Трансферная палітыка "Дынама" можа быць праблемай? Разважаючы пра цяпершнюю сітуацяю з відавочным недакамплектам футбалістаў у сталічным "Дынама", Сядзько ўспомніў старт мінулага сезона. І ён мае рацыю. Мы можам не ўбачыць прайм-склад "бела-блакітных" ні ў першым туры, ні ў 10-м. 👍 Напачатку мінулага сезона за каманду Скрыпчанкі толькі ў стартавым складзе, не ўлічваючы замены, выходзілі такія футбалісты як Міхаленка, Кролік, Чарняк, Сакалоўскі, Сілінскі, Апяцёнак, Васільеў. Асноўным форвардам быў Мялёшын. Ці ўспаміналі вы пра іх па ходзе сезона? ❌ Чарняк, Васільеў пакінулі "менчукоў" яшчэ да лета. Міхаленка, увогуле, згуляў толькі ў Суперкубку і сышоў у ФК "Мінск". Сакалоўскі спачатку гуляў больш за Мельнічэнку і нават забіваў, але ў выніку прыняў удзел усяго ў шасці матчах за сезон. І так далей па спісе… Ужо ў красавіку прыехаў Раі, летам да каманды далучыліся Альфрэд і Кулікоў. Таму не варта здзіўляцца трансферам Мякіша, Шаўчэнкі і Вакуліча, бо наўрад ці ў еўракубках (кваліфікацыі ці групе) мы ўбачым хоць кагосьці з тройцы ў аснове. І, адпаведна, не варта хвалявацца за "Дынама". 4+ мільёны прыбытку за мінулы сезон у Еўропе і паслабленне ліміту яшчэ паспеюць спрацаваць у якасці каталізатараў падчас трансфераў легіянераў.