
بالمكابر كل هلج صاحاها اللعين
بعد لا يمج اخو لا يمج احسين
اعليهم اجري الدمع حيل اعميها هالعين

مايجونج للابد ...اعزاز كلبج باللحد

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
كلشي عاشته شريفه احزان بأحزان
يعينها الله ازغيره والدلال تعبان
بالكبر حطها اعله كيفك ها يدفان

املجمة من الحبل ...الصار بيها مو سهل

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج8

قصائد نسائيه لكل ايام محرم اشترك

قصيده للسيده رقيه ع
طريقه قرائه القصيده مقطع صوت مسجل بالقناة

عند مقتل الامام الحسين ع واهل بيته وحرق الخيام وسبي النساء ليله الحادي عشر جائت السيده رقيه في الليل المظلم الى جسم
الحسين ع وهيه تقول
----------------------------
المستهل
----------
يالمنذبح عطشان
مطروح عالتربان
بابه انه رقيه جايبه الماي-
اگعد بويه اشرب وارجع وياي
١--------------------------
بسواد الليل بويه حسين أجيتك
صعبه شگد عليه ميت لگيتك
بلا راس انت بويه شاهديتك

نحرك اديه تلوح
راس الولي بلا روح
شلون ترد عليه وانت مذبوح
جسمك ما يبين بس الجروح
٢--------------------------
بويه بس جسد والراس چاوين
جسمك كل كتر ينزف دمه حسين
هذا أنت أبويه تشوفك العين

من شفتك بلا راس
مصدومه بين الناس
ويامن أسولف چان الاحساس
جسمك عالارض لو عالرمح راس
٣---------------------------
بويه الطف يخوف وأنه فزيت
للحومه أعتنيتك بويه حنيت
بلا خيمه ولا أب أنه ظليت

تجري الدمع وتنوح
مسبيه راح تروح
طفله وهم يتيمه وهم سبيه
بويه من الضرب اشكف بديه
٤---------------------------
أيدي زغيره بويه وجرحك جبير
بيمن گلي أضمدك بنتك تحير
بلا راس انت بويه تگعد يصير

من خوفي گتلك گوم
حتى أنه اشكي هموم
أني ادري يبويه تحب رقيه
ومن أحجي يبويه ترد عليه
٥---------------------------
رقيه بهالعمر يا بويه شتشوف
جسمك بويه شفته توذره السيوف
وعمي گبالي شفته بلايه الچفوف

والرايه ويه الجود
عالارض صرعه حيود
عبدلله أنذبح هم شفته بالعين
الشمر بعيوني شفته يذبح حسين
٦--------------------------
أجيت وردت أگلك حرگو خيام
أفتح أيدك وخل بنتك تنام
مچان بصدره ما خلتلي الاسهام

ما الگه حتى مچان
عالصدر وين تنام
سالم ماشفت أمچان اليه
أخر نومه الي باجر سبيه
٧-------------------------
الشفته أنه بأبويه مو بالاحلام
جسمه منطحن لحمه بالعظام
جسمك عالارض مطشر أكوام

ابكل كتر ياويل
حتى بحوافر خيل
لا ظل راس لا ظل خنصر بأيد
هنا من جسمه أگو وهناك ببعيد
٨-------------------------
من دوس الحوافر جسمك الضاع
نص أنشال بيها ونص عالگاع
وصدرك منطحن ما ظلت اضلاع

من سحگن توذر
كل صدره وتحفر
بجسم حسين شنهو أسوت الخيل
من كل صوب جسمه بس دمه يسيل
--------------------------
تمت بعون الله
خادم اهل البيت ع
علي الاسدي

فلطم إمامنا الباقر رأسه،ورفع صوته بالبكاء،وضج أهله وعياله،وضجت المدينة بالبكاء والعويل، وكان كيوم مات فيه رسول الله( ص) واإماماه، وامسموماه وامظلوماه.

الله واكبر مات الامام
طلعت الوادم تلطم الهام
سمو ابو الباقر الظلام

شال الامام واظلم الكون
الناس والباقر يلطمون
فرگته صعبه وحيل يبچون

فأخذا ولده الباقر( ع) في تجهيزه، بينما هو يغسله إذ تنحى جانبا وأخذ في البكاء فقيل له: مايبكيك يابن رسول الله؟ قال( ع) : ابكي لما أرى من آثار الجامعة التي وضعت على صدره والغل الذي في يديه.

غسل ابوه الحيل ناحل
ويباوع آثار السلاسل
بس العظم واللحم نازل

للجامعه آثار ظلت
وبرگبته ويلاه حفرت
يابويه صاح وعينه هلت

ثم صلى عليه ( ع) ،وصلى الناس عليه ،وحمل جنازته ودفن في البقيع مع عمه الحسن( ع):

شال الجنازه وحفر گبره
وياه نزل وعيونه تجره
ويصيح بويه العيشه گشره

العمر ماينراد صاح
الميت ابوه شلون يرتاح
باجر علينه شلون مصباح

باجر اصباحه اظلم عليه
ودارك صفت وحشه وخليه
وياك اموتن لوبديه

دفنتك بديه شلون حالي
وبالقبر مديتك اگبالي
البيتك ارد والگاه خالي

بيدي التراب عليك هلته
ونحلان طولك يوم شلته
ومابعد گلبي طيب علته

يامحبين ياموالين… لما دفن الامام زين العابدين( ع) لم تلبث ان خرجت الناقه التي كان يركبها الامام الى القبر فضربت بجرانها الارض و رغت رغاء عاليا وماتت فامر الامام الباقر( ع) بدفنها فدفنت.
نعم… واعجب ممافعلته الناقه مافعله جواد الحسين( ع) يوم عاشوراء لما قتل الحسين جاء الى خيم النساء وهو يصهل و يقول الظليمة الظليمة من امة قتلت ابن بنت نبيها فخرجن النساء صارخات باكيات وتبعنه الى جسد الحسين ساعدالله قلبهم وكأني بحالهم:

المهر من جاهن بعلمه
اتراكضن يم ابواليمه
شافوه ذبيح وسال دمه

يتفاررن صارن عليه
راسه انگطع متوسد ايديه
شافنه جثه ولانفس بيه

يشمن بصدره ونوب نحره
وعلى الترب طاحن بكتره
واعظامه شافوها منثره

داست بگلبه وسحگت الخيل
عريان ثوبه والدمه تسيل
يباتون يمه رادو الليل

الشمر من بعيد اجاهن
وعلى جثته وليه ولاهن
نسوان لاوالي وياهن

……… ..تمت………………… .
#الناشرحيدرالجابري

بقلم ام زهراء العامري
@الجميع

مجلس للامام السجاد عليه السلام
........
صل الله عليك يا مولاي وابن مولاي يا غريب يا مظلوم كربلاء
سيدي ومن مثلك غريب وانت غريب الدار والوطن ومحروم الغسل والكفن ياليتنا كنا معكم سادتي فنفوز والله فوزا عظيما
.......
ويـالسقيمٍ شـفَّه الـسُقمُ والبكا ويـالنحيلٍ أنـحلته الـمصائب
ويـا لـفقيدٍ قـد أقـامت مآتما
عـليه المعالي فهي ثكلى نوادب
فـلا عـجبٌ بيتُ النبوةِ إن دجا
ومـن أفـقه بدر الإمامة غارب
ولـله أفـلاكُ الـبقيع فـكم بها
كـواكب مـن آل النبيِّ غوارب
حـوت منهم ما ليس تحويه بقعةٌ ونالت بهم ما لم تنله الكواكب

اه اه اه
اويـلي اعلى العليل المات بالسم
عگب ذاك الـيسر والهظم والهم
عليه امه الزجيه اليوم تلطم
.........
عگب ذيچ الهظيمه ومحنة الطف
او يـسره الـبي تگيَّد والتكتف
ونّـه مـا بطل ساعه ولا خف
..........
علي السجاد يجدف جبدته دم
لـمن چبده يويلي انمرد بالسم
والباقر عله حاله ايتهضم
.......
يبويه يالكضيت العمر مهموم
تنوح اعله الحسين الذبحته الكوم
اوخلوه عاري اتجفنه ادموم
......
محد تدناله اوشاله
اوظلت عليه تنحب اعياله
يحسين يالمامن مثاله
........
داست عله صدره الاعوجيه
والسجاد دمعاته جريه
ويكله يا بويه اشبديه
......
ضل ينتحب يذكر مصابه
واعيونه دمعتها سجابه
على احسين واصحابه اوشبابه
.........
فائزي
هليوم ودع دنيته السجاد مسموم
كضه العمر بعد ابو اليمه احسين مالوم
بعد الابو السجاد ظل عايش بالهموم
لمن كضه بيد ال اميه اوغمض العين
........
هليوم ابو الباقر كضه اوغمض اعيونه
يمه بني هاشم اجوه ويشيعونه
مومثل ابو اليمه بعد ذبحه ايرضرضونه
اومحد تدناله بس ظلت ايتامه والنساوين

اه اه اه
گام او غـسـله الـباقر ابـايده
او شـاف الجامعه امأثره ابجيده
او شاف الساگ بيه اشعمل گيده
گعد يبجي او على حاله ايتهظم
.....
يا شيعه يا محبين يا اهل العزاء اجركم الله بمصاب مولانا الامام علي ابن الحسين زين العابدين عليه السلام
فانا لله وانا اليه راجعون وسيعلم اللذين ظلموا ال بيت رسول الله اي منقلب ينقلبون والعاقبة للمتقين
المحاضرة
.......
قيل للإمام زين العابدين (عليه السلام ) : كيف أصبحتم رحمكم الله ؟!.. قال : أنت تزعم أنّك لنا شيعة وأنت لاتعرف صباحنا ومساءنا ؟.. أصبحنا في قومنا بمنزلة بني إسرائيل في آل فرعون ، يذبّحون الأبناء ، ويستحيون النساء ، وأصبح خير البرية بعد نبيّها (صلى الله عليه واله ) يُلعن على المنابر ،ويعطى الفضل والأموال على شتمه ، وأصبح من يحبّنا منقوصاً بحقه على حبّه إيّانا ،وأصبحت قريش تفضّل على

جميع العرب بأنَّ محمّداً (صلى الله عليه واله ) منهم ، يطلبون بحقّنا ولايعرفون لناحقّاً ، أدخل فهذا صباحنا ومساؤنا.
امنا بالله صدق مولانا الامام زين العابدين عليه السلام

بعد شهادة الامام الحسين عليه السلام لجأ الامام السجاد عليه السلام
الى الصبر علىٰ ذلك الضيم أو الحيف الذي شمله مع عمّته العقيلة زينب عليها السلام وتمرير المرحلة بالعضّ علىٰ الجراح بنيّة مواصلة مواصلة الجهود التي تعيد الوعي إلىٰ الاُمّة المغلوبة علىٰ أمرها ، المسلوبة إرادتها المغيّب ضميرها ،

من هنا كان علىٰ الإمام أن يختار طريقاً أو منهجاً يحقّق له هذا الهدف الكبير دون المساومة علىٰ مبادئه أو التفريط بها ،
فاختار طريق البكاء أولاً ، ثم طريق الدعاء
وعن طريق البكاء المشفوع بالدعاء ، استطاع الإمام عليه السلام أن يحقّق الأغراض التالية :
۱ ـ و استنهاض الضمير النابض في الاُمّة والذي لم يمت بعد ، أيّ مخاطبة الفطرة السليمة ، من خلال دموع ساخنة ونشيج صادق لا يمكن تفسيره ببساطة علىٰ أنّه مجرّد عواطف فائرة علىٰ فجيعةٍ مرّت وكارثة حلّت ، لا سيّما وانه من إمام يعرف أكثر من غيره القضاء والقدر وحتميّة الموت وطوارق السُنن ...
۲ ـ استثمار جميع المواقف والمناسبات التي تُذكّر الناس بالجريمة الكبرىٰ التي ارتكبت بحقّ سبط النبي وسيّد شباب أهل الجنّة ، وعبر بكاء حارّ صادق يتفجّر أمام قصاب مثلاً يذبح شاته فيسقيها ماءً قبل ذبحها
أو أمام ضيف فقد عزيزاً فغسّله وكفّنه ـ
أو علىٰ مائدة إفطار يُقدّم فيها الماء للعطاشىٰ والضامئين
وغير ذلك ممّا كان يذكّر بتجاوز الحدود ، وقساوة القلوب ، أيّ قلوب القتلة التي كانت كالحجارة أو أشدُّ قسوة ، وهذا يعني تركيز الشعور بالإثم الكبير الذي ارتكب في طفوف كربلاء والذي صار عنوانه : « لعن الله أُمّة قتلتك ، ولعن الله أُمّة ظلمتك والعن أُمّة شايعت وبايعت علىٰ قتلك ، ولعن الله أُمّة سمعت بذلك فرضيت به » !!
۳ ـ عدم اعطاء الفرصة للسلطة الحاكمة وعيونها وأزلامها ومرتزقتها للوقوف بوجه هذا الاسلوب اذ أنّ المفجوع ليس لديه إلّا البكاء ، وأنّه ليس عملاً جُرمياً يبرّر للسلطة اتّخاذ إجراءٍ قمعي لمواجهته ، فكيف إذا كان المفجوع باكياً فعلاً وليس متباكياً ، كما هو حال الإمام عليه السلام !!

يحسين انهض نور عيوني

ودعتك خويه بحزاني
عالغبرة وطاحت والياني
وكبالي وذبحو خواني
وبراسك خويه يفجعوني
يحسين انهض نور عيوني

وين الكافل ينهض لينه
صار القاتل يحرس بينه
من ديرة الديرة يمشينه
من بعدك خويه يظربوني
يحسين انهض نور عيوني

عالهزل مشونه بلوعه
شفت حسين مكسرة ظلوعه
وعيالك تنحب مفجوعه
بمصابك انه يصدعوني
يحسين انهض نور عيوني

احجيلك خويه بدمعاتي
عالرمح وتسمع وناتي
مهمومه وأگبد لوعاتي
من بعدك خويه يشتموني
يحسين انهض نور عيوني

بت حيدر انه المعروفه
مهظومه وطبيت الكوفه
محتارة بهمي ومجتوفة
تنظرلي الناس وهظموني
يحسين انهض نور عيوني

شافوني خويه بلاوالي
وبسوطه يروع بطفالي
يوم الطاح حسين الغالي
وبحيرة بوحدي تخلوني
يحسين انهض نور عيوني

خادم الحسين ع
الشاعر حسين الساعدي

اللهم صل على محمد وآل محمدﷺ
قصيده ثگيله للحسين عليه السلام
ويضآ تقرٲ بعدت اطوار <✹◆✹>


راس مرفوع برمح خله بيه جم جرح
راس الحسين...راس الحسين

هذا راس حسـين هذا مـن نضرتـه
ماشي ويـاي بيسـر أيـباري اخـيته
من كثر ضرب العـده خـويه ندبته
أعليه من فوك الرمح مالت رگبته

چــنـي أســـمـع ونـتـه
بـعـيـنـه نـزلت دمعـته

راس الحسين ...راس الحسين

✵ـ•┈┈<◆✹✺✹◆>•┈┈•ـ✵

عيونه من فوك الرمح واتصد علينه
بيـهه تـشرح چـم الم نضرت واليـنه
حـرك الخيـام والـم حرگت عـبيـنـه
وچــنـه يگـلي يزيـنب سـامحـينـه

يختي مــوهيـنـه تـره
عــالـهــزل ومـيـسـره

راس الحسين ...راس الحسين

✵ـ•┈┈<◆✹✺✹◆>•┈┈•ـ✵

مچـتفـه بحبـل المصيبه وهظـم بيه
والأشـد لوعـه وٲلـم راس الـشــفـيـه
صحــت واويــلاه مـن هــاي الـرزيـه
وين أبـو الحسنين يحضر والـزچـيه

يــشـاركـونـي بمحـنـتـي
بيسري وذبــح اخـواتـي

راس الحسين ... راس الحسين

✵ـ•┈┈<◆✹✺✹◆>•┈┈•ـ✵

شگد صور من كربله ترست خيالي
شلون حـاله ايصير المفارك غـوالي
وانـه بـٲرض اطفوف منهم مابگالي
يعـين گلبي بهـل مصايب والجرالي

مـوتت اخـواني متت
من بعـدهـم لا عشت

راس الحسين ... راس الحسين

✵ـ•┈┈<◆✹✺✹◆>•┈┈•ـ✵

شـوف زينـب وشعـمـل بيـهه الزمن
شلون محنه گلبي يـالـوالي امـتحن
ابـيـن غـربـه وعـنـي ابعـيـد الـوطن
وانـــه حـرمــه ويـن حـمـاي الضعن

والله حـيـره حــيــرتي
مـاكو مثل امصيـبتـي

راس الحسين ...راس الحسين

✵ـ•┈┈<◆✹✺✹◆>•┈┈•ـ✵

تــﻣت بـــ؏ـــون الله تــعــالـئ

✍🏻#بقلم خادمة الزهراء ام عهد

نــســــألــكـــمــ الــدعـــاء 🙏🏻

بتعجيل الفرج لصاحب الزمان {عج}

غير مبري الذمه من يحذف اسم
الشـاعــره او ينسـب الكـلام لــه

لطميه


كعدت ابابهم واذكرتهم  
مانصبر بعدهم
ترد ارواحنه امن اشتم عطرهم
مانصبر بعدهم
ترد الروح بيهم      من نسمع حجيهم
ترد ارواحنه أمن اشتم عطرهم
مانصبر بعدهم

****

كعدت ابابهم وانصيح أهلنه
صحت يادار وين أهل المحنه
شالوا للنجف وابعدوا عنه
بعدوا مايردون      بالرمله ينامون
ترد ارواحنه أمن اشتم عطرهم
مانصبر بعدهم

****

يمن بعدوا عليه اومايردون
كطعيت الرجه اوخيبت الضنون
كسرتوا اكلوبنه واعميتوا العيون
كافي وبطلي ياعين     وعليمن تونين
ترد ارواحنه أمن اشتم عطرهم
مانصبر بعدهم

****

كافي اوبطلي ياعين البواجي
نون اعليهم اونشبع بواجي
حلوين المحنه والمحاجي
ياحلوين الاطباع      طمت بيكم الكاع
ترد ارواحنه أمن اشتم عطرهم
مانصبر بعدهم

****

طماها التراب اوجوه الأحباب
ننشدهه الأهل والأهل غياب
ومصاب العليه ماجره اوصاب
وهموم العليه     كلها من اديه
ترد ارواحنه أمن اشتم عطرهم
مانصبر بعدهم

****

*تمت*
*بقلم وصوت أم ريام المحمداويه*

رأت زينب سلام الله عليها عجة غبار كثيف
ودخانا كثيرا فدت ثم صعدت على التل ونادت ثلاثا اخي حسيين
اخييييييي حسييييييييييين
اخي حسسسسسسسسسسين😭💔

فلم يجبها..صررررخت بصوتها من على التل على النسوة
لقد قتل الحسين هموا واهربوا من الخيام😭
صار الهجوم على الخيام


ذبحوا يناس الحسين
ومحد فزعلة وشالة

❥❥❥❥ـــــــــــــ❁❁ـــــــــــــ❥❥❥❥



نايم اخيي عالثره
مكطوع منه خنصرة
عزوا الزجية الطاهرة
زينب صفت ياحاله

❥❥❥❥ـــــــــــــ❁❁ـــــــــــــ❥❥❥❥


زينب وحيدة بكربلة
وتتراكض بنص الفلة
وحسين من يفزع آلة
من داستة الخيالة


❥❥❥❥ـــــــــــــ❁❁ـــــــــــــ❥❥❥❥


شافته محزوز النحر
وبراسه اخوها منطبر
ينفعها شنهي ياصبر
وياهو اليلم العايلة

❥❥❥❥ـــــــــــــ❁❁ـــــــــــــ❥❥❥❥

فرن بناتك ياعلي
بس زلم تركض بالخلي
مابقى واحد من هلي
ويشيل حمل المايلة

ضلت حايرة  زينب بأهاليها

وطاحت الراية/ من طاح الكفيل

وحيل مردوها/ ياجثة اخيها

من طاح واليها / صاحت ياعلي

وتريد عوانه/ زينب عالكفلها

لحسين واخوانه /مانصبت عزه


❥❥❥❥ـــــــــــــ❁❁ـــــــــــــ❥❥❥❥

*ام زهراء*
*خادمة خدام الحسين عليه السلام*

للنسااااااااااء فقط
بدون أمر عليكم

للنساء فقط
☝🏻☝🏻☝🏻

‏استعمل هذا الرابط للانضمام إلى مجموعتي في واتساب: https://chat.whatsapp.com/EybuRHcT0JVHIt9gQbG7cB

عن الإمام الباقر عليه السلام:
إذا كنتَ في جَنازَةٍ فكُنْ كأنّكَ أنتَ المَحمولُ، وكأنّكَ سَألتَ ربَّكَ الرَّجعَةَ إلَى الدُّنيا لِتَعمَلَ عَمَلَ مَن عاشَ؛ فإنّ الدُّنيا عِندَ العُلَماءِ مِثلُ الظِّلِّ.

المصدر:كتاب ميزان الحكمة

قصيده لام البنين ع

طور وزن خادم انه
يم الكمر .. يم الكمر...... عله بابج اجيت

⊰᯽⊱┈──╌*❊*╌──┈⊰᯽⊱
⊰᯽⊱┈──╌*❊*╌──┈⊰᯽⊱

انتخي انه بزماني بيج يا ام الكمر
بالدهر كلبي تلوع بالمحن كلبي انكسر
الفاتحه اقراها لجلج لومشيت بأي سفر
انتي ام عباس انتي بالدهر عبرة وعبر

بلوعه والم ... بلوعه والم.. عله بابج بجيت
يم الكمر.... يم الكمر... يم الكمر عله بابج اجيت
⊰᯽⊱┈──╌*❊*╌──┈⊰᯽⊱
⊰᯽⊱┈──╌*❊*╌──┈⊰᯽⊱

بداعت الاربع بنينج كلبي بالهم يشتجي
كلبي لجلج يالحزينه ابد ماعاف البجي
من جفوفج حاجه اريدن انه بدموعي ارتجي
انتي باب الله اعرفج منين ماريدن اجي

بيج انتخي .. بيج انتخي...بيج انتخي عله بابج بجيت
يم الكمر.... يم الكمر.... يم الكمر... عله بابج اجيت
⊰᯽⊱┈──╌*❊*╌──┈⊰᯽⊱
⊰᯽⊱┈──╌*❊*╌──┈⊰᯽⊱

كل علل انتي تشافي مايظل بينه المرض
انتي يم عباس اعرف للزجيه انتي العوض
طاعتج يم الكواكب.. واجبه وحب انفرض
لنصرت حسين وطفوفه. انتي اديتي الغرض

بدمع وهظم .. بدمع وهظم..بدمع وهظم..عله بابج بجيت
يم الكمر.... يم الكمر... يم الكمر عله بابج اجيت
⊰᯽⊱┈──╌*❊*╌──┈⊰᯽⊱
⊰᯽⊱┈──╌*❊*╌──┈⊰᯽⊱

الماضي يشهد والليالي . مجربه بت الكرمين
ابد مترجع دعائك. توسل بنحر الحسين
العليل ايطيب حتمن انخه ام كلب الحنين
جيت وبكسرة الخاطر الج مديت الادين

خادم الج .. خادم الج ..خادم الج .. عله بابج بجيت
يم الكمر.. يم الكمر.. يم الكمر عله بابج اجيت
⊰᯽⊱┈──╌*❊*╌──┈⊰᯽⊱
⊰᯽⊱┈──╌*❊*╌──┈⊰᯽⊱

بيه الوعه بنص دليلي. موجر بنار وتفور
ولدمع من عيني طايح وبيه نار الهم تدور
نظره مولاتي عله بختج بجاه كطعت النحور
اليله بهمومي اجيتج مصارعه بهم الدهور

ناح الكلب . ناح الكلب...ناح الكلب..عله بابج بجيت
يم الكمر.... يم الكمر... يم الكمر عله بابج اجيت
⊰᯽⊱┈──╌*❊*╌──┈⊰᯽⊱
⊰᯽⊱┈──╌*❊*╌──┈⊰᯽⊱

اليله اكصد باب جودج اتوسل بدمعت حزن
ونخه ابدمعة رقيه.. البلهظم ظلت تون
عليج زينب وليتامه. المنها نحلان المتن
اسمي بالدفتر تسجلي عليج ظلع ام الحسن

جبره اريد.. جبره اريد. جبره اريد.. عله بابج بجيت
يم الكمر.... يم الكمر... يم الكمر عله بابج اجيت
⊰᯽⊱┈──╌*❊*╌──┈⊰᯽⊱
⊰᯽⊱┈──╌*❊*╌──┈⊰᯽⊱

تمت بعون الله تعالى*
✍🏻الشاعره مريم العبوديه
💔💔💔💔💔💔💔💔💔💔💔💔💔💔

الناشر // عالي مقامي
غير مبري الذمه يحذف اسم الناشر من القصيده

نعي مفجع
السيده زينب تخاطب أبا عبدلله


يخويه الـخـيـل جسمك طـشّـرنـه
عَــشــره مـشـت عَــشــره أتـعـنّــه
وحـافــر لــعِــد حـافــر يـگـلـبـنــه
بالـخـيـمــه أوصـلّـي لـحــم مـنــه


داسـت عـلـيـك الــخـيــل كـلـهــه
وصـدرك تـرضـرض مـن ثـجـلـهـه
مـدري اشـتــريــد ويــاك شـلـهــه
عَـيّـه الــحــوافــر صـارت ألــهــه



يحسـيـن گـلـبـي شـلـون اصَـبـره
وَصَـم الـصـخــر حـالـك يـِفَـطـره
الـتـفـگــد عـزيـز اتـمـوت حَـسـره
اشـحـال التشوف اعـظـام صـدره

*----------------------*-------------------*

    خادم الحسين (ع)
✍الشاعر رعد الجريخي


#قناة_خاصة_للنعي
من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها

#جديد
#العليلة عليها السلام 💔
طور : أيا كاظم ، ملا محمد بو جباره
.
.
تِخلوني .. تِخلوني
يَعمَّه لا .. تِخلوني
___
ابحرگه اشلون ويلي اتسيل دمعتها
تبچي وتنتحـــب واتنِـــادي عمتـها
عليلتكم وحيِــده اشلــون ظَلَّتها
فوگ المرض تبگه ابنـــار وحدتها

الهجر يا عمّه يذبحني .. البُعد بسيوفه يجرحني
ومنو عگـب الولي باچر .. يمسيني ويــصبحني
____
أنا المتعلمه يا عمه اعله حِنِّيته
ووجوده الچان مصباح ابوسط بيته
أظــل اشلــون بعــده وآنـه ابنيته
وحيده وانتظرها بحسرتي جيته

عليله والأهل غياب .. وأظل امتانيَّه عالباب
ودليلي ايگلي يا عمه .. بعد ما ترجع الأحباب
____
بچت زينب ونادتها يَضي العين
يَعمَّه ينفطــر گلبي مِـنِ اتــونين
يَعمَّه بهالسفر چم نايبه اتجرعين
يَعمَّه صعبه باچر تنظرين حسين

وتشوفينه على الغبره .. أبوچ ومنگطع نحره
وتجي خيّالة العشرة .. ترض ظهره وترض صدره
____
أخاف اعله دليلچ عمَّه يتفطر
إذا هجمت علينه باچر العسكر
نسحگ عالجمر وإنتيه وسط البر
وللكوفه ابصباح اهدعش نتيسر

على الهِزّل يركبونه .. يَعمَّه ابسوط يضربونه
وعلى اجسوم الأهل عمَّه .. العده باچر يِمرونه
____
تمت ببركات مولاتي العليلة عليها السلام
#فاطمة_كريم
٢٠٢٤ م

اخ يايمه
اخ يايمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گوم لمك يالمدلل كوم مـــــــــن نوم الترب
گلب ماعنـــــدي يتحمل يبني شلعان الگلب
درب صاير للحوافر شنهي چا ضـــاع الدرب
ليش اخوتك ماهي يمك ليش شو كلها غرب
كوم مــو شليت گلبي حسين گوم
دوم مالايــــگ عليك المــوت دوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يبو گلب الماكو مثله ليش نومـــــك مــو عدل
ليش فوگ الرمل نايـــــــم والرمل ماينحمل
ليش راسك موش فوگك ليش راسك ينعزل
ليش هاي الخيل يبني ادوس فوگك هل شكل
وين يمه تريـد بيــــك الخيـل وين
زيـــن حسبالي ولكيتك ماهو زين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابني لو ابن ابني هـــــــــذا الذابحينه تحيرت
من السحگ زغران يبني تگول عبد الله صرت
مره ماتعرف بزهرها حچيلي هاي بيا وكــــت
گمت بس حسبالي ابنك عله طولك مـن كمت
لون ماخليت بيه حسين لـــــــون
ساعه اكولن عبد هذا وساعه عون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انته تدري البزر غالي وماكــــو اغله من البزر
اشـــوه لو مكسور ضلعي حول الگلبي الكسر
يامره الشافــــــــــت ابنها مثني فوگاه الشمر
وموش بس هدومه صارن حتئ شيباته حمر
هاي شيخلصها بالله اليـــــوم هاي
الماي ضال وماضگت يوليدي ماي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،، شور گعده،،،،

اه يالعليله
اه يالعليله
،،،،،،،،،،،،،،،،،،،،،،،،،،،
لاتحچـــــون يمي بطاري الفــراگ
ترئ الحدر الضلعوع بساع يشتاگ
ترئ دموعي رخيصه والگلب طاگ
جفاكــــم مالي حيله ينشف الرياگ
،،
وياكــــم خـــــل اروحن لا تموتوني
ارحموني يبعـــــد اعيوني ارحموني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بسكته بسكته روحو كــون تردون
مو جدامي مـــــــن تردون ترحون
اغبشـو غبشت الله وموش تبطون
الموادع صعـــــــب ويبس العيون
،،
مغافل عني روحـــــــــو لاتندهوني
يعمن لــو شفتـــــكم يمكن اعيوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اصعب منه ماكــــــو وداع الحباب
مــــن اضــــــــل وراهم لازم الباب
هنانه اتصير چنــك صاحب مصاب
وتتمنـــــه المنيــــه تردك تــــــراب
،،
اليسألوني شگلهم مــــــن يسألوني
عذركم چي مريضه وحدي عتفوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخـــر چلمه عـــــــدي اطلع الشيب
فدوه ادعولي اموتن كــون ماطيب
ترئ الفرگه مرض والمرض تعذيــب
التجيب الضيم غير الموت شتجيب
،،
گبــل ممشه الضعن يحسين ادفنوني
اول تالي اموتن گومـــــــــو شيعوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شور گعده
،،، فاطمة العليله،،،

ام البنين ام الوفه
ام البنين ام الوفه
،،،،،،،،،،،،،،،،،،،،،،،،،،،،
طلعــــــــت ام الأربعـــــه تناوش لبنها الرايــه
دنگت يــــم ابو فاضل گــــــوه تحچي حچايه
گالها العباس يمه شبيــــــــــــــچ مامرتاحـــــه
تگله بس اربـــــــع زلم وديــت موش هوايـــه
،،
امنيتي عندي من الزلم عشر ازلام
مثل ابو فاضل كـــــــون منا للشام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وگفـــــت گبال الحسين مــــن الخجل محنيه
تگلي وي والدي ارد اروحن خاف ولدي شويه
حالي ماحال الفواطم خـــــــل اروح وياكــــم
حتئ مـــن يسبون زينب انــــه هــــــم مسبيه
،،
وي ام وهب يحسين جدام الناس
اطلع وگولن انـــــــــــه ام العباس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
التمو اعليها ولــــــــــدها وفرحـــــــت بلمتهم
حزمتهم زلمـــــه زلمـــــــــــه الكربله اودتهـــم
الگمر چنها والكواكــــــــــــب دايريــــن اعليها
وين ابو السيف الثجيـــل اعله الحرب نگلتهم
،،
لحسين فدوه تگول كلهم يرحون
غالين بس گبالــه دوم يرخصون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من سمع بيها ابو الاكبــــــــر نزل دمع عيونه
تگله ولدي اولد ولدي حسين مــــــــــو نمونه
انته اغلئ من ابو فاضـــل عندي يابو سكينـه
واليطيـــــح بشــــــــــده لازم اهله اليشيلونه
،،
للموت كلنــه نروح يحسين وياك
نسوان وزلام وعلي نطيــح هناك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، شور وگفه،،،

ثكيله لسفرة ام البنين ع
**
بسفرتج اجينه      انجمعنه ونخينه
نعرفج حنينه       ياأم البنين
*
إجيتج يالوفيه بكلبي فد نيه
حيرني زماني ومارحم بيه
أحلفج بالجفوف الطاحن إرميه
بالعباس كولي الحاجه مكضيه
بدمعتي الجريه      نخيت الوفيه
اجيتج حزينه        ياأم البنين
*
يل حبج جمعنه ونطلب الحاجات
عله مصابج ننوح ونهمل الدمعات
غريبه بلا إبن ظليتي بالنكبات
عله حسين الغريب اكضيتي بالحسرات
فديتي بنينج      نون لونينج
لحسرتج بجينه     ياأم البنين
***
حاجات المحب يالطيبه اكضيهه
كلمن حاجته متعسره سهليهه
وحك كل دمعه لحسين البجيتيهه
شدايد عدنه يم عباس حليهه
كتبنه الاسامي       عليج بامامي
الحسين وبنينه      ياأم البنين
***
نون لمصيبتج نذكرهه دمعاتج
نظل طول العمر ماننسه حسراتج
نخيناج واملنه بفيض دعواتج
يم عباس معروفه كراماتج
طلبنه وسألنه      شفيعتنه كلنه
بجاهج دعينه      ياأم البنين
****
أم علي

قصيده ثكيله  لسفرة ام البنين ع

بقلم المله والشاعره ام علي الاماره

المستهل 👇👇👇

يم عباس الج سفره/تسولف هالبشر بيهه

كلمن طالبه الحاجات/ ام عباس تقضيهه

❄️🍁❄️🍁❄️🍁❄️🍁

الج سفره يمولاتي /جربناها بالشدات

سفرتج يالكريمه اليوم/هي تكضي الحاجات

والج عكده يعكدوها /يم عباس بالرايات

يعكدوها بفضل اسمج/وفضل عباس راعيها

❄️🍁❄️🍁❄️🍁❄️🍁

صرنه بيج نتوسل /وبعباس تنطونه

وكل حاجاتنايمج/ويم عباس مضمونه

حاشه ماتخيبيني/ومنج رايده العونه

ومن تكضين حاجاتي/كلبي ينسعدبيها

❄️🍁❄️🍁❄️🍁❄️🍁

اجيت اشكيلج اهمومي/واجيتج عاكدع الرايه

عرفت للقلب سلوى/مثل عباس وفايه

وكلمن كاصده وتنخاج/وتتعنالج اعنايه

طلبن كل حوائجهن/بسفرتج وانتي خلصيها

❄️🍁❄️🍁❄️🍁❄️🍁

يمولاتي الكلب ينخاج/حيرانه وعليه اهموم

اتوسل بيج مولاتي/وبالباري الحي القيوم

مقامج عالي عند الله/ارفعي اجفوفج بهاليوم

نتوسل نظل للموت/حوائجنه انتي تكضيها

❄️🍁❄️🍁❄️🍁❄️🍁

كلمن طالبه حاجه /تمد الايد عالسفره

تاخذ علك من عده وتبجي وتسجب العبره

تون واصيح اه يحسين/آيالكسرو صدره

وهذه الطاهره الحره/لجل حسين تكضيها

❄️🍁❄️🍁❄️🍁❄️🍁

غير مبري الذمه اليحذف اسم الشاعره ويتلاعب بالكلام

لطميه للسفره ام البنين ع

مكضيه الحوائج بيها مكضيه
وهاي مجربه بسفرة البدويه

كريمه وبس اكصديها
والحاجات اطلبيها
مكظيه الحوائج بيها مكظيه
.................
شماشفتي هظم وهمومج ثكيله
لم عباس روحي وعكدي الشيله
تنطيج الجليله وهمج اتشيله

تنطي مراد سفرتها
وتحضر  للتعنتها
محتاره واجيتج عينج عليه
مكظيه الحوائج بيها مكظيه
............
هذه سفرتج بالخلك  معروفه
للمحتار والمعلول  موصوفه
والحاضر سفرتج عينج اتشوفه

حاير ما تخلينه
الكاصد دمعته بعينه
تكلج ياهله بالزامطت بيه
مكضيه الحواىج بيها مكضيه
..............
تعاي السفرت ام عباس عنايه
ياباب الحواىج جيت شجايه
كراماتج عظيمه وفضلج هوايه

والكاصد تكرمينه
وبرهانج تبينينه
كعدت يم سفرتج والعين مجريه
مكظيه الحوائج  بيها  مكظيه
...........
يم عباس اجيت العين  هماله
طايح يالحمل ويريد  شياله
مشيه عليج يوم حسين وعياله

يحره لا  تخيبيني
وبيدي امراد تنطيني

بحك عباس واجفوفه  المرميه
مكظيه الحوائج بيها   مكظيه
...............
لو عندج  هموم  وحايره بيها
تعاي السفرة ام عباس  اكصديها
بمجلسها الحوائج  كلها  ذبيها

هاي الماترد كصاد
تنطي للندبها مراد

حلفيها ببوسكينه  واهاليه
مكضيه الحوائج بيها مكظيه
......... 
ام زينب كربلاء
بذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊
خدمتكم شرف لنا